CHAPITRE XXIV
COMMENT GARGANTUA E.MPLOYOIT LE TEMPS, QUAND l'air estoit PLUVIEUX
S'il advenoit que l'air feust pluvieux et intemperé, tout le temps davant disner estoit employé comme de coustume,
excepté qu'il faisoit allumer un beau et clair feu pour corriger l'intempérie de l'air. Mais, après disner, en lieu des exercitations, ilz demouroient en la maison, et par manière d'apotherapie, s'esbatoient à boteler du foin, à fendre et scier du boys, et à batre les gerbes en la grange ; puys estudioient en l'art de paincture et sculpture, ou revocquoient en usage l'anticque jeu des taies, ainsi qu'en a escript Leonicus, et comme y joue nostre bon amy Lascaris. En y jouant, recoloient les passaiges des auteurs anciens esquelz est faicte mention ou prinse quelque métaphore sus iceluy jeu.
Semblablement, ou alloient voir comment on tir oit les metaulx, ou comment on fondoit l'artillerye ; ou alloient veoir les lapidaires, orfèvres et tailleurs de pierreries, ou les alchymistes et monoyeurs, ou les haultelissiers, les tissotiers, les velotiers, les horologiers, mirailliers, imprimeurs, organistes, tincturiers, et aultres telles sortes d'ou\T:iers, et, par tout donnans le \àn, aprenoient et consideroient l'industrie et invention des mestiers.
Alloient ouir les leçons publicques, les actes solennelz, les répétitions, les déclamations, les playdoyez des gentilz advocatz, les concions des prescheurs evangeliques.
Passoit par les salles et lieux ordonnez pour l'escrime, et là contre les maistres, essayoit de tous bastons, et leur monstroit par évidence que autant, vo^Tre plus, en sçavoit que iceulx.
Et, au lieu de arboriser, visitoient les bouticques des drogueurs, herbiers et apothecaires, et soigneusement consideroient les fruictz, racines, fueilles, gommes, semences, axunges peregrines, ensemble aussi comment on les adulteroit. Alloit voir les basteleurs, trejectaires et theriacleurs, et consideroit leurs gestes, leurs ruses, leurs sobressaulx, et beau parler : singulièrement de ceux de Chaunys, en Picardie, car ilz sont de nature grands jaseurs, et beaulx bailleurs de baiJlivernes en matière de cingles verds.
Eulx, retournés pour supper, mangeoient plus sobrement que es aultres jours et viandes plus desiccatives et exténuantes, affin que l'intempérie humide de l'air, communicquée au corps par nécessaire connnité, fust par ce moyen corrigée, et ne leur feust incommode par ne soy estre exercitez comme avoient de coustume.
Ainsi fut gouverné Gargantua, et continuoit ce procès de jour en jour, profitant comme entendez que peut faire un jeune homme selon son aage, de bon sens, en tel exercice ainsi continué, lequel, combien que semblast pour le commencement difficile, en la continuation tant doulx fut, legier et délectable, que mieulx ressembloit un passetemps de roy que l'estude d'un escholier.
Toutesfois, Ponocrates, pour le ssjourner de ceste véhémente intention des esperitz, advisoit une fois le moys quelque jour bien clair et serain, auquel bougeoient au matin de la ville, et alloient ou à Gentilly, ou à Boloigne, ou à Montrouge, ou au pont Charanton, ou à Vanves, ou à Saint-Clou. Et là passoient toute la journée à faire la plus grande chère dont ilz se pouvoient adviser, raillans, gaudissans, beuvans d'aultant, jouans, chantans, dansans, se voytrans en quelque beau pré, denichans des passeraulx, prenans des cailles, peschans aux grenoilles et escrevisses.
Mais, encores que icelle journée feust passée smis livres et lectures, poinct elle n'estoit passée sans proffit, car e-s beau pré ilz recoloient par cueur quelques plaisans vers de l'Agriculture de Virgile, de Hésiode, du Rusticqiie de Pohtian, descripvoient quelques plaisans epigrammes en latin, puis les mettoient par rondeaux et ballades en langue françoyse.
En banquetant, du vin aisgué separoient l'eau, comme l'enseigne Caton, De ve rust., et Pline, avecques unguobelet de lyerre ; lavoient le vin en plain bassin d'eau, puis le retiroient avec un embut; faisoient aller l'eau d'un verre en aultre, bas-
tissoient plusieurs petits engins automates, c'est à dire soy mouvens eulx mesmes.
