COMMENT PANTAGRUEL FUT MALADE, ET LA FAÇON CBMMENT IL GUERIT
Peu de temps après, le bon Pantagruel tomba malade, et faut tant prins de l'estomach qu'il ne pouvoit boire ny manger; et, parce qu'un malheur ne vient Jamais seul, luy print une pisse chaulde, qui le tormenta plus que ne penseriez; mais ses medicins le secoururent tresbien; et, avecques force drogues lenitives et diurétiques, le firent pisser son malheur. Son urine tant estoit chaulde que depuis ce temps là elle n'est encores refroydie. Et en avez en France en divers lieulx, selon qu'elle print son cours : et l'on l'appelle les bains chaulx, comme
A Coderetz, A Appone,
A Limons, A Sancto Petr© dy Padua,
A Dast, A Saincte Hélène,
A Balleruc, A Casa nova,
A Neric, A Sancto Bartholomeo;
A Bourbonnensy, et ailleurs; En la conté de Bouloigne :
En Italie : A la Porrette, et mille aultres lieux.
A Mons grot,
Et m'esbahis grandement d'un tas de folz philosophes et medicins, qui perdent temps à disputer dond vient la chaleur de cesdictes eaulx, ou si c'est à cause du Baurach, ou du Soulphre, ou de l'AUun, ou du Salpêtre qui est dedans la minere : car ilz n'y font que ravasser, et mieulx leur vauldroit se aller frotter le cul au panicault que de perdre ainsi le temps à disputer de ce dont ilz ne sçavent l'origine. Car la resolution
est aysée, et n'en fault enquester d'avantaige que lesdictz bains sont chaulx parce qu'ilz sont yssus par une chauldepisse du bon Pantagruel. Or, pour vous dire comment il guertis de son mal principal, je laisse icy comment, pour une minorative, il print : quatre quintaulx de Scammonée Colophoniacque; six vingts et dixhuyt charretées de Casse; unze mille neuf cens livres de Reubarbe, sans les aultres barbouiliemens.
Il vous fault entendre que, par le conseil des medicins, fut décrété qu'on osteroit es que luy faisoit le mal à l'estomach. Pour ce, l'on fist xvi grosses pommes de cu5rvrre, plus grosses que celle qui est à Rome à l'aiguille de Virgile, en telle façon qu'on les ouvroit par le mylieu et fermoit à un ressort.
En l'une entra un de ses gens portant une lanterne et un flambeau allumé. Et ainsi l'avalla Pantagi'uel comme une petite pillule.Encinq aultres entrèrent d'aultres gros varletz chascun portant ung pic à son col. En troys aultres entrèrent trois paysans chascun ayant une pasle à son col. Es sept aultres entrèrent sept porteurs de coustretz, chascun ayant une corbeille à son col. Et ainsi furent avallées comme pillules. Quand furent en l'estomac, chascun défit son ressort et sortirent de leurs cabanes, et premier celluy qui portoit la lanterne, et ainsi cherchèrent plus de demyeheue où estoient les humeurs corrompues en un goulphre horrible, puant et infect plus de Mephitis, ny la palus Camarine, ny le punays lac de Sorbone, duquel escript Strabo. Et n'eust esté qu'ilz s'estoient trèsbien antidotes le cueur, l'estomach et le pot au \'in (lequel on nomme la caboche), ilz f eussent suffoquez, et estainctz de ces vapeurs abhominables. O quel parfum ! o quel vaporament pour embrener tourctz de nez à jeunes gualoyses ! Après, en tactonn?.nt et fleuretant, approchèrent de la matière fécale et des humeurs corrompues. Finablement, trouvèrent une montjoye d'ordure : lors les pionniers irapperent sus pour la
(lesrochcr, et les aultres, avecques leurs pasles, en remplirent les corbeilles, et quand tout fut bien nettoyé, chascun se retira en sa pomme.
Ce faict, Pantagruel se parforce de rendre sa gorge, et facillement les mist dehors, et ne monsloyent en sa gorge en plus qu'un pet en la vostre, et là sortirent hors de leurs pillules joyeusement. Il me souvenoit quand les Gregeoys sortirent du cheval de Troye. Et, par ce moyen, fut guery, et reduict à sa première convalescence. Et de ces pillules d'arin en avez une à Orléans, sus le clochier de l'église de Saincte Croix.
