EPISTRE

Pour ce que Tu homme très élégant Seigneur Charles le clerc Trésorier des guerres, portes humainement amour et Reuerence aux euures des princes orateurs et monarques poètes de nostre langue gallicane dessus mentionnez, et que mesmes en contemplation de leur Ingéniosité souueraine, Tu de ton plain gré tes offert de faire grauer ce présent leur epitaphe, en cuiure ou en marbre, ou lenrichir en tableau de paincture pour le poser ou lieu ouquel Hz sont sepulturez (1), A ceste cause, le le dédie et intitule voulentiers a ton nom. Et pour ce que le ne suis si opulent que leur puisse ediffijer autre sepulchre ou mauseole (sic) condigne, a leurs mérites, toutesuoyes pour euiter ingratitude, ie faiz ce qui est en moy. Cestassauoir de refreschir et représenter leurs mémoires en la souuenance des viuans. Ainsi que ie le doy faire, comme leur successeur non digne. Mais tel quil a pieu aux deux Royz père et fîlz (2) et a la princesse leur fille et seur vnicque me instituer après auoir veu et approuué mes petiz labeurs. Sil y a doncques quelque vng qui se deuille et sente offensé de ce quil na esté promeu et préféré audit office, attendu quil se cognoissoit à ce plus ydoine il mest aduis que pour mieulx persuader sa souffisance et ydoneité (non encoires assez congneue) il fauldroit quil fîst vne chose. Cestassavoir

(1) Les deux tombeaux, voisins l'un de l'autre, se trouvaient dans l'église de Notre-Dame de la Salle-le-Comte à Valenciennes. Tout à côté fut placé un tableau où cette epitaphe était inscrit en lettres d'or.

(2) Maximilien et Philippe le Beau.

iv. 21

W8 I IM I VI 111. KN MAMEKK DE DIALOGUE.

prompte foy (1) dautant de ses estudes et veilles employées, à lhonneur et seruice, de ceste très Illustre maison comme iay fait iusques à ores en laaige ou ie suis. Non tant. Car ce seroit trop pour lui. Mais, sans plus, autant que peut monter le premier liure de la couronne margariticque des ia assez publijé et dont tu as le double (2). Et les deux autres premiers des singularitez de troye et de turcquie, qui ne sont encoires diuulguez, sy non au scauoir de madame. Laquelle ma commandé Iceulx recorriger et amplijer bien exquisement ains les mettre en lumière. Parainsi quand icelui prétendant incogneu aura fait telle ostension de ses euures, si ie ne remonstre dabondant plus grant chose, il aura marcque sur moy. Car il fault quil sache se dauenture il ne le scet que ce terme Indiciaire vault autant à dire comme démonstrateur. Et est celui office si iuste quil ne requiert, faueur, ny acception de personnes, et ne se peut donner synon au mieulx monstrant la force de son engin, et sy est de tel subiection, quil ne se peut exercer par procureur. Demonstre soy doncques lautre, car on voit clerement que ie le faiz ainsi. Et me délibère si dieu men donne la grâce, den faire encoires plus ample Indice et démonstration, affin quil sache que son enuie me sert desguillon à plus grand vertu. A tant homme tresaourné Trésorier de toutes bonnes choses et qui entendz ces matières. Dieu te conserue prospère. En anuers ce .xv. de Febvrier .M.D.C.vij.

(1) Faire foi, prouver immédiatement. S'agirait-il de Remy Dupuis qui dès 15H le remplaça comme Indiciaire?

(2) Assez publyé c.-à-d. très répandu, mais en manuscrit, puisque la première édition (complète ?j n'est que de 1544.

Sententia periandri ad Inuidum. Quum magis vtique Inuidebis, tanto raaiorum fies causa bonorurn Inuiso. Cicero in Rhetoricis :

Virtutis, Inuidia Cornes.

ERIAMEL (Lemaire) Belgijen Indiciaire. (1)