Joueurs de boules

ET FACECIEUX. 9I

puis qu'ilzavoient beaucoup proufité aller chanter de Noël au bas Champ, [à Hurigny,] à Tremerel, à Telle, à Huchepoche, et autres villages, et qu'ilz avoient amassé force Pommes, Poires, Noix, et quelques unzains l, et beu de mesmes, qu'il ne falloit pour ce se contenter, et quitter la partie, ains le premier jour de l'an (comme est l'ancienne coustume) aller à Haguillenneuf , poursuyvans leur fortune, qui au commencement leur avoit esté prospère, et que la fin, ce leur sembloit, n'en sauroit estre malheureuse. Au moyen dequoy (pour estre bref) au jour dit, bien resoluz et délibérés daller à Haguillenneuf, s'equiperent honnestement de bons bastons de Pommier, Fourches, Vouges et quelques vieilles espees rouillees, avec une forte Arbaleste de passe, qui estoit au premier front pour servir de demander : Qui est là? qui bruit? qui vous meine?tue, tue, chargeons, donnons, et autres semblables mots et demandes de nuit. Mais à fin que ne sois trouvé menteur, Baudet le faiseur de fuseaux estoit devant tous avec un tabourin de Suisses, qu'ilz avoient emprunté de la Seguiniere. Et estoit maistre Pierre Baguette, celui qui faisoit tout le tu auîem ; et sonnoit du fifre, ainsi qu'il disoit, ayant sa rapière souz le bras, en faisant du bon compagnon, disant qu'il ne la portoit pour faire mal, mais pour piquer les Limax. Lubin Garot (celui que je veisse onc qui le mieux prenoit Grenoilles) portoit une grande et large poche, pour mettre les andoilles et autres esmolumens delà queste; je croy qu'il portoit