I. Labouré, de charrue. — 2. R^serré

364 Contes et Discours

pitaine, nommé Quintus Cincinnatus, qui labouroit sa terre aux environs du Tybre, lequel ils créèrent leur Dictateur (dignité Royale) et deffit Tennemy, triompha, et après se retira à sa vie champestre : et derechef, vingt ans après, estant encore à sa charrue, lui fut répété cest honneur de Dictature. Le bon homme n'avoit en tout héritage que 4. arpens de terre, qui est un peu plus de cinq journaux. Exiguum colito, disoit Ovide, Laboure et tien en ta main bien peu de terre : le surplus, qu'on ne peut malaisément accoustrer, dresser, et fumer, se doit bailler à ferme ou arrenter'. Attilius Collatinus fut de mesme pris, et enlevé de la charrue, pour estre aussi leur Dictateur, estant modéré, sobre, continent, et grandement sage, et réservé en toutes ses actions, qu'il avoit appris au village, où il aimoit mieux estre le premier que second à Rome. De mesme en fit ce grand Scipion l'Africain, lequel, pour vivre en son contentement et repos, se tenoit ordinairement aux champs. Ainsi l'Empereur Diocletian, ja assez vieil et aagé, ayant quitté l'Empire se retira comme Gentil homme privé, en la ville de Solonne 2, où estant solicité par ses amis de reprendre le sceptre : Si vous aviez veu, leur respondit il, les laictues et autres herbes, que moy mesme ay semées, vous ne me parleriez de vostre vie de rentrer en telle et si pesante charge. Semblablement un grand Seigneur, appelle Similis, grand amy et compagnon de l'Empereur Adrian, ordonna par testament,