LUI, II

très doux Sauveur après la sixiesme parole, /# remets mon esprit entre vos mains*. Il est vray, vouloit-il dire, que tout est consommé et que j'ay tout accompli ce que vous m'aviez commandé*; mais pourtant, si telle est vostre volonté que je demeure encor davantage sur cette croix pour souffrir plus long temps, j'en suis content ; je remets mon esprit entre vos mains, vous en pouvez faire tout ainsy qu'il vous plaira. Nous en devrions faire de mesme, mes chères Sœurs, en toutes occasions, soit quand nous souffrons ou quand nous jouissons, et repeter : Mon Père, je remets mon esprit entre vos mains, faites de moy tout ce qu'il vous plaira, nous laissant ainsy conduire à la volonté divine, sans jamais nous laisser préoccuper de nostre volonté particulière.

Nostre Seigneur ayme donques d'un amour extrêmement tendre ceux qui sont si heureux que de s'abandonner entièrement en son soin paternel, se laissant gOLiverner par sa divine providence comme il luy plaist, sans s'amuser à considérer si les effects de cette providence leur sont utiles, proffitables ou dommageables ; estant tout asseuré que rien ne nous sçauroit estre envoyé de ce cœur paternel et très aymable , ni qu'il ne permettra que rien nous arrive de quoy il ne nous fasse tirer du bien et de l'utilité, pourveu que nous ayons mis toute nostre confiance en luy, et que de bon cœur nous disions : Je remets mon esprit entre vos mains ; et non seulement mon esprit, mais mon ame, mon corps et tout ce que j'ay, à fin que vous en fassiez selon qu'il vous plaira.

Et en cecy il sera vérifié que très raysonnablement et véritablement Nostre Seigneur doit estre appelle Roy, troisiesme qualité que Pilate luy bailla, et que la bonté de nostre Maistre a bien voulu luy estre donnée jusques à présent; car il veut que nous demeurions absolument et sans reserve sousmis à ses volontés. Nostre cher Sauveur exp ose son ame*, c'est à dire sa vie, à la cruauté des ennemis des hommes, pour les défendre de tous malheurs et leur redonner la paix qu'ils avoyent pour jamais perdue par le péché. Pour nous restablir en sa