LX. Pour le jeudi après le m« Dimanche de Carême

Nostre febricitante n'en faisoit pas ainsy : elle estoit dans son lit sans mener aucun bruit; il luy suffisoit qu'on sceust qu'elle estoit malade, et se contentoit de prendre ce qu'on luy donnoit pour sa santé, sans se mettre en peine de discerner s'il luy seroit proiïitable ou non. Elle sçavoit bien que Dieu n'estoit point ni la première, ni la seconde, ni la troisiesme cause de sa maladie, car il ne l'est en façon quelconque, d'autant que n'estant pas la cause du péché, aussi ne Test-il pas de la maladie. Mais comme il permet le péché, il envoyé les infirmités pour nous chastier et purifier d'iceluy ; alors il se faut sousmettre à sa justice et à sa miséricorde, et nous tenir dans un humble silence qui nous fasse tranquillement embrasser les evenemens de sa providence, comme faisoit David, lequel disoit dans ses afflictions : J'ay souffert et me suis teu, parce que je sçay que c'est vous qui me les avez envoyées pour me chastier et me purger de mon iniquité *. * Ps. xxxvm, 10-12.

Nostre febricitante en faisoit de mesme : Vous m'avez envoyé la fièvre, et je l'ay receuë, et me suis sousmise à vostre justice et à vostre miséricorde. Or, comme vous me l'avez envoyée, aussi me la pouvez-vous oster sans que je vous le demande ; vous sçavez bien mieux que moy ce qu'il me faut, je n'ay point besoin de m'en mettre en peine ; il me suffit que vous me regardiez et que vous sçachiez que je suis malade dans mon lit. Elle ne dit donques mot, elle ne fait aucun compte de sa maladie, elle ne s'attendrit point à la raconter, elle souffre sans se soucier qu'on la plaigne ou qu'on procure sa guerison ; elle se contente que Dieu le sçache et ses supérieurs qui la gouvernent. Elle n'estoit pas semblable à plusieurs personnes de ce temps, lesquelles si elles ont la migraine ou la colique il faut qîie chacun en soit empesché et que tout le voysinage en soit instruit, autrement elles ne sont pas contentes ; ni à ceux qui pour le moindre mal veulent estre retirés à part dans une infirmerie à fin que chacun les plaigne et souffle sur iceluy ; ni à ceux qui courent au médecin pour la plus petite incommodité qu'ils ressentent. Ces gens ressemblent aux petits enfans qui estans piqués d'une guespe ou d'une mouche à miel, vont en

294 Sermons recueillis

grande haste le monstrer à leur mère à fin qu'elle souffle

*Cf. Les Entretiens, SUr leur doigt *.

p!™4. ' ^^^^ ^ *' Nostre febricitante est admirable, car non seulement elle ne publie pas son mal, elle ne s'amuse point à en parler ni ne se met en devoir d'envoyer quérir le médecin ; mais, chose estrange, Nostre Seigneur estant en sa mayson comme un souverain Médecin qui la pouvoit guérir, elle ne luy dit mot touchant sa maladie ; voire, elle ne le veut pas regarder en qualité de médecin, ains seulement comme son Dieu à qui elle appartient et en la santé et en la maladie. Elle tesmoigne par là qu'elle est autant contente de l'une que de l'autre, et qu'elle ne veut point estre quitte de sa fièvre que lors qu'il plaira à son Dieu. Oh, si c'eust esté une de nos dames de ce temps cy, combien eust-elle usé de finesse pour estre guérie ! Elle eust bien dit qu'elle ne demandoit la santé que pour mieux servir Nostre Seigneur, ou du moins qu'elle supporteroit d'estre malade en un autre temps ; mais à cette heure là qu'il estoit en sa mayson elle ne s'y pouvoit résoudre, car estant au lit elle ne le pouvoit bien traitter ; et telles autres finesses que nostre febricitante n'employa aucunement.

Il ne suffit pas d'estre malade parce que telle est la volonté de Dieu, mais il le faut estre comme il le veut, *Ctlntrod.aiaVie quand il le veut et autant et comme il luy plaist*, nous </^î'.,Partielii,c.m. remettant, pour la santé, à ce qu'il en ordonnera, sans luy rien demander. C'est assez qu'il le sçache et qu'il nous voye en nostre infirmité ; il le faut laisser faire, et, sans nous mettre en devoir de pourvoir à ce qui est requis pour nostre guerison, nous abandonner à nos Supérieurs et leur en laisser le soin, ne nous meslant d'autre chose que de bien porter nostre mal tant qu'il plaira à Dieu. Voyla le premier point.

Le second est la douceur, résignation et modestie de cette femme, et le troisiesme, le soin qu'elle eut de faire profit de sa maladie ; car elle se leva quand Nostre Seigneur eut chassé sa fièvre et le servit à table. Je diray donques encores un mot sur ces deux considérations. Sa douceur et sa résignation furent grandes en ce