Livre X. Chapitre iv

de s'amuser a plusieurs choses qu'elles n'ayment pas selon luy, ains outre luy, hors de luy et sans luy (i). Certes, comme les menus desreglemens en paroles, en gestes, en habitz, en passetems et folastreries, ne sont pas a proprement parler contre la volonté de Dieu, aussi ne sont ilz pas selon icelle, ains hors d'icelle et sans icelle.

Mays il y a des âmes qui, ayant des-ja fait quelque progrès en l'amour divin, ont retranché tout l'amour qu'elles avoyent aux choses dangereuses, (™) et néanmoins ne laissent pas d'avoir des amours dangereux et superflus, parce qu'elles affectionnent avec excès et par un amour trop tendre et passionné ce que Dieu veut qu'elles ayment. Dieu vouloit qu'Adam aymast tendrement Eve, mais non pas aussi si tendrement que pour luy complaire il violast l'ordre que sa divine Majesté luy avoit donné : il n'ayma pas donq une chose superflue ni de soy mesme dangereuse, mais il l'aj^ma avec superfluité et dangereusement. L'amour de nos parens, amis, bienfacteurs, est de soy mesme selon Dieu, mais nous les pouvons aymer excessivement ; comme aussi nos vocations, pour spirituelles qu'elles soyent, et nos exercices de pieté (que toutefois nous devons tant affectionner) peuvent estre aymés desreglement, Ihors que l'on les préfère a l'obéissance et au bien plus universel, ou que l'on les affectionne en qualité de dernière (^) fin, bien qu^ilz ne soyent que des moyens et acheminemens a nostre finale prétention, qui est le divin amour. Et ces âmes qui n'ayment rien que ce que Dieu veut qu'elles ayment, mais qui excédent en la façon d'aymer, ayment voirement la divine Bonté sur toutes choses, mais non pas en toutes choses ; car les choses mesmes qu'il leur est non seulement permis mais ordonné

(1) <?/ sans luy, — fcar telz sont les cœurs de ceux qui affectionnent les péchés venielz.J

(m) dangereuses, — voire mesme aux superflues, voulant affectionner seulement ce que Dieu veut qu'elles affectionnent ;

(n) [La suite du Ms. de ce chapitre n'a pas été recouvrée.]

i8o Traitté de l'Amour de Dieu

d'aymer selon Dieu, elles ne les ayment pas seulement selon Dieu, ains pour des causes et motifs qui ne sont pas certes contre Dieu, mais bien hors de Dieu : de sorte qu'elles ressemblent au phœnix qui, ayant ses premières plumes et commençant a se renforcer, se guindé des-ja en plein air, mais n'a pourtant encor asses de force pour demeurer longuement au vol, dont il descend souvent prendre terre pour s'y reposer. Tel fut le pauvre jeune homme qui, ayant observé les commandemens de Dieu des son bas aage, ne desiroit pas les biens d'autruy, mais il affectionnoit trop tendrement ceux qu'il avoit ; c'est pourquoy, quand Nostre Seigneur luy conseilla de les donner aux pauvres, il * Matt., XIX, 20-22; devint tout triste* et melancholique : il n'aymoit rien

Lucas, xviii, 21-23. . , . , •, -1 1, ••11»

que ce qui luy estoit loysible d aymer, mais il 1 aymoit d'un amour superflu et trop serré.

Ces âmes donq, Theotime, ayment voirement trop ardemment et avec superfluité, mais elles n'ayment point les superfluités , ains seulement ce qu'il faut aymer. Et pour cela elles jouissent du lit nuptial du Salomon céleste, c'est a dire des unions, des recueillemens et des repos amoureux dont il a esté parlé au Livre V et VI ; mais elles n'en jouissent pas en qualité d'espouses, parce que la superfluité avec laquelle elles affectionnent les choses bonnes, fait qu'elles n'entrent pas fort souvent en ces divines unions de l'Espoux, estant occupées et diverties pour aymer hors de luy et sans luy ce qu'elles ne devroyent aymer qu'en luy et pour luy.