Livre VI. Chapitre xi

présence de Dieu, non seulement l'escoutant, ou le regardant, ou luy parlant, mais aussi attendant s'il luy plaira de nous regarder, de nous parler, ou de nous faire parler a luy ; ou bien encor ne faysant rien de tout cela, mais demeurant simplement ou il luy plaist que nous soyons et parce qu'il luy plaist que nous y so3''ons. Que si, a cette simple façon de demeurer devant Dieu, il luy plaist d'adjouster quelque petit sentiment que nous sommes tout siens et qu'il est tout nostre, o Dieu, que ce nous est une grâce désirable et pretieuse !

Mon cher Theotime, prenons encor la liberté de faire cette imagination. Si une statue que le sculpteur auroit nichée dans la galerie de quelque grand prince, estoit douée d'entendement, et qu'elle peust discourir et parler, et qu'on luy demandast : O belle statue, dis moy, pcurquoy es tu la dans cette niche ? Parce, respondroit elle, que mon maistre m'y a colloquee. Et si l'on repliquoit : Mays pourquoy y demeures tu sans rien faire ? Parce, diroit elle, que mon maistre ne m'y a pas placée affin que je fisse chose quelcomque, ains seulement aiïïn que j'y fusse immobile. Que si derechef on la pressoit en disant : Mays, pauvre statue, dequoy te sert-il d'estre la de la sorte ? Hé Dieu ! respondroit-elle, je ne suis pas icy pour mon interest et service, mais pour obéir et servir a la volonté de mon seigneur et sculpteur, et cela me suffit. Et si on rechargeoit en cette sorte : Or dis-moy donq, statue, je te prie, tu ne vois point ton maistre, et comme prens tu du contentement a le contenter ? Non certes, confesseroit elle, je ne le voy pas, car j'ay des yeux non pas pour voir, comme j'ay des pieds non pas pour marcher ; mais je suis trop contente de sçavoir que mon cher maistre me void ici et prenne playsir de m'y voir. Mays si l'on continuoit la dispute avec la statue et qu'on luy dist : Mays ne voudrois-tu pas bien avoir du mouvement pour t'approcher de l'ouvrier qui t'a fait, aifin de luy faire quelque autre meilleur service ? sans doute elle le nieroit et protesteroit qu'elle ne voudroit pas faire autre chose

342 Traitté de l'Amour de Dieu

sinon que son maistre le voulust. Et quoy donques ! conclneroit on, tu ne desires rien sinon d'estre une immobile statue la dedans cette creuse niche ? Non certes, diroit en fin cette sage statue, non, je ne veux rien estre sinon une statue, et tous- jours dedans cette niche tandis que mon sculpteur le voudra, me contentant d'estre ici et ainsy, puisque c'est le contentement de celuy a qui je suis et par qui je suis ce que je suis.

O vray Dieu, que c'est une bonne façon de se tenir en la présence de Dieu, d'estre et vouloir tous-jours et a jamais estre en son bon playsir ! car ainsy, comme je pense, en toutes occurrences, ouy mesme en dormant profondement, nous sommes encor plus profondement en la tressainte présence de Dieu. Ouy certes, Theotime, car si nous l'ajinons, nous nous endormons non seulement a sa veue mais a son gré, et non seulement par sa volonté mais selon sa volonté ; et semble que ce soit luy mesme, nostre Créateur et Sc\ilpteur céleste, qui nous jette la sur nos litz, comme des statues dans leurs niches, afftn que nous nichions dans nos litz comme les oyseaux couchent dans leurs nids ; puis a nostre resveil, si nous y pensons bien, nous treuvons que Dieu nous a tous- jours esté présent, et que nous ne nous sommes pas non plus esloignés ni séparés de luy. Nous avons donq esté la, en la présence de son bon playsir, quoy que sans le voir et sans nous en appercevoir ; si * Gen., XXVIII, i6. que nous pourrions dire, a l'imitation de Jacob * : Vrayement j'ay dormi auprès de mon Dieu et entre les bras de sa divine présence et providence, et je n'en sçavois rien.

Or cette quiétude en laquelle la volonté n'agit que par un très simple acquiescement au bon playsir divin, voulant estre en l'orayson sans aucune prétention que d'estre a la veue de Dieu selon qu'il luy plaira, c'est une quiétude souverainement excellente, d'autant qu'elle est pure de toute sorte d'interest, les facultés de l'ame n'y prenant aucun contentement, ni mesme la volonté, sinon en sa suprême pointe, en laquelle elle se contente de n'avoir aucun autre contentement sinon celuj' d'estre