ADVIS POUR LA CONDUITE DU SAINT ZELE

D'autant que le zèle est une ardeur et véhémence d'amour, il a besoin d'estre sagement conduit ; autrement il violeroit les termes de la modestie et de la discrétion. Non pas certes que le divin amour, pour véhément qu'il soit, puisse estre excessif en soy mesme ni es mouvemens ou inclinations qu'il donne aux espritz ; mays parce qu'il employé a l'exécution de ses projetz l'entendement, luy ordonnant de chercher les moyens de les faire reuscir, et la hardiesse ou cholere pour surmonter les difficultés qu'il rencontre, il advient très souvent que l'entendement propose et fait prendre des voyes trop aspres et violentes, et que la cholere ou audace, estant une fois esmeiie et ne se pouvant contenir dedans les limites de la rayson, emporte le cœur dans le desordre : en sorte que le zèle est, par ce moyen, exercé indiscrettement 'et desreglement, qui le rend mauvais et blasmable. David envoya Joab avec son armée contre son desloyal et rebelle enfant Absalon, lequel il défendit sur toutes choses qu'on ne touchast point, ordonnant qu'en toutes occurrences on eust soin de le sauver ; mais Joab estant en besoigne, eschaufifé a la poursuite de la victoire, tua luy mesme de sa main le pauvre Absalon, sans avoir esgard a tout ce que le Roy *IlReg.,xvni,5,i-!. luy avoit dit*. Le zèle de mesme employé la cholere contre le mal, et luy ordonne tous-jours très expressément qu'en destruisant l'iniquité et le péché, elle sauve, s'il se peut, le pécheur et l'inique ; mais elle estant une fois en fougue, comme un cheval fort en bouche et bigearre, elle se desrobbe, emporte son homme hors de