Restitution d'après l'édition de

2. Ici comme dans admiration nous rétablissons le à qui existe dans l'édition de 1549.

ET FACECIEUX. 29

l'excellence ou de vos terroirs, ou besongnes, comme de vos faulx, faucilles, coingnées, et telz oustilz, ou préférez les uns aux autres, gardez ce entre autres choses, et qu'en louant les vostres, les leurs ne soient déprimez, pource qu'il fault tout trouver bon, à raison que (comme l'on dit) à chacun oyseau son nid est beau; aussi que par la langue on voit plusieurs, beaucoup de maux et divers, encourir : ce que (ce m'aist Dieu) je voy n'avoir lieu en vous, n'autres imperfections, dequoy ordinairement sont tachez jeunes gens. Je oubliois à vous dire que es choses où n'y a remède, et moins de conseil, ne fissiez grand estât, ny en prendre grand courroux, comme des adversités et maladies, qui le plus souvent viennent à vos Bœufs, Vaches, Brebis, Poules, et Porcs, qui toutesfois, neantmoins les bons pansements (a) meurent : car en bonne ou mauvaise fortune, il fault avoir un mesme visage, et constance accoustumee. De ma part, la plus grande occasion, et plus évident argument que puisse dire pourquoy mes ans ont esté si longuement prolongez (cela je dy sans vanterie) c'est, et ne sçay autre raison, que telle adversité qui me soit survenue au jour, jamais ne s'est couchée avec moy. Si ainsi le faites, vous vivrez heureux, fortunez, en honn'este tranquilité, et n'aurez compagnons en félicité. Car demandez, ou souhaitez vous plus salutaire, ou plus libérale vie que la nostreP moyennant que nous gardions de aspirer à plus (b) haultx estatz, veu mesmement que si

a. Var. : Traitemens. — b. Var. : Trop.

50 Propos rustiques

sommes diligens ù labourer les terres à nous laissées par noz bons pères, sera beaucoup, ne taschans par grands héritages à les amplifier. Et avoient cela en une très grande révérence nos anciens, qu'il n'estoit loysible de occuper plus de terre que ce qu'on leur avoit limité; ayans beaucoup d'observances, qui aujourd'hui ne sont, comme : Celui estre mauvais laboureur, qui achetoit ce que son champ lui pouvoit produire; mauvais le père de famille, qui faisoit ce le jour, que la nuict eust peu faire, sinon (dea) qu'il eust esté empesché par l'intempérance de l'air : plus mauvais estimoient celuy qui plus tost besongnoit à la maison que aux champs, comme desdaignant la coustume. Et m'est advis avoir ouy dire d'un antique Laboureur, accusé de ses voysins, disans, qu'il avoit empoisonné leurs bleds, parce que le sien estoit demeuré garanty, et les leurs gastez et sans fruit, lequel preud'homme, sçachant à tord tel crime lui estre imposé, amena en plein jugement sa fille, de force inestimable, ses Bœufs graz et refaitz, son soc rondement acéré , son coultre tresbien apointé, disant que c'estoit sa poison et mauvais art de ainsi bien accoustrer les bleds1. Or maintenant jugez si tel moyen n'estoit favorable pour bien tost gaigner son procès. Mais, pour revenir, n'estimez-vous en rien cela, qu'au matin, frotans vostre couille, gratans vostre dos, estendans vos nerveux et muscleux bras (après avoir ouy vostre horologe, qui est vostre

i . Cette historiette qui se trouve dans le Selectœ e profanis est tirée de Pline, XVIII, 6.

ET FACECIEUX. 3 I

Coq, plus seure que celles des villes) vous levez sans plaindre l'estomac, ou la teste, comme feroit je ne sçay qui, yvre de soir? et n'est subjet vostre fust à la guivre, sinon quand il vous plaist. Puis lians vos Bœufs au joug, qui (tant sont duitz ') eux mesmes se présentent, allez au champ, chantans à pleine gorge, exerçans le sain estomac sans craindre esveiller ou Monsieur, ou ma Dame. Et là avez le passetemps de mille oyseaux, les uns desgorgeans 2 sur la haye, autres suyvans vostre charrue (vous monstrans signe de familière privauté) pour se paistre des vers sortans {a) de la terre renversée. Autres qui là et çà volans, descouvrent le Renard, dont le plus souvent, avec la corde de fil d'archail ? tendue, avez la peau, vous monstrent d'aucuns signes futurs, avec autres pronostiqz, que avez de nature, et par commune coustume aprins, comme le Héron triste, sur le bord de l'eaue, et ne se mouvant, signifie l'hyver prochain; l'Arondelle volant près de l'eaue, prédit la pluye, et volant en l'air, beau temps.

a. Var. : Qui yssent.