CC. XII- XV

il luy estoit advis qu'il n'estoit pas moyen de vivre sans commettre ce détestable vice. Il vouloit et ne vouloit pas en estre délivré. Et que ne firent pas Alype et ses autres amis pour l'en destourner, le persuadant de se marier, à fin, par ce moyen, de changer en licites ses playsirs illicites. Vains furent tous leurs efforts. Il failloit, comme lbid.,c.xvi,ux, il dit luy mesme *, vostre main toute puissante, o Seigneur, pour me deslier de ces liens et pour m'arracher des griffes de mon ennemy, entre lesquelles je m'estois volontairement jette. Et certes, ce péché est détestable et le plus dangereux de tous. Que si bien il n'est pas si grand que le blasphème et la haine de Dieu, si est-il le plus difficile de tous à s'en dépêtrer et desbrouiller.

Le second lien duquel saint Augustin estoit lié est la vanité, car il estoit maistre de la rhétorique. Et qu'est-ce que la rhétorique et humanité humaine, sinon une escole de vanité ? Il estoit donques maistre de la vanité, et il le *Ibid.,l.VII,cxx. confesse luy mesme *. O pauvre Augustin, vous estiez de ce temps-là maistre de la rhétorique, et parmi ces belles phrases, poésies, proses et déclamations, vostre esprit devint enflé, vain et superbe, car la science humaine