Livre II. Chapitre xiii
soin, de courtoisie et d'amour, que Pachome en fut tout ravi d'admiration ; et demandant quelle nation estoit celle-là, si honteuse, amiable et gracieuse, on luy dit que c'estoyent des Chrestiens ; et s'enquerant derechef quelle loy et manière de vivre estoit la leur, il apprit qu'ilz croy oient en Jésus Christ, Filz unique de Dieu, et faisoyent bien a toutes sortes de personnes, avec ferme espérance d'en recevoir de Dieu mesme une ample recompence. Helas, Theotime, le pauvre Pachome, quoy que de bon naturel, dormoit pour Ihors dans la couche de son infidélité ; et voyla que tout a coup, Dieu se treuve a la porte de son cœur, et par le bon exemple de ces Chrestiens, comme par une douce voix, il l'appelle, l'esveille et luy donne le premier sentiment de la chaleur vitale de son amour ; car a peyne eut-il ouï parler, comme je viens de dire, de l'aymable loy du Sauveur, que tout rempli d'une nouvelle lumière et consolation intérieure, se retirant a part et ayant quelque tems pensé en soy mesme, il haussa les mains au ciel, et avec un profond souspir il se print a dire : « Seigneur Dieu, qui avés fait le ciel et la terre, si vous daignés jetter vos yeux sur ma bassesse et sur ma peyne et me donner connoissance de vostre Divinité, je vous prometz de vous servir, et d'obéir toute ma vie a vos commandemens. » Depuis cette prière et promesse, l'amour du vray bien et de la pieté prit un tel accroissement en luy, qu'il ne cessoit point de prattiquer mille et mille exercices de vertu.
Il m'est advis, certes, que je voy en cet exemple un rossignol qui, se resveillant a la prime aube, commence a se secouer, s'estendre, desployer ses plumes, voleter de branche en branche dans son buisson, et petit a petit gazouiller son délicieux ramage : car n'aves-vous pas pris garde, comme le bon exemple de ces charitables Chrestiens excita et resveilla en sursaut le bienheureux Pachome ? (a) Certes, cet estonnement d'admiration qu'il
(a) [Voir la remarque (b), p. 112.]
132 Tr-\itté de l'Amour de Dieu
en eut ne fut autre chose que son resveil, auquel Dieu le toucha, comme le soleil touche la terre, avec un rayon de sa clarté, qui le remplit d'un grand sentiment de playsir spirituel. C'est pourquoy Pachome se secoue des divertissemens, pour avec plus d'attention et de facilité recueiUir et savourer la grâce receue, se retirant a part pour y penser ; puis il estend son cœur et ses mains au ciel, ou l'inspiration l'attire, et commençant a desployer les aysles de ses affections, voletant entre la desfiance de soy mesme et la confiance en Dieu, il entonne d'un air humblement amoureux le cantique de sa conversion, par lequel il tesmoigne d'abord que des-ja il connoist un seul Dieu, Créateur du ciel et de la terre ; mais il connoist aussi qu'il ne le connoist pas encor asses pour le bien servir, et partant, il supphe qu'une plus grande connoissance luy soit donnée, affin qu'il puisse par icelle parvenir au parfait service de sa divine Majesté.
Cependant voyes, je vous prie, Theotime, comme Dieu va doucement renforçant peu a peu la grâce de son inspiration dedans les cœurs qui consentent, les tirant après soy comme de degré en degré sur cette eschelle de Jacob. Mais quelz sont ses attraitz ? Le premier, par lequel il nous prévient et resveille, se fait par luy « en nous » et « sans nous ; » tous les autres se font aussi par luy, et « en nous, » mais non pas « sans • Gant., I, 3. nous. » TiTes-moy, dit l'Espouse sacrée *, c'est a dire,
commences le premier, car je ne sçaurois m'esveiller de moy mesme, je ne sçaurois me mouvoir si vous ne m'esmouves ; mays quand vous m'aures esmeiie, alhors, o le cher Espoux de mon ame, notis courrons nous deux : vous courres devant moy en me tirant tous-jours plus avant, et moy je vous suivray a la course, consentant a vos attraitz ; mays que personne n'estime que vous m'allies tirant après vous comme une esclave forcée ou comme une charrette inanimée ; ah non, vous me tires a l'odeur de vos parfums. Si je vous vay suivant, ce n'est pas que vous me traisnies, c'est que vous m'allèches ; vos attraitz sont puissans, mays non pas violens,
