LA REQUESTE

Que Villon bailla à Monseigneur de Bourbon.

Le mien seigneur et prince redoubté,

Fleuron de Lys, royalle geniture, 345

Françoys Villon, que Travail a dompté

A coups orbes, par force de bature,

Vous supplie, par ceste humble escripture,

Que lui faciez quelque gracieux prest.

De s'obliger en toutes cours est prest: 350

Si ne doubtez que bien ne vous contente.

Sans y avoir dommaige n'interest,

Vous n'y perdrez seulement que l'attente.

A prince n'a ung denier emprunté,

Fors à vous seul, vostre humble créature. 355

De six escus que luy avez preste,

Cela pieça il meist en nourriture.

Tout se paiera ensemble, c'est droiture,

Mais ce sera legierement et prest:

Car, si du gland rencontre en la forest 360

D'entour Patay, et chastaignes ont vente,

Paie serez sans delay ny arrest:

Vous n'y perdrez seulement que l'attente.

Si je peusse vendre de ma santé

A ung Lombart, usurier par nature, 365

Faulte d'argent m'a si fort enchanté

Qu'en prendroie, ce cuide, l'adventure.

Argent ne pend à gippon n'a sainture;

Beau sire EDieuxI je m'esbaiz que c'est,

Que devant moy croix ne se comparoist, 370

Si non de bois ou pierre, que ne mente;

Mais s'une fois la vroye m'apparoist,

Vous n'y perdrez seulement que l'attente.

V. 367. L. que j'en prendrois. G. P. qu'en prendroie. — v. 368. G. P. pendz.

1 12 Villon.

ENVOI Prince du Lys, qui à tout bien complaist, Que cuidez vous comment il me desplaist, 375 Quand je ne puis venir à mon entente?

Bien entendez; aidez moy, s'il vous plaist: Vous n'y perdrez seulement que l'attente.

SUSCRIPTION DE LADICTE REQUESTE Allez, lettres, faictes ung sault.

Combien que n'ayez pié ne langue, 380

Remonstrez, en vostre harangue, Que faulte d'argent si m'assault.