Livre II. Chapitre xi

respand sans cesse dans iceluy ses sacrées inspirations, qui vont croisspnt et nous font croistre de plus en plus en l'amour sacré ; mays quand il n'y a plus de vuide et que nous ne prestons pas davantage de consentement, elle s'arreste.

A quoy tient-il donques que nous ne sommes pas si avancés en l'amour de Dieu comme saint Augustin, saint François, sainte Catherine de Gennes, ou sainte Françoise ? Theotime, c'est parce que Dieu ne nous en a pas fait la grâce. Mais pourquoy est-ce que Dieu ne nous en a pas fait la grâce ?. parce que nous n'avons pas correspondu comme nous devions, a ses inspirations. Et pourquoy n'avons-nous pas correspondu ? parce qu'estans libres nous avons ainsy abusé de nostre liberté. Mais pourquoy avons-nous abusé de nostre liberté ? Theotime, il ne faut pas passer plus avant, car, comme dit saint Augustin*, la dépravation de nostre volonté * ^^ Lib. arbit. ne provient d'aucune cause, ains de la défaillance de la cause qui commet le péché. Et ne faut pas penser qu'on puisse rendre rayson de la faute que l'on fait au péché, car la faute ne seroit pas péché si elle n'estoit sans rayson.

Le dévot frère Rufin, sur quelque vision qu'il avoit eiie de la gloire a laquelle le grand saint François parviendroit par son humilité, luy fit cette demande : « Mon cher Père, je vous supplie de me dire en vérité quelle opinion vous aves de vous mesme. Et le Saint luy dit : Certes, je me tiens pour le plus grand pécheur du monde, et qui sers le moins Nostre Seigneur. Mais, répliqua frère Rufin, comment pouves vous dire cela en vérité et conscience, puisque plusieurs autres, comme l'on void manifestement, commettent plusieurs grans péchés, desquelz, grâce a Dieu, vous estes exempt ? A quoy saint François respondant : Si Dieu eust favorisé, dit-il, ces autres desquelz vous parles, avec autant de miséricorde comme il m'a favorisé, je suis certain que, pour meschans qu'ilz soyent maintenant, ilz eussent esté beaucoup plus reconnoissans des dons de Dieu que je ne suis, et le serviroyent beaucoup mieux que je ne

124 Traitté de l'Amour de Dieu

fay ; et si mon Dieu m'abandonnoit, je commettrois plus

* Chromca Fratr. ^jg meschancetés qu'aucun autre*. »

Min., 1. I, c. Lxviii. ^

Vous voyés, Theotime, l'advis de cet homme, qui ne fut presque pas homme, ains un Séraphin en terre. Je sçay qu'il parloit ainsy de soy mesme par humihté, mais il croyoit pourtant estre une vraye vérité qu'une grâce égale, faitte avec une pareille miséricorde, puisse estre plus utilement employée par l'un des pécheurs que par l'autre. Or, je tiens pour oracle le sentiment de ce grand docteur en la science des Saintz, qui, nourri en l'eschole du Crucifix, ne respiroit que les divines inspirations. Aussi, cet apophtegme a esté loiié et répété par tous les plus devotz qui sont venus despuis, entre lesquelz plusieurs ont estimé que le grand apostre saint Paul avoit dit en mesme sens qu'il estoit le pre-

* I Tim., I, 15. mier de tous les pécheurs*.

La bienheureuse IMere Thérèse de Jésus, vierge certes aussi toute angelique, parlant de l'orayson de quiétude,

* c. 15. de sa vie. dit CCS paroles * : « Il y a plusieurs âmes lesquelles

arrivent jusques a cet estât, et celles qui passent outre sont en bien petit nombre, et ne sçay qui en est la cause. Pour certain, la faute n'est pas de la part de Dieu, car, puisque sa divine Majesté nous ayde et fait cette grâce que nous arrivions jusques a ce point, je croy qu'il ne manqueroit pas de nous en faire encor davantage, si ce n'estoit nostre faute et l'empeschement que nous y mettons de nostre part. » Soyons donques attentifs, Theotime, a nostre avancement en l'amour que nous devons a Dieu, car celuy qu'il nous porte ne nous manquera jamais.