Cota, cabane

io6 Propos rustiques

d'acier. J'ai souventesfois (dist Anselme) oui parler de ce Perrot comme d'un grant allant, et qui (à propos) entretenoit fort ces gentilshommes, avec lesquels se trouvoit fort bien; mesmes à quelques banquets qui se fussent faits (s'il en eust senti la fumée) n'eust eu garde d'en perdre sa part : que si vous trouvez bon que je die ce que luy ay vu faire autresfois, je mettray peine ' m'y acquitter. Alors tout le monde le pria, et qu'il ne falloit ainsi demander congé d'une chose qu'il pouvoit sans commandement.

De Perrot Claquedent.

Grand mercy (dist Anselme) il n'y a celuy qui ne congnoisse que Perrot fut un bon vilain, tendre du pourpoint et du cerveau, qui voluntiers ne se soucioit qui payast, mais qu'il beust. Mais il avoit un mal en lui (comme nous sommes tous imparfaits) que combien qu'il fust de grand conseil aux affaires estrangeres, aux siennes il estoit aveuglé, abesti, et de nul esprit, pource que (me semble) il est bien facile d'enseigner, combien que le remonstreur ne sauroit faire. De Perrot, il regnoit en son quartier comme un petit demy dieu et vray coq de paroisse. Regnoit, dis je, à cause de sa grande diligence aux affaires d'autruy; par ce moyen, tout le monde accouroit à luy pour sa preu-

i. Je m'efforcerai.

ET FACECIEUX. I 07

dhommie et savoir; car, pour mourir (qui est grand cas) un procès ne se fust intenté, que premier il n'y eust mis la main, assis son jugement seur, et (avec ses lunettes apposées au nez, haussant un peu sa vue) enfoncé les matières ; et pour recompense avoit la nouveauté de tous les fruits du pais, ou Oysons, Poulets, il ne luy challoit; car indifféremment, et sans grand esgard, il prenoit tout, neantmoins qu'il refusoit un peu, disant ('mode des advocats) qu'il estoit assez contenté du bon vouloir; mais puisqu'on estoit tant importun, il n'y avoit remède. Il avoit aussi cela de bon, que quelque banquet qui se feist, il s'y trouvoit, encores sans y estre invité, et commençoit à rire et saluer la compagnie dès l'entrée de la maison, disant : Dieu soit céans et les Moynes chez le Diable ! Voylà belle compagnie; Dieu doint qu'à cent ans d'icy nous nous puissions tous estrangler. Et après qu'il avoit devestu sa robe, et mise sur un coffre, se mettoit à la table, où, quelque rebrassé qui y fut, nul n'estoit (a) mieux adroit que lui, et qui mieux tinst son ordre, tousjours en contant quelque fable, quelque cas de nouveau, quelques nouvelles fresches, qu'il inventoit surle champ, ou bien de quelque procès, que promptement intentoit, et tellement par divers incidens le continuoit, qu'il en venoit à son honneur. Puis disoit : Donnez moy de cecy, prestez moy ce couteau, donnez moy du vin pour boire, n'ostez point cela, servez sans desservir. Dieu pardoint ' à un tel ; car voylà le

a. Var. : Nul estoit.