L'EGLISE CATHOLIQUE
AVANT- PROPOS
Ces deux fautes fondamentales esquelles vos ministres vous ont conduit, d'avoir abandonné l'Eglise et d'avoir violé toutes les vrayes Règles de la Religion Chrestienne, vous rendent du tout inexcusables, Messieurs : car elles sont si grosses que vous ne pouvies pas les mesconnoistre, et sont si importantes que l'une des deux suffit pour vous faire perdre le vray Christianisme ; puysque la foy hors de l'Eglise, ni l'Eglise sans la foy, ne vous sçauroit sauver, nomplus que l'œil hors la teste, ni la teste sans l'œil, ne sçauroit voir la lumière. Quicomque vous vouloit séparer de l'union de l'Eglise vous devoit estre suspect, et qui mesprisoit si fort les saintes Règles de la foy devoit estre fuy et mesprisé, quelle contenance quil tint, quoy quil allegast.
346 Les Controverses
Mays, ce me dires vous, ilz protestoyent de ne rien dire qui ne fut exprès en la pure, simple et naifve Parole de Dieu. || Ah mon Dieu, comme creutes vous si légèrement ? Il ny eut onques hérésie qui alleguast plus hors de propos la Parole de Dieu que celle cy, et qui en tirast des conclusions moins sortables, particulièrement es principales disputes. Vous Taures desja peu remarquer cy devant es deux premières Parties de ce Mémorial, mays je désire que vous le touchies au doigt, affin quil ne vous demeure aucune excuse de reste. || Vous ne dévies pas croire si légèrement ; si vous eussies bien advisé a vos affaires, vous eussies veu que ce n'estoit pas la Parole de Dieu quilz avançoyent , mais leurs propres conceptions voylëes des motz de l'Escritture, et eussies bien connu que jamais un si riche habit ne fut faict pour couvrir un si vilain cors comme est ceste hérésie.
Car, par supposition, faysons que jamais il ny eust Eglise, ni Concile, ni Pasteurs, ni Docteurs, des les Apostres, et que l'Escriture Sainte ne contient que les Livres quil plaict a Calvin, Beze et Martyr d'avouer, quil ny a point de Règle infallible pour la bien entendre, mays qu'elle est a la merci des conceptions de quicomque voudra maintenir quil interprète l'Escriture par l'Escriture et par l'analogie de la foy, comme on veut entendre Aristote par l'Aristote et par Tanalogie de la philosophie ; confessons seulement que ceste Escriture est divine, et je maintiens devant tous juges équitables que, si non tous, au moins ceux d'entre vous qui avoyent quelque connoissance et suffisance sont inexcusables, et ne sçauroyent garentir leur religion de légèreté et témérité. Et voicy ou je me réduis. Les ministres ne veulent combattre qu'avec l'Escriture, je le veux ; ilz ne veulent de l'Escriture que les parties qu'il leur plaict, je m'y accorde : au bout de tout cela, je dis que la créance de l'Eglise Catholique l'emporte de tous pris, qu'elle a plus de passages pour, soy que l'opinion contraire, et ceux qu'elle a, plus clairs, purs et simples, plus raysonnablement interprétés, mieux
