CHAPITRE XXII

COMMENT PANURGE FEIST UN TOUR A LA DAME PARISIANN'E ou: NE FUT POINCT A SON ADVENTAGE

Or notez que le lendemain estoit la grande feste du corps Dieu, à laquelle toutes les femmes se mettent en leur triumphe de habillemens; et, pour ce jour, ladicte dame s'estoit vestue d'une tresbelle robe de satin cramoysi et d'une cotte de veloux blanc bien précieux. Le jour de la vigile, Panurge chercha tant, d'un cousté et d'aultre, qu'il trouva une lycisque orgoose, laquelle il lya avecques sa ceincture, et la mena en sa chambre, et la nourrit tresbien cedict jour et toute la nuyct; au matin la tua, et en print ce que sçavent les Géomantiens Gregoys, et le mist en pièces le plus menu qu'il peut, et les emporta bien cachées, et alla à l'église où la dame devoit aller pour suyvre la procession, comme est de coustume à ladicte feste. Et, alors qu'elle entra, Panurge luy donna de l'eaue beniste, bien courtoisement la saluant, et quelque peu de temps après qu'elle eut dict ses menuz suffrages, il se

va joindre à clîe en son banc, et luy bailla un Rondeau pai escript en la forme que s'ensuyt :