Partie IL Chapitre vi. Article ii

2. Et puys, aves vous bien considéré les paroles de saint Pol ? Il ne veut pas qu'on reconnoisse aucun fondement outre Nostre Seigneur, mays ni saint Pierre ni les autres Apostres ne sont pas fondemens outre Nostre Seigneur, ains sous Nostre Seigneur ; leur doctrine [n'est] pas outre celle de leur Maistre, mays celle la mesme de leur Maistre. Ainsy la suprême charge qu'eut saint Pierre en l'Eglise militante, a raison de laquelle il est apellé fondement de l'Eglise, comme chef et gouverneur, n'est pas outre l'authorité de son Maistre, ains n'est qu'une participation d'icelle ; si que luymesme n'est pas fondement de ceste hiérarchie outre Nostre Seigneur, mays plus tost en Nostre Seigneur, comme nous l'appelions tressaint Père en Nostre Seigneur, hors duquel il ne seroit rien. Certes, nous ne reconnoissons point d'authorité séculière outre celle de son Altesse ; mays nous en reconnoissons bien plusieurs sous icelle, lesquelles ne sont pas proprement autres que celle de son Altesse, puysqu'elles en sont seulement certaynes portions et participations. 3. En fin, interprétons passage par passage. Saint Pol vous semble il pas se fayre asses entendre quand il dict : Vous estes sur édifiés sur les fondemens des Prophètes et Apostres ? mays afïin qu'on sceut que ces fondemens n'estoient pas outre celuy quil prsechoit, il adj ouste : Ipso summo angulari lapide, Christ 0 Jesu.

Nostre Seigneur donques est fondement, et saint Pierre aussi, mays avec une si notable différence, qu'au pris de l'un, l'autre peut estre dict ne l'estre point. Car Nostre Seigneur est fondement et fondateur, fondement sans autre fondement, fondement de l'Eglise Naturelle, Mosaique et Evangelique, fondement perpétuel et immortel, fondement de la militante et triomphante, fondement de soymesme, fondement de nostre foy, espérance et charité, et de la valeur des Sacremens. Saint Pierre est fondement non fondateur de toute l'Eglise, fondement, mays fondé sur un autre fondement qui est Nostre Seigneur, fondement de la seule Eglise Evangelique, fondement sujet a succession, fondement de la

238 Les Controverses

militante non de la triomphante, fondement par participation , fondement ministerial , non absolu , enfin administrateur et non seigneur, et nullement fondement de nostre foy, espérance et charité, ni de la valeur des Sacremens. Geste si grande différence faict qu'en comparayson, l'un ne soit pas apellé fondement au pris de l'autre, qui néanmoins pris a part peut estre appelle fondement, affin de laisser lieu a la propriété des Parolles saintes : ainsy qu'encores quil soit le bon

*Eph. IV. (y. II.) Pasteur il ne laysse de nous en donner sous luy *, entre lesquelz et sa majesté il y a si grande différence,

*jo. X. ^. II. 16; que luy mesme monstre * quil est le seul Pasteur.

£z. XXXIV. ^ . i'\.

Tout de mesme, ce n'est pas bien philosopher de dire, tous les Apostres en gênerai sont appelles fondemens de l'Eglise, donques saint Pierre ne l'est que comme les autres . Au contraire , puys que Nostre Seigneur a dict en particulier et en termes particuliers a saint Pierre ce qui est dict par après en gênerai des autres, il faut conclure qu'il y a en saint Pierre quelque particulière propriété de fondement, et quil a esté luy en particulier ce que tout le collège a esté ensemble. Toute l'Eglise a esté fondée sur tous les Apostres , et toute sur saint Pierre en particulier ; c'est donq saint Pierre qui en est le fondement, pris a part , ce que les autres ne sont pas , car a qui a il jamays esté dict en particulier. Tu es Pierre, etc.? Ce seroit violer l'Escriture , qui diroit que tous les Apostres en gênerai n'ont pas esté fondement de l'Eglise ; ce seroit aussy la violer, qui nieroit que saint Pierre ne Teust esté particulièrement : il faut que la parole générale sortisse son effect gênerai, et la particulière, le particulier, affin que rien ne demeure inutile et sans mistere en des si misterieuses Escritures.

Voyons seulement a quelle rayson générale tous les Apostres sont apellés fondemens de l'Eglise : et c'est par ce que ce sont eux qui par leur praedication ont planté la foy et doctrine Chrestienne ; en quoy sil faut donner prorogative a quelqu'un des Apostres, ce sera * I Cor. XV. j^. 10. a celuy la qui disoit * : Abundantius illis omnibus