CHAPITRE XXIV Comment pasi:rge prend conseil de epistemon
Laissons la Villaumere, et retouriians vers Pantagruel, par le chemin Panurge s'adressa à Epistemon, et luy dist : « Compère, mon antique amy, vous voyez la perplexité de mon esprit. Vous sçavez tant de bons remèdes. Me sçauriez vous secourir? »
Epistemon print le propous, et remonstroit à Panurge comment la voix publicque estoit toute consommée en mocqucries de son desguisement ; et luy conseilloit prendre quelque peu de Ellébore, af&n de purger ccstuy humeur en luy peccant, et reprendre ses accoustrements ordinaires.
« Je suys, dist Panurge, Epistemon mon compère, en phantasie de me marier. Mais je crains estre coqu et infortuné en mon mariage. Pourtant ay je faict veu à sainct François le Jeune (lequel est au Plessis lez Tours reclamé de toutes les femmes en grande dévotion, car il est premier fondateur des bons homes, lesquelz elles appetent naturellement) porter lunettes au bonnet, ne porter braguette en chausses, que sus ceste mienne perplexité d'esprit je n'aye eu resolution apertc.
— C'est, dist Epistemon, vrayement un beau et joyeulx veu. Je me csbahys de vous que ne retournez à vous mesmes. et qre ne revocquez vos sens de ce farouche esguarement en leur tranquillité naturelle.
3bO LIVRE III, CHAPITRE XXIV
« Vous entoîidant parler, me faictez souvenir du veu des Argives à la large perrucque, les quelz, ayans perdu la bataille contre les Lacedemoniens en la controverse de Thyrée, feirent veu cheveulx en teste ne porter jusques à ce qu'ilz eussent recouvert "ei:r honneur et leur terre; du veu aussi du plaisant Hespagnol Michel Doris, qui porta le trançon de grève en sa jambe. Et ne sçay lequel des deux seroit plus digne et méritant, porter chapperon verd et jaune à aureilles de lièvre, ou icelluy glorieux champion, ou Enguerrant qui en faict le tant long, curieux et fascheux compte, oubliant l'art et manière d'escrire histoires, baillée par le philosophe Samosaloys.
« Car, lisant icelluy long narré, Ton pense que doibve cstre commencement et occasion de quelque forte guerre ou insigne mutation des Ro^-aulmes ; mais, en fin de compte, on se m.ocque, et du benoist champion, et de l'Angloys qui le defîila, et de Enguerrant leur tabellion, plus baveux qu'un pot à moustarde.
« La mocquerie est telle que de la montaigne d'Horace, laquelle crioyt et lamentoyt énormément, comme femm.3 en travail d'enfant. A son cry et lamentation accourut tout le voisinaige, en expectation de veoir quelque admirable et monstrueux enfantement; mais enfin ne nasquit d'elle qu'une petite souriz.
— Non pourtant, dist Panurge, je m'en soubris. Se m.ocque qui clocque. Ainsi feray comme porte mon veu. Or long temps a que avons ensemble, vous et moy, foy et amitié jurée par Juppiter Phihos : dictes m'en vostre adxis. Me doibs je marier ou non?
— Certes, respondlt Epistemon, le cas est hazardeux : je me sens par trop insuffisant à la resolution. Et, si jamais feut vray en l'art de m.edicine le dict du vieil Hippocrates de Lango : jugement difficile, il est en cestuy endroict verissimo. J'ay bien en imagination quelques discours moien-
nans les quelz nous aurions détermination sus vostre perplexité; mais ilz ne me satisfont poinct apertement. Aulcuns Platoniques disent que qui peut veoir son Genius peut entendre ses destinées. Je ne comprens pas bien leur discipline, et ne suys d'advis que y adhérez. Il y a de l'abus beaucoup. J'en ay veu l'expérience en un gentil homme studieux et curieux on pays d'Estangourre. C'est le poinct premier.
« Un aultre y a. Si encores regnoient les oracles de Juppiter en Amon, de Apollo en Lebadie, Delphes, Delos, Cyrrhe, Patare, Tegyres, Preneste, Lycie, Colophon; en la fontaine Castalie, prés Antioche en Syrie; entre les Branchides de Bacchus en Dodone; de Mercure, en Phares, prés Patras; de Apis, en iEgypte ; de Serapis, en Canobe ; de Faunus, en Mœianie et en Albunée, prés Tivoli ; de Tiresias, en Orchomene ; de Mopsus, en Cilicie; de Orpheus, en Lesbos; de Trophonius, en Leucadie, je seroys d'advis (par advanture non seroysj y aller et entendre quel seroit leur jugement sus vostre eritreprinse. Mais vous sçavez que tous sont devenuz plus mutz que poissons, depuis la venue de celluy Roy servateur, on quel ont prins fin tous oracles et toutes prophéties : comme, advenente la lumière du clair Soleil, disparent tous Lutins, Lamies, Lémures, Guaroux, Farfadetz et Tenebrions. Ores, toutesfoys qu'encores feussent en règne, ne conseillerons je facillement adjouster foy à leurs responses. Trop de gens y ont esté trompez.
D'adventaige, je me recorde que Agrippine mit sus à Lollie la belle, avoir interrogué l'oracle de Apollo Clarius pour entendre si mariée elle seroit avecques Claudius l'empereur. Pour ceste cause fut premièrement bannie, et depuys à mort ignominieusement mise.
— Mais, dist Panurge, faisons mieulx. Les isles Ogygies ne sont loing du Port Sammalo; faisons y un voyage après qu'aurons parlé à nostre Roy. En l'une des quatre, laquelle plus a son aspect vers Soleil couchant, on dict, je l'ay leu en
bons et antiques autheurs, habiter plusieurs divinateurs, vaticinateurs et prophètes; y estre Saturne hé de belles chaînes d'or dedans une roche d'or, ahmentée de Ambroisie et Nectar divin, les quelz journellement luy sont des cieulx transmis en abondance par ne sçay quelle espèce d'oizeaulx (peut e^tre que sont les mesmes Corbeaulx qui ahmentoient es desers sainct Paul premier hermite) ; et apertement prédire à un chascun qui veult entendre son sort, sa destinée, et ce que luy doibt ad\'cn:r. Car les Parces rien ne fillent, Juppitcr rien en propense et rien ne délibère que le bon père, en dormant, ne congnoisse. Ce nous seroit grande abbreviation de labeur, si nous le oyons un peu sus ceste mienne perplexité.
— C'est, respondit Epistemon, abus trop évident, et fable trop fabuleuse. Je ne iray pas. »
