DOUBLE BALLADE

SUR LE MESME PROPOS Pour ce, aimez tant que vouldrez, 625

Suyvez assemblées et Restes, En la fin ja mieulx n'en vauldrez Et si n'y romprez que vos testes:

Folles amours font les gens testes:

Salmon en ydolatria; 630

Samson en perdit ses lunetes.

Bien est eureux qui riens n'y at

Orpheûs, le doux menestrier.

Jouant de fleustes et musetes,

En fut en danger du murtrier 635

Chien Cerberus à quatre testes;

Et Narcisus, le bel honnestes,

En ung parfont puis se noya,

Pour l'amour de ses amouretes.

Bien est eureux qui riens n'y a! 640