CHAPITRE XVII
comm::kt gargaxtua paya sa bien vexue es parisiens et comment il prinï les grosses cloches be nostre-dame
Quelques jours après qu'ilz se feurent refraichiz, il visita la ville, et fut veu de tout le monde en grande admiration. Car le peuple de Paris est tant sot, tant badaut, et tant inepte dt nature, q'un basteleur, un porteur de rogatons, un mulet avecques ses cymbales, un vielleuz au mylieu d'un carrefour, assemblera plus de gens que ne feroit un bon prescheur evangelicque.
Et tant molestement le poursuy virent qu'il feut contrainct soy reposer suz les tours de l'église Nostre Dame. Auquel lieu estant, et voyant tant de gens à l'entour de soy, dist clereinent :
« Je croy que ces marroufles veulent que je leur paye icy ma bien venue et mon proficiat. C'est raison. Je leur voj^s donner le vin, mais ce ne sera que par rys.»
Lors, en soubriant, destacha sa belle braguette, et, tirant sa mentule en l'air, les compissa si aigrement qu'il en noya deux cens soixante mille quatre cens dix et huyt, sans les femmes et petitz enfans.
Quelque nombre d'iceulx évada ce pissefort à Icgicrcté des pieds, et quand furent au plus haut de l'Université, suans, toussans, crachans, et hors d'haleine, commencèrent à renier et jurer les plagues Dieu ! Je renye Dieu ! Frandienne ! Vez tu ben, La merdé ! Po cab de bious ! Das dich Gots leyden
GARGANTUA j^g
schend ! Pote de Christo ! Ventre sainct Quenet ! Vertus guoy ! Par sainct Fiacre de Brye ! Sainct Treignant ! Je foys veu à sainct Thibault ! Pasques Dieu ! Le bon jour Dieu ! Le diable m'emport ! Foy de gentilhomme ! Par sainct Andouille ! Par sainct Guodegrin qui fut martyrizé de pomma cuyttes ! Par sainct Foutin Tapostre ! Par sainct Vit ! Par saincte Mamye, nous son baignés par rys ! Dont feut depuis la ville nommée Paris laquelle auparavant on appeloit Leucece, comme dit Strabo, lib. IV, c'est à dire, en grec, Blanchette, pour les blanches cuisses des dames du dict lieu. Et par aultant que à ceste nouvelle imposition du nom tous les assistans jurèrent chascun les saincts de sa paroisse, les Parisiens, qui sont faictz de toutes gens et toutes pièces, sont par nature et bons jureurs et bons juristes, et quelque peu oultrecuydez, dont estime Joaninus de Barranco, lïbro De copïositaU revereniiariim, que sont dicts Parrhesiens en Grecisme, c'est-à-dire fiers en parler.
Ce faict, considéra les grosses cloches qui estoient esdictes tours, et les feist sonner bien harmonieusement. Ce que faisant, luy x-int en pensée qu'elles serv-iroient bien de campanes au coul de sa jument, laquelle il vouloit renvoyer à son père, toute chargée de froumaiges de Brye et de harans frais. De faict, les emporta en son logis.
Cependant vint un commandeur jambonnier de sainct Antoine, pour faire sa queste suille, lequel, pour se faire entendre de loing et faire trembler le lard au charnier, les voulut emporter furtivement, mais par honnesteté les laissa, non parce qu'elles estoient trop chauldes, mais parce qu'elles estoient quelque peu trop pesantes à la portée. Cil nefut pas celluy de Bourg, car il est trop de mes amis.
Toute la ville fut esmeue en sédition, comme vous sçavez
qu'à ce ilz sont tant faciles que les nations estranges s'esba-
hissent de la patience des Roys de France, lesquelz aultrement
par bonne justice ne les refrènent, veuz les inconveniens qui
en sortent de jour en jour. Pleust à Dieu que je sceusse l'officine en laquelle sont forgez ces chisnies et monopoles, pour les mettre en évidence es confraries de ma paroisse.
Croyez que le lieu auquel convint le peuple, tout folfré et habeliné, fut Sorbone, où lorses toit, maintenant n'est plus, l'oracle de Lucece. Là feut proposé le cas, et remonstré l'inconvénient des cloches transportées. Après avoir bien ergoté pro et contra, fut conclud en Baralipion que l'on envoyroit le plus \-ieux et suffisant de la Faculté théologale vers Gargantua, pour luy remonstrer l'horrible inconvénient de la perte d'icelles cloches, et, non obstant la remonstrance d'aulcuns de l'Université, qui alleguoient que ccste charge mieulx corapetoit à un orateur qu'à un théologien, feut à cest afîaire esleu nostre Maistre Janotus de Bragmardo.
CKAPITRE XVIII
COMMENT TAXOTUS DE BRAGMARDO FUT ENVOYÉ POUR RECOUVRER DE GARGANTUA LES GROSSES CLOCHES
]\Iaistre Janotus, tondu à la cesarine, vestu de son lyripipion théologal, et bien antidote l'estomac de coudignac de four et eau benistes de cave, se transporta au logis de Gargantua, touchant davant soy troys vedeaulx à rouge muzeau, et traînant après cinq ou six maistres inertes, bien crottés à profit de mesnaige.
A l'entrée les rencontra Ponocrates, et eut fra^'-eur en soy, les voyant ainsi desguiséz, et pensoit que fussent quelques masques hors du sens. Puis s'enquesta à quelq'un desdictz maistres inertes de la bande, que queroit ceste mommerie. Il luy f ust respondu qu'ilz demandoient les cloches leur estre rendues.
Soiibdain ce propos entendu, Ponocrates courut dire les nouvelles à Gargantua, af&n qu'il feust prest de la rcsponce et deliberast sur le champ ce que estoit de faire. Gargantua, admonesté du cas, appella à part Ponocrates son précepteur, Philotcmie son maistre d'hostel, Gymnaste son escuyer, et Eudemon, et sommairement conféra avecques eulx sus ce que estoit tant à faire que à respondre. Tous feurent d'advis qu'on les mcnast au retraict du goubelet, et là on les feist boire théologalcment; et, afin que ce tousseux n'entrast en vaine gloire pour à sa requeste avoir rendu les cloches, l'on mandast, cependant qu'il cliopineroit, quérir le prevost de la ville, le recteur de la Faculté et le vicaire de l'église, esquelz, davant que le théologien eust proposé sa commission, l'on deUvreroit les cloches. Après ce, iceulx prcsens, l'on cyroit sa belle harangue. Ce que fut faict : et, les susdictz arrivez, le théologien feut en plene salle introduict et commença ainsi que s'ensuit, en toussant.
