CHAPITRE XII

qu'en ces deux portions de l'ame

il Y A QUATRE DIFFERENS DEGRÉS DE RAYSON

(a) Il y avoit trois parvis au Temple de Salomon : l'un estoit pour les Gentilz et estrangers, qui voulans recourir a Dieu venoyent adorer en Hierusalem ; le second estoit pour les Israélites, hommes et femmes (car la séparation des femmes ne fut pas faite par Salomon) ; le troysiesme estoit pour les prestres et pour l'ordre Levitique ; et en fin, outre tout cela, il y avoit le Sanctuaire, ou mayson sacrée, en laquelle le seul grand Prestre avoit accès une fois V an *. * Heb., ix, 7. Nostre rayson, ou pour mieux dire nostre ame entant qu'elle est raysonnable, est le vray temple du grand Dieu, lequel y réside plus particulièrement. « Je te cherchois, » dit saint Augustin *, « hors de moy, et » * confess., 1. x, je ne te treuvois point, parce que « tu estois en moy. » En ce temple mistique, il y a aussi troys parvis, qui sont troys differens degrés de rayson : au premier nous discourons selon l'expérience des sens ; au second nous discourons selon les sciences humaines ; au troisiesme nous discourons selon la foy ; et en fin, outre cela, il y a une certaine eminence et suprême pointe de la rayson et faculté spirituelle, qui n'est point conduitte par la lumière du discours ni de la rayson, ains par une simple veiie de l'entendement et un simple sentiment de la volonté, par lesquelz l'esprit acquiesce et se sousmet a la vérité et a la volonté de Dieu.

Or, cette extrémité et cime de nostre ame, cette

(a) [Voir à l'Appendice.