LE GRAND DEBAT, DONT FURENT FAICTES GROSSES GUERRES
En cestuy temps, qui fut la saison de vendanges au commencement de automne, les bergiers de la contrée estoient à guarder les vignes, et empescher que les estourneaux ne mangeassent les raisins.
On quel temps, les fouaciers de Lerné passoient le grand carroy, menans dix ou douze charges de fouaces à la ville. Lesdicts bergiers les requirent courtoisement leurs en bailler pour leur argent, au pris du marché. Car notez que c'est viande céleste manger à desjeuner raisins avec fouace fraiche; mesmement des pineaulx, des fiers, des muscadeaulx, de la bicane, et des foyrars pour ceulx qui sont constipez du ventre, car ilz les font aller long comme un vouge, et sou\i3nt, cuidans peter, ils se conchient, dont sont nommés les cuideurz de vendanges.
A leur requeste ne feurent aulcunement enclinez les fouar ciers, mais (que pis est) les oultragerent grandement, les appellans trop-dilteux, breshedens, plaisans rousseaulx, galliers, chienlictz, averlans, limes sourdes, faictnéans, friandeaulx, bustarins, talvassiers, riennevaulx, rustres, challans, hapelopins, trainneguaines, gentilz fiocquetz, copieux, landores, malotruz, dendins, baugears, tezez, gaubregeux, gogueluz, claquedens, boyers d'etrons, bergiers de merde, et aultres
telz epitlietes diffamatoires, adjoustans que poinct à eulx n'appartenoit manger de ces belles fouaces, mais qu'ilz se debvoicnt contenter de gros pain balle et de tourte.
Auquel oultraige un d'entr'eulx, nommé Forgier, bien honneste homme de sa personne, et notable bacchelier, respondit doulcement : « Depuis quand avez vous prins cornes, qu'estes tant rogues devenuz? Dea, vous nous en soûliez voluntiers bailler, et maintenant y refusez? Ce n'est faict de bons voisins, et ainsi ne vous faisons nous, quand venez icy achapter nostre beau froment, duquel vous faictes vos gasteaux et fouaces. Encores par le marché vous eussions nous donné de noz raisins ; mais, par la mer Dé, vous en pourriez repentir et aurez quelque jour affaire de nous. Lors nous ferons envers vous à la pareille, et vous en soubvienne. )>
Adoncq Marquet, grand bastonnier de la confrairie des fouaciers, luy dist : « Vrayement tu es bien acresté à ce matin; tu mangeas her soir trop de mil. Vien ça, \'ien ça, je te donneray de ma fouace ! »
Lors Forgier en toute simplesse approcha, tirant un unzain de son baudrier, pensant que Marquet luy deust deposcher de ses fouaces; mais il luy bailla de son fouet à travers les jambes, si rudement que les noudz y apparoissoient. Puis voulut gaigner à la fuite, mais Forgier s'escria au meurtre et à la force, tant qu'il peut ; ensemble luy jetta un gros tribard qu'il portoit soubz son escelle, et le attainct par la joincture coronale de la teste, sus l'artère crotaphique, du costé dextre, en telle sorte que Marquet tomba de sa jument, mieulx semblant homme mort que \'if .
Ce pendent les mestaiers, qui là auprès challoient les noix, accoururent avec leurs grandes gaules, et frappèrent sur ces fouaciers comme sus seigle verd. Les aultres bergiers et bergieres, ouyans le cry de Forgier, y vindrent avec leurs fondes et brassiers, et les suy\arent à grands coups de pierres tant menuz qu'il sembloit que ce feust gresle. Finablement, les
aconceurent, et ousterent de leurs fouaces environ quatre ou cinq douzaines ; toutesf oys ilz les payèrent au pris accoustumé, et leur donnèrent un cent de quecas et troys panerées de francs aubiers. Puis les fouaciers ayderent à monter Marquet, qui estoit villainement blessé, et retournèrent à Lomé, sans poursui\Te le chemin de Pareille, menassans fort et ferme les boviers, bergiers et mestaiers de Seuillé et de Synays.
Ce faict, et bergiers et bergieres feirent chère lye avecques ces fouaces et beaulx raisins, et se rigollerent ensemble au son de la belle bouzine, se mocquans de ces beaulx fouaciers glorieux, qui avoient trouvé maie encontre par faulte de s'estre seignez de la bonne main au matin, et avec gros raisins chenins, estuverent les jambes de Forgier mignonnement, si bien qu'il feut tantost guery.
