SUR TOUTES CHOSES

Or il y a des autres âmes qui n'ayment ni les superfluités ni avec superfluité, ains ayment seulement ce que Dieu veut et comme Dieu veut : ames heureuses, puisqu'elles ayment Dieu, et leurs amis en Dieu, et leurs ennemis pour Dieu ; elles ayment plusieurs choses avec Dieu, mais pas une sinon en Dieu et pour Dieu ; c'est Dieu qu'elles ayment non seulement sur toutes choses mais en toutes choses, et toutes choses en Dieu ; semblables au phœnix parfaitement rajeuni et revigoré, que l'on ne void jamais qu'en l'air ou sur les coupeaux des montz qui sont en l'air. Car ainsy ces ames n'ayment rien si ce n'est en Dieu , quoy que toutefois elles ayment plusieurs choses avec Dieu, et Dieu avec plusieurs choses. Saint Luc recite * que Nostre Seigneur * Cap. ix, 59, 60. invita a sa suite un jeune homme qui l'aymoit voirement bien fort, mais il aymoit encor grandement son père, et pour cela vouloit retourner a luy ; et Nostre Seigneur luy retranche cette superfluité d'amour et l'excite a un amour plus pur, affin que non seulement il ayme Nostre Seigneur plus que son père, mais qu^il n'ayme son père qu'en Nostre Seigneur : Laisse aux mort^ le soin d'ensevelir leurs mort^, mais quant a toy, qui as treuvé la vie, va, et annonce le Royaume de Dieu. Et ces ames, comme vous voyes, Theotime, ayant si grande union avec l'Espoux, elles méritent bien de participer a son rang, et d'estre reynes comme il est Roy, puisqu'elles luy sont toutes dédiées, sans

Traitté de l'Amour de Dieu

Matt., XVII, 4.

Ibid., XXVI, 7.

division ni séparation quelcomque, n'aymans rien hors de luy et sans luy, ains seulement en luy et pour luy. Mais en fin, au dessus de toutes ces âmes, il y en a une très uniquement unique, qui est la reyne des reynes, la plus aymante, la plus aymable et la plus aymee de toutes les amies du divin Espoux, qui non seulement ayme Dieu sur toutes choses et en toutes choses, mais n'ayme que Dieu en toutes choses, de sorte qu'elle n'ayme pas plusieurs choses, ains une seule chose, qui est Dieu ; et parce que c'est Dieu seul qu'elle ayme en tout ce qu'elle ayme, elle l'ayme également par tout, selon que le bon playsir d'iceluy le requiert, hors de toutes choses et sans toutes choses. Si ce n'est qu'Hester qu'Assuerus ayme, pourquoy l'aymera-il plus Ihors qu'elle est parfumée et parée que Ihors qu'elle est en son habit ordinaire ? Si ce n'est que mon Sauveur que j'ayme, pourquoy n'aymeray-je pas autant la montaigne de Calvaire que celle de Tabor, puisqu'il est aussi véritablement en l'une qu'en l'autre ? et pourquoy ne diray je pas aussi cordialement en l'une comme en Tautre : // est bon d'estre icy* ? J'ayme le Sauveur en Egypte sans aymer l'Egypte ; pourquoy ne l'aymeray-je pas au festin de Simon le Lépreux sans aymer le festin ? et si je l'ayme entre les blasphèmes qu'on respand sur luy sans aymer les blasphèmes, pourquoy ne l'aymeray-je pas parfumé de Vunguent pretieux de Magdeleyne * sans aymer ni Tunguent ni la senteur ? C'est le vray signe que nous n'aymons que Dieu en toutes choses quand nous l'aymons également en toutes choses, puisqu'estant tous-jours égal a soy mesme, l'inégalité de nostre amour envers luy ne peut avoir origine que de la considération de quelque chose qui n'est pas luy. Or, cette sacrée amante n'ayme non plus son Roy avec tout l'univers que s'il estoit tout seul sans univers, parce que tout ce qui est hors de Dieu et n'est pas Dieu ne luy est rien. Ame toute pure, qui n'ayme pas mesme le Paradis sinon parce que l' Espoux y est aymé ; mais Espoux si souverainement aymé en son Paradis, que s'il n'avoit point de Paradis a donner il n'en seroit ni