Eprouver

Du Fail II 2 1

322 Contes et Discours

furent les arbres du Paradis terrestre, au fruict desquels gisoit la science de bien ou mal : et partant estoit à Adam, le premier homme, acquise vie et béatitude éternelle en gardant les fruicts sacrez, qui luy avoient esté baillez pour le confirmer en obéissance, et qu'il n'entreprist rien par dessus le commandement à luy fait. Contrevenant à quoy, et abusant des signes extérieurs, qui estoit d'iceluy fruict manger, comme il fist par la consultation ' du Diable^ luy estoit dénoncé mort et condamnation éternelle et à jamais, où il encourut et tombe misérablement ensemble sa postérité : Dieu en cela, faisant et prononçant telle sentence, distribuoit justice telle qu'il avoit dit : et d'autre costé promettant envoyer son Messie Jésus Christ pour satisfaire à sa justice faisoit grâce et miséricorde, pour la rédemption future, et remission des péchez, contre ceste horrible condamnation et jugement. Voila comme tout d'un coup sont issus lajustice du souverain, et soudain un pardon miséricordieux. Car incontinent il veut que Sathan, par le conseil duquel sa créature tant airaee avoit forfait auroit la teste brisée par la semence de la femme, vray intersigne et signification de Jésus Christ à venir : la foy et espérance duquel il faut appréhender nuëment et simplement, sans nous entortiller en tant de faux et trompeux discours, forgez en nostre cerveau, ja prévenu et occupé par la malice du Diable qui essaye à toute heure nous retirer hors le troupeau et Eglise de Dieu : Nous faisant en longues et curieuses demandes, pour-