DU RAVISSEMENT, ET DE LA PREMIERE ESPECE D ICELUY

L'extase s'appelle ravissement, d'autant que par icelle Dieu nous attire et esleve a soy ; et le ravissement s'appelle extase, entant que par iceluy nous sortons et demeurons hors et au dessus de nous mesmes pour nous unir a Dieu. Et bien que les attraitz par lesquelz nous sommes attirés de la part de Dieu soyent admirablement doux, suaves et délicieux, si est-ce qu'a cause de la force que la beauté et bonté divine a pour tirer a soy Tattention et application de l'esprit, il semble que non seulement elle nous esleve, mays qu'elle nous ravit et emporte ; comme au contraire, a rayson du très volontaire consentement et ardent mouvement par lequel l'ame ravie s'escoule après les attraitz divins, il semble que non seulement elle monte et s'esleve, mais qu'elle se jette et s'eslance hors de soy en la Divinité mesme. Et c'en est de mesme en la très infâme extase ou abominable ravissement qui arrive a l'ame Ihors que, par les amorces des playsirs brutaux, elle est mise hors de sa propre dignité spirituelle et au dessous de sa condition naturelle : car, entant que volontairement elle suit cette malheureuse volupté et se précipite hors de soy mesme, c'est a dire hors de Testât spirituel, on dit qu'elle est en l'extase sensuelle ; mais entant que les