I. Emplettes

d'Eutrapel. 301

Des Pages et un Capitaine.

n Gentil homme de ce pays ayant longuement suyvy les guerres sous ce vaillant homme, tant renommé, le Capitaine Bayard, fit pendant une trêve, un voiage par deçà pour visiter sa maison, parens, et amis. Estant aonc sur les marches ' du Maine, prest d'entrer en Bretagne, entendant que le Seigneur comte de la Val* qui mourut à la Graveue Tan mil cinq cens trente deux, estoit en sa ville de Vitré, ne voulut perdre l'occasion de le saluer, et faire la révérence, conter des nouvelles de la guerre, et par conséquence se faire cognoistre à luy. Estant descendu à son hostelerie, accoustré comme estoit sa coustume, tout de bigarrures, et hors la façon commune s'achemina vers le Chasteau, en la cour et entrée duquel il trouva plusieurs jeunes. hommes, tant pages qu'autres, folastrant et empeschez à plusieurs offices et devoirs, tels qu'on peut estimer en telles scientifiques et devotes personnes. Et parce qu'ils virent ce nouveau incogneu, accoustré à la nouvelle mode, une longue queue de renard entortillée à son chapeau fait à l'Albanesque, pensèrent bien avoir trouvé leur homme, la fève au gasteau, et quelque casanier mal nourry. Luy cognoissant et