DOUBLE BALLADE

SUR LE MESME PROPOS Combien que j'ay leu en ung dit:

Inimicum putes, y a.

Qui te presentem laudabit, Toutesfois, non obstant cela 295

Cncques vray homme ne cela En son courage aucun grant bien, Qui ne le montrast ça et la :

On doit dire du bien le bien.

Saint Jehan Baptiste ainsy le fist, 3C0

Quand l'Aignel de Dieu descela.

En ce faisant pas ne mesfist.

Dont sa voix es tourbes vola;

De quoy saint Andry Dieu loua.

Qui de luy cy ne sçavoit rien, 305

Et au Fils de Dieu s'aloua :

On doit dire du bien le bien.

Envolée de Jhesuschrist,

Rappeliez sa jus. par deçà.

Les povres que Rigueur proscript 310

Et que Fortune betourna.

Cy sçay bien comment y m'en va!

De Dieu, de vous, vie je tien.

Benoist celle qui vous porta!

On doit dire du bien le bien. 315

1 10 Villon.

Cy, devant Dieu, fais congnoissance,

Que créature feusse morte,

Ne feust vostre doulce naissance,

En charité puissant et forte.

Qui ressuscite et reconforte 320

Ce que Mort avoit prins pour sien.

Vostre présence me conforte:

On doit dire du bien le bien.

Cy vous rens toute obéyssance,

Ad ce faire raison m'exorte, 325

De toute ma povre puissance;

Plus n'est deul qui me desconforte,

N'aultre ennuy de quelconque sorte.

Vostre je suis et non plus mien;

Ad ce, droit et devoir m'enhorte: 330

On doit dire du bien le bien.

O grâce et pitié très immense.

L'entrée de paix et la porte,

Some de bénigne clémence.

Qui noz faultes toult et supporte, 335

Sy de vous louer me déporte.

Ingrat suis, et je le maintien,

Dont en ce refrain me transporte:

On doit dire du bien le bien.

Princesse, ce loz je vous porte, 340

Que sans vous je ne feusse rien.

A vous et à tous m'en rapporte.

On doit dire du bien le bien.

. 342. L. a vous et a vous. G. P. corr.

Poésies diverses. 111