DE LA TRES ILLUSTRE MAISON DE BOURGOIGNE

Ces mètres alexandrins sont Interrogatifs ou Responsifz alternatiuement.

Dj moy qui gist icy sans que point tu mabuses ? (1)

— Cy git lamy priué dapollo et des muses. Quelz choses auec lui sont mortes et transies ?

— Dictz soubtilz, sauoureux. Ieux. Riz et facéties. Qui est ce qui pour lui de plourer continue ?

— Cest Rhetoricque en chief, qui fort sen diminue. Est ce doncques celui tant cogneu M^linet ?

— Cest lui seul qui mouloit doulx motz en molin net (2)

(1) Ces points d'interrogation ont été introduits par l'éditeur de Chastellain.

(2) On sait que ce jeu de syllabes était légendaire du vivant de Molinet. C'était lui qui l'avait commencé.

Mais qui fut Ihomme heureux qui tant lui en apritV

— Des cieulx vint linûuence a son sublime esprit. Neust il nul précepteur, Greban ou maistre alain ?

— Son maistre qui cy gist fut Georges chastelain. Lensuiuit il de près. Est il per ou sil passe ?

— Tous deux on peut noter en rigle et en espace. Mais a qui comparer les peut on sans mespris ?

— Lun pour Virgille. Et iautre est pour Ouide pris. Lun doncques fut plus graue. Et Iautre plus facille ?

— Plus humain fut Ouide et plus diuin Virgille. 0 Tous deux bienheurez, qui telz tiltres méritent Leurs engins, leurs vertuz de gloire les héritent Qui pourra plus iamais a tel los parataindre ?

— Nullui, qui sache plume en noir attrament taindre. Combien a perdu doncq, la langue gallicane ?

— Par leur mort elle est mise en basse barbacane

— En quel temps soubz quelz Roys furent ilz florissans ?

— Va lire leurs labeurs partout resplendissans.

— Pourquoy se firent ilz Indiciaires lors ?

— Car (1) ils uous ont monstre dhistoire les trésors.

— Las. Que peu de gens sont quon sache auoir vescu.

— Ceulx cy font les gens viure et la mort ont vaincu.

— Comment a nom ce lieu qui telz les a nourry ?

— Val en oignes (2) val doulx val insigne et floury.

— Où sont leurs monumentz et précieux tumbeaux ?

— En la bouche des bons, et en leurs escriptz beaux

— 0 dieu combien vault mieulx tel tumbe que de cuiure.

— Dautant que plume voile où métal ne peut suiure.

(1) Pourceque (Kervyn). Et plus haut, se dirent.

(2) Valenciennes.