Livre XI. Chapitre xiii

bon; jeusner pour obéir a l'Eglise est meilleur; jeusner pour plaire a Dieu est très bon : mais encores qu'il semble que de trois biens on ne puisse pas composer un mal, si est-ce que qui les colloqueroit en desordre, préférant le moindre au meilleur, il feroit sans doute un desreglement blasmable.

Un homme qui n'invite qu'un de ses amis n'ofifence nullement les autres ; mais s'il les invite tous et qu'il donne les premières séances aux moindres, reculant les plus honnorables au bas bout, n'ofFence-il pas ceux ci et ceux la tout ensemble ? ceux ci parce qu'il les déprime contre la rayson, ceux la parce qu'il les fait paroistre sotz. Ainsy, faire une action pour un seul motif raysonnable, pour petit qu'il soit, la rayson n'en est point offencee : mais qui veut avoir plusieurs motifs, il les doit ranger selon leurs qualités ; autrement il commet péché, car le desordre est un péché, comme le péché est un desordre. Qui veut plaire a Dieu et a Nostre Dame fait très bien ; mais qui voudroit plaire a Nostre Dame également ou plus qu'a Dieu, il commettroit un desreglement insupportable, et on luy pourroit dire ce qui fut dit a Caïn : Si vous aves bien offert, mais aves mal partagé, cesses, vous aves péché '^. Il faut donner *Gen.,iv, 7; juxta a chasque fin le rang qui luy convient, et, par conse- p " ^' quent, le souverain a celle de plaire a Dieu.

Or le souverain motif de nos actions, qui est celuy du céleste amour, a cette souveraine propriété, qu'estant plus pur il rend l'action qui en provient plus pure : si que les Anges et Saintz de Paradis n'ayment chose aucune pour autre fin quelcomque que pour celle de l'amour de la divine Bonté et par le motif de luy vouloir plaire ; ilz s^entr'ayment voirement tous très ardemment, ilz nous ayment aussi, ilz ayment les vertus, mais tout cela pour plaire a Dieu seulement. Hz suivent et prattiquent les vertus, non entant qu'elles sont belles et aymables, mais entant qu'elles sont aggreables a Dieu ; ilz ayment leur félicité, non entant qu'elle est a eux, mais entant qu'elle plait a Dieu ; ouy mesme ilz a3'nient l'amour duquel ilz ayment Dieu, non parce qu'il

288 Traitté de l'Amour de Dieu

est en eux, mais parce qu'il tend a Dieu; non parce qu'il leur est doux, mais parce qu'il plait a Dieu ; non parce qu'ilz l'ont et le possèdent, mais parce que Dieu le leur donne et qu'il y prend son bon playsir.