Claquant ou grinçant

ET FACECIEUX. 99

ceux qui au paravant estoient les plus vaillants et les plus hardis, comme maistre Pierre, furent les premiers qui tombèrent en la fosse susmentionnée, où de fortune l'eaue estoit petite, car autrement ilz estoient perdus, et n'en eschappa aucun qui ne feist l'amende honnorable et qui n'en eust tout son saoul [à). Ce [temps] pendant Mistoudin et Brelin, rians assez bas, amassèrent leurs bribes et s'en allèrent à leurs hostels, vengés et riches de la queste des adversaires. Les povres Haguillenneufs, pensans d'assurance estre morts, furent trois ou quatre heures les uns sur les autres sans oser bouger. Toutesfois sur le poinct du jour, un peu asseurés, commencèrent à sortir, premier neantmoins mettant le bout du nés, regardans s'ilz verroient rien, puis peu à peu deçà et delà examinoient les chemins. Et me souvient voir un fugitif, qui estant caché et cherché par une douzaine de Sergens, et lors qu'ils s'en sont allez, on lui vient dire : Monsieur, les clients s'en vont; toutesfois, non asseuré de la peur conçue, n'ose monstrer du premier coup que la teste, regardant encores s'il y a point de finesse. De cette cassade [b] en fut faite une chanson à sept parties, qu'on chantoit bien mélodieusement auprès du feu, à la grande confusion des Vindellois, lesquelz le dimenche ensuyvant firent un Monitoire de ceux ou celles qui auroient point prins certaines poches et autres tels bagages. Et d'une mesme raison et pareil interest en fist un autre Mistoudin de ceux qui l'avoient battu. De tout

a. Var. : Faix.

b. Var. : Ruse.

ioo Propos rustiques

quoy leur en fut baillé acte, et sur ce, plaidoierent longuement, et est encore par défaut de suyte le procès indécis et au croc, qui (ainsi que je pense) sera vuydé aux grands jours futurs (a). Et est ce que je voulois dire touchant les quereles des Vindellois : si vous en savez davantage, dites, car je n'en sçay autre. Sur mon Dieu (dist lors Pasquier) voylà bonne petite vengeance et de bon esprit. Ha! j'ose bien dire que ceux de Flameaux et Vindellois (b) ne seront jamais amys, car tousjours s'entrefont quelque fredaine, et y a toujours quelque procès entre eux. Voyezvous pas encores aujourd'hui Guillot le Bridé et Philipot l'Enfumé à grand débat? je les escoutois avant hier, mais c'est un grand triomphe (c). Je vous prie (dist Lubin) que vous contiez tout du long, car ce sont deux bonnes testes. Par mon serment (dist Pasquier) vous n'en serez pas refusé, compère. Vous avez bien congnu le père de Philipot? C'est mon (dist Lubin) un homme bien notable et bon preudhomme. Par mafoy (respond Pasquier) il avoit un autre filz1. Cela n'est point à propos, venez au point (dist Lubin) auquel respondit Pasquier qu'il en estoit content et qu'il avoit grand haste. Hoo (feit Lubin) j'en sauray plus pour rien d'avec Philipot, que vous ne feriez pour un liard. Escoutez

a. Var. : Aux grands jours de Rion.

b. Var. : Vindelks.

c. Var. : Mais est un triumphe.

i. L'éd. de 1549 ajoute : frère de Philippot, aagê de quatraingts ans ou plus et lorsqu'il le veit mort, sans en faire aucun semblant dist : Je disois toujours bien que ce garçon ne vivrait ja.

ET FACECIEUX. 101

donc (a) (dist Pasquier) et me pardonnez, car il falloit dire ce petit mot. Ha, vous ne mengerez jamais rien froid, [car] vous estes trop hastif.

Quereles entre Guillot le Bridé et Philipot l'Enfumé.

Du village de Vindelles fut eslu pour francarcher Guillot le Bridé, tant pour sa hardiesse, mesmes au plat, que pour la grandeur de corps : car beau Mastin estoit, s'il eut voulu mordre et courir après le loup, et croy aussi qu'il estoit gentilhomme, à cause d'un pré que son père vendit, et portoit en ses armes une escullée ' de choux, billettée 2 de lard. Ce vénérable et discret Guillot, un jour estant à sa garnison (pource que les Canarriens faisoient mine de descendre) et là ne feit pas grands armes, et ne servit que de nombre, s'advisa que si le decours passoit, que sa porree tarderoit beaucoup à planter, en quoy seroit trop lourdement intéressé : et pour obvier à tous et chacuns les inconveniens qui en eussent peu venir, sans prendre congé de son Capitaine, alla faire sa besongne, et payer quelques arrérages qu'il devoit à sa femme, ou pour rien ne se vouloit laisser

a. Var. : Or, escoutez.

i. Écuellée.

2. Avec un carré de lard. La billette est une pièce d'armoirie en forme de petit carré long.

102 Propos rustiques

encourir : car il les eust payés à double usure et interest, s'il n'eust voulu estre battu. Après qu'il eust achevé son fait (qu'il entendoit, disoit il, comme un autre) retourna à sa garnison, ses souliers bien mignonnement pendans à la ceinture, à laquelle estoit aussi sa rapière '. Et arrivé conta si bien les raisons de son absence à son Capitaine Tireavant, et de si bonne grâce (car gracieux fut l'homme de bien) qu'il fut clamé quitte et dit absouz. Or, voicy le point de la querelle. Philipot l'Enfumé, aussi francarcher de Hameaux, voyant que Guillot estoit quitte, et qu'il n'avoit point payé d'amende, s'appliqua fort et ferme du contraire : et en colère, disant en son clein 2, que d'une mesme raison, et pareil fondement s'en iroit achever la plateforme de son four, ou tailler sa vigne, attendu qu'autant estoit privilégié que luy, et en rien ne se sentoit inférieur à luy : car autant bien que luy et mieux s'estoit gouverné, le tout avantageusement, et selon l'assise au costé Geoffroy, concluant comme dessus : et que s'il avoit tort vouloit payer quelque bonne chose à l'esgard de toute la compagnie, de tout quoy demandoit respons, sauf à passer du parsus 3. Guillot ne dist mot, sinon que bien, et destacha une de ses esguillettes, et en bailla un bout à Philipot, luy disant : Tu m'entens bien ? Ouy dea (respondit Philipot) et t'asseure que je ne te crains. Voicy un point de difficulté, que je ne veux laisser en doute.

i. Intercaler : Le chapeau bien et au busq ( 1 5 49). 2. En sa plainte. Clain (du Cange, clameum) demande juridique pour réclamer quelque chose.

}. Par dessus, se passer de permission.

ET FACECIEUX. I 03

Couper l'esguillette (ainsi que disent les maistres) est une manière de défi, ou bien d'un charte!, qu'ilz faisoient anciennement, coupans une esguillette par la belle moitié, et tandis qu'ilz estoient sans la renouer (comme un signe et renouvellement de colère) ilz se combattoient, la part où ilz se trouvoient, sans dire, qui a perdu, ou qui a gaigné. Et n'estoit loysible la couper que pour justes, grandes, et favorables causes, comme de n'avoir payé son escot, ains sans dire mot à l'Hoste s'en estre fuy, faisant semblant de s'en aller (a) pisser ; n'avoir plegé ' aucun quand il avoit beu à lui ; avoir joué de faulse compagnie2, comme dire: Attendez moy icy, jereviendray tantost, pour le seur, et n'y aura point de faute; avoir tiré la langue sur aucun, puis luy venir rire en la bouche; avoir disné sans son compagnon, que premier n'eust esté appelé trois fois sou z la table; avoir entré en une taverne, sans avoir baisé la chambrière, qui estoit vilainement fait, et n'y avoit propos autrement; avoir parlé du vieux jeu, incarnation ou ancien mestier, devant l'Hostesse, qu'elle ne l'eust entendu, ou eu quelque distribution après disner. Pour toutes lesquelles causes se trouva ceste coustume, qu'on appelloit vulgairement et notoirement incision, division, coupement, ou coupation d'esguillette. Revenuz quelque temps après de leur garnison (pour retourner à nos moutons) se portèrent tousjours mauvais visage, mesmes

a. Var. : D'aller.