COMMENT FRERE J A X RECONFORTE PANUROF" SUS LE DOUBTE DE COQUAGE

« Je t'entends, dist frère Jan, mais le temps matte toutes choses. Il n'est le Marbre, ne le Porphyre qui n'ayt sa viellesse et décadence. Si tu n'en es là pour ceste heure, peu d'années après subséquentes je te oiray confessant que les couilles pendent à plusieurs par faute de gibbessiere. Desja voy je ton poil grisonner en teste. Ta barbe, par les distinctions du gris, du blanc, du tanné et du noir, me semble une Mappemonde. Reguarde icy : vo}- là Asie; icy sont Tigris et Euphrates. Voy là Afrique. Icy est la montaigne de la Lune. Vois tu les Daluz du Xil? Deçà est Europe. Voyds-tu Theleme? Ce touppet icy tout blanc sont les monts H^r^perborées. Par ma soif, mon amy, quand les neiges sont es montaignes, je diz la teste et le menton, il n'y a pas grand chaleur par les valées de la braguette.

— Tes maies mules, respondit Panurge. Tu n'entends pas les Topiques. Quand la nege est sus les montaignes, la fouldre, l'esclair, les lanciz, le maulubec, le rouge grenat, le tonnoirr, la tempeste, tous les Diables sont par les vallées. En veulx tu voir l'expérience? Va on pays de Souisse, et considère le lac

de Wunderberlich, à quatre lieues de Berne, tirant vers Sion. Tu me reproches mon poil grisonnant, et ne consydere poinct comment il est de la nature des pourreaux, es quelz nous voyons la teste blanche et la queue verde, droicte et viguoureuse.

« Vray est que en moy je recongnois quelque signe indicatif de vieillesse, je diz verde vieillesse. Xe le diz à personne : il demourera secret entre nous deux. C'est que je trouve le vin meilleur et plus à mon goust savoureux que ne soulois; plus qiic ne soulois, je crains la rencontre du mauvais vin. Xotc que cela argue je ne sçay quoy du ponent, et signifie que le midy est passé. Mais quoy? Gentil compaignon tousjours, autant ou plus que jamais. Je ne crains pas cela, de par le Diable. Ce n'est là où me deult. Je crains que par quelque longue absence de nostre roy Pantagruel, auquel force est que je face compaignie, voire allast il à tous les Diables, ma femme me face coqu. Voy là le mot peremptoire : car tous ceulx à qui j'en ay parlé me en menassent, et afferment qu'il me est ainsi prédestiné des cieulx. — Il n'est, respondit frère Jan, coqu qui veult. Si tu es coqu, ergo ta femme sera belle, ergo seras bien traicté d'elle i^yg-o tu auras des amis beaucoup; ergo tu seras saulvé. Ce sont Topicques monachales. Tu ne en vauldras que mieulx, pécheur. Tu ne feuz jamais si aise. Ty n'y trouveras rien moins. Ton bien accroistra d'adventaige. S'il est ainsi prédestiné, y vouldrois tu contrevenir? dis, Couillon flatry, couillon moisy,