ALBERT LE GRAND
Par ton commandement (ô Princesse illustre) ie messaieray de dire deux motz de ceste belle vertu Animosité bonne, et de la gemme nommée Adamas, lesquelles se commencent par la seconde lettre de Marguerite. Mais tout premièrement puis qu'il te plait ainsi, ie feray mention de la Royne Artemise de Carie prochaine en comparaison à icelle nostre princesse dont il est propos. Artemise donques est nombree entre les plus cleres femmes du monde, pour deux causes principales : Lune pour sa grand prouesse en armes, par laquelle elle rendit tributaires les Rhodiens ses ennemis : et lautre pource quelle obtient entre toutes Dames la prééminence dhonneur touchant lestât de viduïté, et la recommandation de vraye amour maritale. Car oultre abondance de ses larmes respandues, et quelle mesmes voulut estre le propre repositoire (2) des cendres du corps de son trescher mary le Roy Mausolus, elle luy feit esleuer vne sépulture de si haute estoffe, que par les historiens elle est contée pour lune des sept merueilles du monde.
Par cas pareil la tresuaillante et tresamoureuse Princesse Marguerite ha vaincu tous ses ennemis inuisibles, et surmonté leurs aguetz redoutables. Et pour designer la grand
(1) (Domines, peu lettré, vante son ami Angelo Catto, aumônier et astrologue de Louis XI, d' « estre bien usité en langue latine. »
(2) Repositoire employé concurremment avec reposoir (de repositorium, tombeau en latin du bas-empire). — Artemise II, reine d'Halicarnasse, veuve de Mausole, avait, dit-on, bu « les cendres mixtionnées de son feu seigneur. »
12 LA COVR0NNE MARGARITIQVE.
affluencc de lamour coniugale quelle portoit au Prince defunct, en lieu de boire les cendres mixtionnees de son feu seigneur (laquelle chose nest licite à Dame de religion Chrestienne) Elle incontinent après le trespas de son cher tenu, (1) feit couper ses beaux cheueux aureins selon que iadis les Princesses de Perse le souloient faire en vn dueil publique, et comme encores iusques auiourdhui les Dames d'Espaigne en tiennent la manière, et autant en feit elle faire à aucunes de ses plus priuees damoiselles. Et oultreplus, pour assouuir la debonnaireté de son affection, elle ha délibéré infalliblement dhonorer le lieu, ou le corps de son feu seigneur est inhumé, et dy faire construire vn édifice grand et somptueux, là ou perpétuellement seront establis gens de religion, qui prieront Dieu pour le salut de lame du defunct. Et sera enrichie sa sépulture dune œuure mémorable, à fin quen nulle manière sa magnificece ne soit estimée moindre ou inférieure, que des Dames du temps passé.
Or venons maintenant à descrire la vertu qui cause telz effetz en ceste dame, cestasauoir Animosité bonne, laquelle des Grecz appellent Epijcia. (2) Et est toute vue, comme sécurité comprise souz fiance. Cest vne des filles de dame Fortitude, sœur de Magnificence, germaine de Constance, affine de Magnanimité, et parente de Patience, de Tolérance, de Perseuerance, de Fermeté et de Virilité. Et pour la mieux notifier selon sa diflSnition : Cest vne vigueur, qui est appropriée à lame, pour parfaire ses œuures : ou,
(1) Nous avons eu plus haut : sa chère tenue (estimée, accueillie, tenuta ?)
(2) Au raoyen-age, animosité signifie hardiesse, courage [animositas). En grec, eiKpy^îa.
cest vne parfaite seureté de courage lointaine de crainte et de folle hardiesse : Ou autrement on peult dire, que Animosité bonne, est vne certaine confiance, et vn espoir dayde futur, procédant de ce qui est en nous mesraes, ou en autruy. Donques est ce vne vertu de grand' recommandation. Laquelle voulant persuader à Enee, Sibylle Virgilienne, dit ainsi : Tu ne cède malis, sed contra audentior ito, Quà tua te fortuna sinet. Et tantost après elle dit : Tdunc animis opus, etc. Cestadire, Garde que tu ne tourne le dos aux infortunes, mais va hardiment alencontre là ou ta fortune te mènera. Maintenant est il temps dauoir bon courage.
De ceste clere vertu se monstra bien pourueue la Prin* cesse Marguerite, non ayant encores atteint le douzième an de son aage, quand après les tristes nouuelles de sa répudiation, le feu Roy Charles de France huitième de ce nom, qui deuoit estre son espoux légitime, luy vint dire adieu en la ville de Baugy en Poitou, les larmes aux yeux et plein de regret, par le remors de sa conscience. Allegant pour toute excuse, que le renuoy qui se faisoit délie, au grand desplaisir de luy qui laymoit de tout son cœur nestoit fors que pour complaire au Roy Maximilian son père. Lequel maintesfois lauoit redemandée tant par ambassades, que par armes. A quoy elle respondit constamment et dun haut courage virile, quelle entendoit assez ce propos nestre raisonnable : attendu que plaisir aucun ne pouuoit redonder dun fait par lequel dautre costé, despit et honte se pourchassoient. Insinuant par ces paroles, que à nulle volupté ne pouuoit tourner au Roy son père le retour délie, veu que dautrepart le Roy François prenoit à femme Anne Duchesse de Bretaigne, desja espousee par procureur audit Roy
74 LA COVROUNE MARGAR1TIQVE.
Maximilian. Or doit estre tout plaisir franc et deliure. (1) Disant en oultre audit Roy Charles , par tresprudente audace non féminine, que le seul bien quelle congnoissoit en ce cas, estoit que pour la petitesse de son aage, tous ceux qui orroient conter sa fortune, iamais ne pourroient dire ou souspeçonner que par sa faute, ou pour luy auoir en rien despieu, cecy fust aduenu à elle. Lesquelles paroles ainsi proférées procedoient de haute Animosité et courage non estonnable.
Et derechef luy fut il bien mestier dauoir grand secours et appuy de ceste noble Vertu Animosité bonne, quand à son partement de France, ou elle auoit esté nourrie depuis le troisième an de son aage, iusques au douzième, elle conuoyee par plusieurs grans seigneurs et dames iusques aux limites du Royaume (2) et descendue de sa littiere près dun molin sur vne petite riuiere qui sépare le tenement Royal et Archiducal, (3) va remercier lesdits seigneurs et dames qui
(1) Résolu, deliberatus.
(2) Le manuscrit porte : « fut par iceulx constraincte de descendre de sa litière et entrer en ung viel moulin tout rompu assis sur une petite rivière qui sépare le tenement royal et larchiducal et illec combien que ce lui fust chose trop griefve et trop intollerable lui fut force de faire sermentz grandz et solennelz par lesquelz elle renoncoit atouz droictz actions et querelles quelle eust peu ou pourroit prétendre ou royaume de France a cause du mariaige dentre le roy et elle non consommé et ce faict prendre triste congé d'un chascun. »
Cette variante s'explique par les raisons politiques invoquées dans l'Imprimeur au lecteur (p. 8). « Je y voyois lautheur trop abondonnément parlant en faveur de sa maistresse et au desavantage dautruy. » Dans sa dédicace à Antoine de Bourbon (p. 6) Dumoulin semble revendiquer la paternité de ces changements de texte.
(3) Charles VIII signa au château de Langis le 6 décembre 1491 son contrat de mariage avec Anne de Bretagne : mais ce ne fut
LA COVRONNE MARGAK1TIQVE. 75
lauoient conduite et accompaignee, les priant tous la recommander treshumblement au Roy leur maistre, nayant mal à gré la séparation diceluy et délie, considéré que les mariages doiuent estre voluntaires.
A ceste vertu donques bien exercée par ladite Princesse, tant en ces actes comme en autres qui (1) seroit long à reciter, consonne bien la pierre précieuse nommée en Latin Adamas, que les Grecz interprètent en leur langue, force indomptée. Et nous lappellons vulgairement vn Diamant, si peult onfaire iuste comparaison de l'un à l'autre : Pource que comme par la dureté de la pointe du dyamant, en toutes autres pierres précieuses on graue quelque signal de forme plaisante, aussi par la force d'Animosité bonne, toutes autres vertus reçoiuent impression de noble apparence. De ces gemmes Adamantines les meilleures viennent d'Inde, et ont aucune conuenance auecques le crystal, à cause quelles ont plusieurs costez et faces. Les autres espèces croissent en Arabe, en Macedone et en Cypre, et aussi es minières métalliques. Les bonnes et franches sont essayées au marteau et à lenclume : car elles y demeurent entières et sans fraction, là ou les bastardes y volent en pièces, pource
que le 23 mai 1493 qu'on stipula à Senlis le renvoi de l'ex-dauphine Marguerite à son père. La délivrance eut lieu à Vendhuille.sur les limites du Cambrésis dans un moulin, le 12 juin même année. Des bourgeois de Cambrai qui étaient allés au devant d'elle, se mirent, en la voyant à crier : Noël ! Marguerite, qu'importunait cette exclamation toute française, leur dit à haut voix : « Ne criez pas Noël ! mais bien Vive Bourgogne ! » Les dames, damoiselles, chevaliers, écuyers et serviteurs chargés par le roi de France de conduire la princesse, ne la quittèrent qu'à Valenciennes. (Godefroy et Molinet cités par Leglay, Correspondance de Maximilien et de Marguerite II, 424-26). (1) Le manuscrit porte : « qui (ce qui) serait trop long. »
76 LA COVRONNE MARGAaiTIQVE.
quelles nont que le nom sans les vertus. Adaraas ha la couleur dacier poly : et ha si grand prééminence sur l'Aymant, lequel nous appelions Magnes en Latin, que tandis que l'Aymant est approché du Diamant, il ne peult vser de sa propriété naturelle : cestasauoir de traire le fer à luy ainçois luy est tenue en suspens, iusques à ce qu'il soit eslongné du Diamant. Mais vne chose trop merueilleuse est ce de la force inuincible de ceste gemme Adamantine, laquelle mesprisant toute violence de fer et de feu, ne se laisse rompre ny despecer en nulle manière, sinon après quelle ha esté baignée au sang tout chaud dun bouc, qui est lune des plus viles bestes du monde. On estime la grandeur de ceste pierre précieuse nexceder iamais le noyau dune noisette : Mais son excellence estoit anciennement de si grand réputation, que par long espace de temps elle ne fut congnue sinon aux Princes et aux Roys seulement. Elle est subiette à la planette de iupiter : et en tant quil touche sa nature, elle est froide et seiche, au quatrième degré. Sa vertu résiste à toutes poisons. Et dit on, que quand aucun venin est approché délie, quon lapperçoit toute mouillée de gouttes : mesmement si ceste gemme est Indienne. Elle proufite aux lunatiques, et à ceux qui ont quelque esprit malin dedens le corps. Et qui plus est, chasse ces fantosmes nocturnes, quon appelle Incubes et Succubes. Ce sont Luittons (1) et Cauquemares, et dissipe toutes vanitez de songes. Etdabondant rend lhomme inuaincu, et luy fait surmonter ses ennemis :
(1) Lafontaine met encore luttons ; mais Pasquier a lutons, Montaigne lutins, le wallon nûtons et, d'après Gervais de Tilburys les Anglais avaient neptuni. — Quant à Cauquemares, il semble composé de mar, cheval (en flamand nachtmerrie, jument de nuit) et cauquer, oppresser. Palsgrave a : le coq a cauqué la poulie ». {The coche hath troden the henné).
Là COVBONNB MARGAR1TIQVE. 77
et le preserue de la fureur, et malice de toutes bestes indomptées et venimeuses.
Lesquelles choses veùes et considérées, il ne faut gueres trauailler en demonstrant la concordance de ceste vertu Animosité bonne, à la gemme dessusdite : Ne il nest mestier de grand persuasion, pour donner à entendre comment elles sont bien séantes en la couronne de la Princesse Marguerite. Laquelle toute animeuse et toute Adamatine, pour la vraye approbation de sa préciosité, ha esté essayée à toute rigueur, non seulement entre marteaux et enclumes, mais entre les dures meules de Fortune rudement tournans. Ne pour cela : lintegrité (l)de son courage nen ha esté brisée ny entamée. Cest la pierre précieuse, qui hayt toutes poisons : cestadire, tous vices mortifères, et qui tressue dangoisse, quand gens vicieux approchent délie. Cest celle, qui ne seuffre nulz mauuais Esprits au corps de sa maison, et qui par sa force vertueuse procure hardiesse et victoire contre tous ennemis de droit et de raison. En sa présence l'Aymant, qui est vne pierre subiette à Mars, ne peult traire le fer : Pour designer, que autour délie nulles gens iracundes et belliqueux nont lieu. Mais elle excède la fragilité du terrestre Adamas, pour autant que nul sang de bouq, cestadire nulle puanteur vicieuse, ne vilenie, ne peult amollir sa pensée, ne causer fracture à sa perfection. Par lesquelles choses tellement queliement déduites, mon propos prend termination conclusive, tendant aux mesmes fins de messire Robert Gaguin. Si men déporte atant (2) : car voy desia maistre Iean Robertet iadis secrétaire de trois Roys
H) P&lsgrave admet en outre la forme : entièreté. (3) C.-à-d. : je m'en sépare donc ici. Cf. se partir, se départir = se séparer).
de France, et de trois Ducz de Bourbon, Orateur de langue dulcifluente, qui sappreste pour la tierce collation. (1)
