O T. XXI

toute l'Eglise parla en la personne de saint Pierre *Tract.uit. inToancomme en la personne de son chef, et saint Pierre ne ^ ' parla pas en la personne de l'Eglise ; car le cors ne parle qu'en son chef, et le chef parle en luymesme, non en son cors. Et bien que saint Pierre ne fut pas encor chef et prince de l'Eglise, ce qui luy fut seulement conféré après la résurrection du Maistre, il suffit quil estoit desja choisy pour tel et quil en avoit les erres ; comme aussi les Apostres n'avoyent pas encores le pouvoir Apostolique, cheminans toute ceste bénite compaignie plus comme disciples avec leur régent, pour apprendre les profondes leçons quilz ont par après enseignées aux autres, que comme Apostres ou envoyés, ce quilz firent despuys, lorsque le son de leur voix retentit par tout le monde '^. Et ne nie pas nom * (Ps. xvm, 5.) plus que le reste des praelatz de l'Eglise n'ayent eu part

242 Les Controverses

a l'usage des clefz ; et quand aux Apostres, je confesse quilz y ont eu tout'authorité : je dis seulement que la collation des clefz est icy promise principalement a la personne de saint Pierre, et a l'utilité de toute l'Eglise ; car encor que ce soit luy qui les ayt receiies, si est ce que ce n'est pas pour son proufïit particulier, mays pour celuy de l'Eglise. Le maniement des clefz est promis a saint Pierre en particulier et principalement, puys, en après, a l'Eglise ; mays principalement pour le bien gênerai de l'Eglise, puys, en après, pour celuy de saint Pierre : comm'il advient en toutes charges publiques. Mays on me demandera quelle différence il y a entre la promesse que Nostre Seigneur faict icy a saint Pierre de luy donner les clefz, et celle quil fit aux Apostres par après ; car, a la vérité, il semble que ce n'estoit que la mesme, par ce que Nostre Seigneur explicant ce quil entendoit par les clefz, il dict : Et quodcu7nque ligaveris super terrain erit ligatum et in cœlis, et quodcumque solveris, qui n'est autre que ce quil dict aux Apostres en gênerai, quœcumque alligaveritis. Si donques il promet au gênerai ce quil promet a saint Pierre en particulier, il ni aura point de rayson de dire que saint Pierre soit plus qu'un des autres par ceste promesse.

Je respons qu'en la promesse, et en l'exécution de la promesse (i), Nostre Seigneur a tousjours praeferé saint Pierre, par des termes qui nous obligent a croire quil a esté chef de l'Eglise.

Et quand a la promesse , je confesse que par ces parolles, et quodcumque solveris, Nostre Seigneur n'a rien plus promis a saint Pierre quil fit aux autres par après , quœcumque alligaveritis super ter- * Mat. xviii. f. i8. ram *^ etc. ; car les paroles sont de mesme substance et signification en tous deux les passages. Je confesse aussy que par ces paroles, et quœcumque solveris, dites a saint Pierre, il explique les praecedentes, tibi daho claves ; mays je nie que ce soit

(i) Voir p. 249, note (i).