Partie II. Chapitre vi. Article ii
laboravi. Et c'est ainsy que s'entend le lieu de l'Apocalipse * ; car les douze Apostres sont apellés fonde- * (Supra, p. 235.) mens de la céleste Hierusalem, par ce que ce ont esté les premiers qui ont converty le monde a la religion Chrestienne, qui a esté comme jetter les fondements de la gloire des hommes et la semence de leur bienheureuse immortalité. Mays le lieu de saint Pol * semble ne * (Ibidem.j s'entendre pas tant de la personne des Apostres que de leur doctrine ; car il n'est pas dict que nous soyons suredifiés sur les Apostres, mays, sur le fondement des Apostres, c'est a dire, sur la doctrine quilz ont annoncée : ce qui est aysé a reconnoistre, puysqu'il ne dict pas seulement que nous sommes sur le fondement des Apostres y mays encores des Prophètes, et nous sçavons bien que les Prophètes n'ont pas autrement estes fondemens de l'Eglise Evangelique que par leur doctrine. Et en cest endroit, tous les Apostres semblent aller a pair, si saint Jan et saint Pol ne précèdent pour l'excellence de leur théologie ; c'est donq de ce costé que tous les Apostres sont fondemens de l'Eglise. Mays en l'authorité et gouvernement saint Pierre a devancé tous les autres, d'autant que le chef surpasse les membres ; car il a esté constitué Pasteur ordinaire et suprême Chef de l'Eglise, les autres ont estes pasteurs délégués et commis, avec autant pleyn pouvoir et authorité sur tout le reste de l'Eglise que saint Pierre, sauf que saint Pierre estoit leur chef de tous, et leur pasteur comme de tout le Christianisme. Ainsy furent ilz fondemens de l'Eglise avec luy également, quand a la conversion des âmes et par doctrine, mays quand a l'authorité et gouvernement ilz le furent inégalement, puysque saint Pierre estoit le chef ordinaire non seulement du reste de toute l'Eglise mays des Apostres encores ; car Nostre Seigneur avoit édifié sur luy toute son Eglise , de laquelle ilz estoyent non seulement parties, mays les principales et nobles parties. Licet super omnes Apostolos ex œquo Ecclesice fortitudo solidetur, dict saint Hierosme *, *L. Linjov.(§26.) tamen inter duodecim unus eligitur , ut capite
240 Les Controverses
constituto schismatis tollatur occasio. Sunt qut- •(DeConsid.,1. II, dem, dict saint Bernard parlant a son Eugène*, et nous en pouvons autant dire de saint Pierre par mesme rayson, sunt alii cœli janitores et gregum pastores, sed tu tanto gloriosius quanto differentius nomen hœreditasti.
ARTICLE III
DE LA SECONDE PROMESSE FAICTE A SAINT PIERRE ET JE TE DONNERAY LES CLEFZ DU ROYAUME DES CIEUX
Il II fâche tant aux adversaires qu'on leur propose le siège de saint Pierre comme une sainte pierre de touche, a laquelle il faille faire l'espreuve des intelligences, imaginations et fantasies quilz font es Escrittures, quilz renversent le ciel et la terre pour nous oster des mains les expresses paroUes de Nostre Seigneur par les... ||
Nostre Seigneur ayant dict a saint Pierre quil sedifieroit sur luy son Eglise, affin que nous sceussions plus particulièrement ce quil vouloit dire, poursuit en ces termes : Et tihi dabo claves regni cœlorum. On [ne] sçauroit parler plus clairement : il avoit dict, Beatus es Simon Barjona, quia caro, etc. Et ego dico tihi quia tu es Petrus, et tihi daho, etc. ; ce tihi daho se rapporte a celuy la mesme auquel il avoit dict, et ego dico tihi^ c'est donq a saint Pierre. Mays les ministres tachent tant quilz peuvent de troubler si bien la clere fontayne de l'Evangile, que saint Pierre n'y puysse plus trouver ses clefz, et a nous degouster d'y boire l'eau de la sainte obéissance qu'on doit au Vicaire de Nostre Seigneur; et partant ilz se sont avisés de dire que saint Pierre avoit receu ceste promesse de Nostre Seigneur au nom de toute l'Eglise,
