La moue, mauvais visage

d'Eutrapel. 297

voisin, qui lui desroboit parfois quelque peu de bois pour soy chauffer, quelques pommes, et peut estre des poires, qu'il le mettroit en procès criminel : ce qui fut fait, tesmoins pour cet effect administrez, et si fut escrit et raporté par le greffier, Ha ! gens de bien, je ne vous puis voir, mon chappeau est percé : que l'accusé confessoit tout, en avoit bien fait d'autres, qu'il avoit aussi desrobé des prunes, et tellement exploité, que pour gratifier ' la Damoiselle, ce pauvre paisant fut pendu : et pour le reconfronter, le Prestre de la maison luy disoit, estant ja en l'eschelle, Mon amy, ce t'est un grand honneur d'estre le premier pendu à ceste belle Justice toute neufve, joint le grand plaisir que tu donneras à ma Damoiselle, qui autrement seroit en grand danger de perdre son enfant : y a plus, car on chantera pour toy à gorge déployée, et une bonne mine 2 de bled pour ta femme et enfans. A ceste charge fit le pauvret le saut périlleux, où il demeura accroché au lacs courant. Mais depuis quelque voisin s'estant esveillé, en advertit la Cour souveraine, qui renversa tel inique jugement, et fut le Gentil homme, outre la privation de sa hauteJustice, condamné en grosses amendes 3. Ne tarda pas long temps, qu'un autre Juge, pour avoir fait exécuter de mort un Italien, accusé d'homicide, qui au lieu de dire, j'en appelle, avoit dit, ad vires Apostolicas, fut condamné en autres grosses amendes,