Livre X. Chapitre xv

Carpus, homme eminent en pureté et sainteté de vie, et lequel il y a grande apparence avoir esté Evesque de Candie, en conceut un si grand courroux qu'onques il n'en avoit souffert de tel ; et se laissa porter si avant en cette passion que, s'estant levé a la minuit pour prier selon sa coustume, il concluoit a part soy qu'il n'estoit pas raysonnable que les hommes impies vescussent davantage , priant par grande indignation la divine Justice de faire mourir d'un coup de foudre ces deux pécheurs ensemble, le payen séducteur et le Chrestien séduit. Mais oyes, Theotime, ce que Dieu fit pour corriger l'aspreté de la passion dont le pauvre Carpus estoit outré. Premièrement il luy fit voir, comme a un autre saint Estienne *, le ciel tout ouvert, et Jésus Christ * Act., vu, 55. Nostre Seigneur assis sur un grand throsne, environné d'une multitude d'Anges qui luy assistoyent en forme humaine ; puys il vid en bas la terre ouverte comme un horrible et vaste gouffre, et les deux desvoyés auxquelz il avoit souhaité tant de mal, sur le bord de ce précipice, tremblans et presque pasmés d'efifroy a cause qu'ilz estoyent prestz a tumber dedans ; attirés d'un costé par une multitude de serpens qui, sortans de l'abisme, s'entortilloyent a leurs jambes, et avec les queues les chatouilloyent et provoquoyent a la cheute, et de l'autre costé, certains hommes les poussoyent et frappoyent pour les faire tumber : si qu'ilz sembloyent estre sur le point d'estre abismés dans ce précipice. Or considérés, je vous prie, mon Theotime, la violence de la passion de Carpus ; car, comme il racontoit par après luy mesme a saint Denis, il ne tenoit compte de contempler Nostre Seigneur et les Anges qui se monstroyent au Ciel, tant il prenoit playsir de voir en bas la détresse effroyable de ces deux misérables chetifs, se faschant seulement de ce qu'ilz tardoyent tant a périr, et partant s'essayoit de les précipiter luy mesme. Ce que ne pouvant si tost faire, il s'en despitoit et les maudissoit, jusques a ce qu'en fin, levant les yeux au ciel, il vid le doux et très pitoyable Sauveur qui, par une extrême pitié et compassion de ce qui se passoit, se levant de son throsne et

222 Traitté de l'Amour de Dieu

descendant jusques au lieu ou estoyent ces deux pauvres misérables, leurtendoit sa main secourable, amesme que les Anges aussi, qui d'un costé qui d'autre, les retenoyent pour les empescher de tomber dans cet espouvantable gouffre. Et pour conclusion, l'amiable et débonnaire Jésus, s'addressant au courroucé Carpus : Tiens, Carpus, dit-il, « frappe désormais sur moy, car je suis prest de patir encor une fois pour sauver les hommes, et cela me seroit aggreable s'il se pouvoit faire sans le péché des autres hommes ; mais au surplus, advise ce qui te seroit meilleur, ou d'estre en ce gouffre avec les serpens, ou de demeurer avec les Anges qui sont si grans amis des hommes. »

Theotime, le saint homme Carpus avoit rayson d'entrer en zèle pour ces deux hommes, et son zèle avoit justement excitée la cholere contre eux, mays la cholere estant esmeiie avoit laissé la rayson et le zèle en derrière ; outrepassant toutes les bornes et limites du saint amour, et par conséquent du zèle qui en est la ferveur, elle avoit converti la hayne du péché en hayne du pécheur, et la très douce charité en une furieuse cruauté. Ainsy y a-il des personnes qui ne pensent pas qu'on puisse avoir beaucoup de zèle si on n'a beaucoup de cholere, n'estimans pas de pouvoir rien accommoder s'ilz ne gastent tout ; bien qu'au contraire, le vray zèle ne se serve presque jamais de la cholere, car, comme on n'applique pas le fer et le feu aux malades que Ihors qu'on ne peut faire autrement, aussi le saint zèle n'employé la cholere qu'es extrêmes nécessités.