SUPPLÉMENT

AU

RECUEIL DESŒUVRES

POUR MAROT, ABSENT, Contre Sagon,

Velà de quoy (>) ma Muse est anymée : C'est qu'une plume orde et envenimée, Plume d'arpye ou de quelque chouette, Vole et poursuyt du souverain poète Maro, Françoys, le renom invincible.

Velà de quoy! Mais est il bien possible Que Sagon ait ung si lasche et vain cueur Que par mesdire il vueille estre vainqueur Du grand poète après lequel il chasse?

O le beau loz qu'il désire et pourchasse Par ses bons dieux et par l'infernal Styx! Nommer se veult second Maromastrix, Ce sagouin , puisque Marot , facond , A eu l'honneur d'estre Maro second.

Mais quoy ! l'effort des hayneux périra, Et des Maroz les œuvres on lira.

De qui eut il, l'impudent sacrilège, Faveur, créance, adveu ou privilège.

Pour oser rendre ainsi toute troublée De Parnassus la divine assemblée?

I. La méchante satire par laquelle Sagon commença le procès de Marot absent, c'est-à-dire fuyant la corde et le ijûcher, est intitulée : Le coup d'essay, et a pour épigraphe ces paroles : « Velà de quoy! » Le caustique Bonaventure les lui renvoie avec beaucoup d'esprit.

Des Periers- — I. 12

178 B. Des Péri e rs.

0 roy Françoys, qui au mylieu résides Du mont sacré, et aux Muses présides Comme ung Phebus, la lumière et l'honneur De nostre siècle, et le noble enseigneur De poésie en ta françoise langue ; Dont nymphes font maint canticque et harengue . Et mesmenient ta seconde lumière, Unique sœur, des Muses la première!) Si que de toy, ô noble roy Françoys!

Nommé sera le langage françoys.

Voire le peuple en immortel renom, Veu que tu es le premier de ce nom.

0 roy Françoys, qui as tant enrichy l.e tien parler, et si bien affranchy, Que, tout ainsi que le latin langage Retient le nom (comme pour dot et gage) Du roy latin, aussi, en vérité, Il sera dict par la postérité.

Lisant ung jour en ses vieilles chroniques Tes faictz presens, qui luy seront antiques, Que les Françoys de Françoys leur nom prindrent. Et osera affermer qu'ilz en vindrent.

Ainsi, ton loz jamais ne cessera Tant que françoys ton peuple dict sera.

0 roy Françoys, dont le nom anobly Ne pourra point estre mis en oubly, Ains durera par sa propriété, Ou lieu que ceulx des roys qui ont esté Pourront périr (ainsi comme j'entends) Avecques ceulx des Faunes du viculx temps!

0 roy Françoys! tes tant dignes aurcilles Ont donc ouy injures non pareilles Par ce Sagon expressément vomycs Pour offenser les Muses tes amyes!

Jusques à toy vint le flair du poison Que ce sot là respandit à foison

Œuvres diverses. 179

En la clère eau de la belle fontaine,

Et ce, devant ta Majesté haultaine;

Mais ta clémence et naifve bonté

Ont du maling vaincu la volunté,

Car d'ung tel faict tu ne tins pas grand compte ,

Veu qu'il causoit à l'aucteur plus de honte

Que ûe dommage à la sourse tant pure

Qu'elle ne peult jamais par quelque ordure,

Par nul fient ou fiel qui soit au monde,

Estre rendue aucunement immunde.

Assez appert de quelle affection Sagon vomist si grande infection :

Luy qui ne quiert fors son nom advancer, Par ung tel acte a voulu commancer Que feict celuy qui gloire se donna D'avoir bruslé le temple à Diana, Lequel povoit porter en sa bannière, Comme je croy, la devise dernière Que cestuy met à la fin de son œuvre Qui d'iceluy l'entreprise descœuvre.

C'est : « Aliqaid ne nihil »; quelque chose De mal , plustost que le fol se repose.

Nobles espritz, amateurs de sçavoir, Qu'il vous ennuyé et vous est grief de veoir Vostre Maro indignement traicté, D'ung coup d'essay trop venimeux traicté, Faict par Sagon en sa fain saguntine.

Non pas de pain, mais bien de gloire indigne. Ce bestion , qui ainsi mord et picque, A donc osé prendre débat et picque Contre Marot, le poète parfaict.

Qui ne luy a ne peult avoir meffaict.

Qu'attendez vous, ô poètes françoys, Ses bons amys? Pensez-vous que je soys Expert assez, ou si seur de mon roolle, Pour à Phebus porter quelque parolle

j8o B. Des Periers.

De son Maro, que tout seul me laissez Parler pour luy, et ne vous advancez A excuser d'iceluy la querelle?

Dont (s'il te plaist), Sire, absoulz le : car elle N'est pas du tout si griefve ne damnable Comme la faict cestuy desraisonnable Accusateur et détracteur pervers, Qui luy a dict tous les maulx par ses vers Dont pour ung coup il s'est peu adviser, Quana rien meilleur n'avoit pour deviser Son mal penser, mettant loing sa pensée Pour satisfaire à l'envye insensée Que de longtemps il a peu ailaicter, Voyant Marot à. bon tiltre porter Le mesme nom du poète romain (Comme de Dieu, non pas par sort humain), Veu qu'en françoys a la veine autant digne Que Maro l'eut en sa langue latine.

Roy plus qu'humain, si j'ose en ta présence Seul excuser Marot en son absence, Pardonne moy : beaucoup myeulx le feroient Plusieurs des tiens, lesquelz triompheroient En ceste cause avec leur éloquence; Mais tu en sçais toute la conséquence.

Dont, Sire, affm que nous n'importunions Ta Majesté, et que point n'impugnions De ton vouloir les bornes et limites.

Tant seullcment nous te prions qu'imites Nostre bon Dieu et toy mesmes aussi En cest endroit, faisant grâce et mercy A ton Maro, s'il n'a en rien mespris Dont il deust estre ou puny ou repris.

Pardonne aussi à Sagon, qui l'accuse Trop follement, et à moy, qui excuse (Comme je puis) le povre fortuné, Si luy et moy t'avons importuné

Œuvres diverses. i8i

Par nos escriptz, alors que tu veulx prendre

Ton passetemps à ouyr et entendre

Combien ton peuple a de joye et lyesse

Oùyant compter avec quel' hardiesse

Ton ennemy en bataille attendis ,

Qui s'enfuyoit comme vaincu tandis

Que tu estois prest à le recevoir;

Pour lequel acte ung roy t'est venu veoir,

Estant joyeux de ta bonne fortune ,

Et a passé les Tritons et Neptune,

En espérant avoir ton alliance

Et estre faict premier gendre de France.

Or fault il bien que le siècle advenir Ayt de cecy (au moins) le souvenir; Mais qui sera chroniqueur suffisant, Tant élégant, tant docte et bien disant, Pour tous tes faicts luy laisser par escript ?

Julles César tout son cas a escript, Et de César les vaillances suprêmes Nul n'eust pas mieulx escript que César mesmes. Ce qui advint à César faire ou dire, Nulj fors César, ne l'eust sceu myeulx descripre. Ainsi, François, si ta françoyse langue, Laquelle encor premièrement harengue Par ton moyen et suit les bonnes lettres, Povoit avoir de toy, en prose ou mètres. Tes dictz et faictz, qu'elle seroit heureuse I Qu'elle seroit féconde et plantureuse!

Il n'y auroit langue mieulx embellie.

Ne qui fust plus quelque foys anoblie.

Que ceste cy qui fut de toy nommée Longtemps avant que l'ayez consommée.

Tu aurois faict avec couleur nayfve Du tien esprit une paincture vifve.

Et (quoy que feist le temps et son envye) Par tes escriptz serois tousjours en vie,

i82 B. Des Periers.

Dont serois veu de la postérité,

Qui te rendroit ton loz bien mérité.

Tu parlerois, elle t'escouteroit;

Tu regnerois, elle t'honnoreroit.

Comme feras, ainsi qu'elle l'espère;

Ce temps pendant Dieu te tienne prospère (')!

Cantiqjje de Moyse.

Escbutez, cieuix, et prestez audience A tous les motz lesquelz je parleray, Et au propos que de bouche diray La terre aussi oye et face silence.

Comparer puis à pluye ma doctrine Et mon parler à rousée coulant , Comme pluye est sur l'herbe distillant, Ou tout ainsi que sur verdure fine.

J'invoqueray du Seigneur le nom digne.

Loz et honneur à nostre Dieu donnez, Le roch duquel œuvres sont ordonnez :

Ses voyes sont jugement sans rapine.

Sans faulseté Dieu seul est véritable , Bon , juste et droict : en maul.x se sont pollutz. Ceux qui ne sont de ses enfans esleuz. Genre pervers, race trop détestable.

I . Cette pièce est suivie de celle-ci dans les différents re cueils :

Ejusdem Bonaventura de codent hcpigramma. Forte saguntinus , juvenis tibi , Poebe, phareiram

Abstulerat , citharam siibripuisse ratus, Inque tuum gallum depronipsit mille Maronem

Spicula , sed nullo .saucius ille fuit , At dum rcstituil pharotrani , crimenque faietur,

Ne tibi subripi:it plcctra sonora cave.

Nec tu illuni pugilis posthac digneris honore,

Qui vatem voluit sic lacerare tuum.

Œuvres diverses. i

O peuple fol, mausaige, quiers tu estre Vers ton Seigneur pour ce recompenseur ? Mais n'est-il pas ton père et possesseur? T'ha il pas faict et formé de sa dextre ?

Du temps jadis les ans passez remire, Et quand par toy interrogué sera, Ton père en bref la te racomptera.

Et les vieillardz t'en sçauront bien que dire.

Le souverain, lorsque comme héritage Toutes les gens et hommes divisa, .\insi les fins des peuples disposa, Que d'Israël est le nombre et partage.

Au Seigneur est son peuple part chérie Et de son bien Jacob est le cordeau : Il l'ha trouvé en un désert sans eau , Où est horreur, solitude et crierie.

Il en ha eu cure perpétuelle.

Et à l'entour seurement l'a guidé.* D'entendement l'ha fourni et gardé Comme de l'œil on garde la prunelle.

A la façon que l'aigle estend ses esles Sur les petis de son nid hault pendu.

Aussi ha il ses aisles estendu Et l'ha chargé et porté sur icelles.

Le seigneur Dieu, sans autre Dieu estrangc Si l'ha conduict, pour le faire renger En très haultz lieux , et luy ha faict manger Des fruictz des champs la moisson et vendange.

Il luy ha faict sucer de pierre espaisse L'huile et le miel , et le beurre mollet De vaches pris, et de brebis le laict. Et des aigneaux la délicate graisse.

Des gras moutons et boucz eut en viande. Avec des dains la graisse, et le froment. Et le doux jus du raisin largement, Dont il buvoit la boisson plus friande.

Cil qui devoit estre adroict et utile S'est engraissé regimbant; or t'es tu,

184 B. Des PerierS.

Délaissant Dieu, faict gros, grand et testu, De son salut as eu la pierre vile.

Provoqué l'ont par estrange service Des dieux gentilz, et l'ont fort irrité Et à courroux par tout l'ha incité De telz meschans l'abominable vice.

Sacrifié n'ont à Dieu, mais aux diables : Aux dieux lesquelz ne leur estoient cogneuz. Aux dieux nouveaux prochainement venuz, Qui n'ont esté aux pères redoutables.

Délaissé as celle pierre féconde, Dont engendré tu fuz et anobly :

Or as tu bien mys le Dieu en oubly, Qui t'ha formé, duquel tout bien abonde.

Et le Seigneur, de ses haultes bastilles, Ha le tout veu et bien considéré, Et ha esté de ce exaspéré :

Car provoqué' l'ont ses fdz et ses filles.

Dont dict d'iceulx : Je cacheray ma face Pour veoir quelz sont leurs actes à venir, Genre pervers qu'on ne peult reunir, Enfans desquelz la foy tantost se passe.

Provoque m'ont et incité à ire Par celuy là qui n'est de Dieu en rien, Par foie gent et peuple qui n'est mien: Aussi le veulx provoquer et induire.

Mon feu ireux, qui des enfers horribles Brusle le fond, empris dévorera Terre et son fruict, et si embrasera Des montz haultains les fondemens terribles.

J'assembleray des maulx la grand cohorte, Et employray sur iceulx tous mes dardz; D'ardeur et faim seront bruslez et ardz, Exterminez seront en mainte sorte.

Si envoyray des bestes furieuses Les dentz agutz, et le venin minant Des animaulx lesquelz se vont traînant Par le poulcier, bestes très dangereuses.

Œuvres diverses.

Glaive trenchant qui dehors rien ne laisse Les deffaira, et crainte en la maison Le jeune filz, la vierge de saison , Avec l'enfant l'homme blanc de vieillesse,

Je dy ainsi en ma fureur empraincte.

Bons tant qu'ilz sont je les acculeray, Et leur renom des gens cesser feray, Mais du desdaing de l'ennemy euz crainte,

Si qu'il n'advint que leurs fiers adversaires Ne vinssent puis à dire, eulx surhausans : Ce sont les mains de nous autres puissantz; Le Seigneur, non, n'ha point faict ces affaires,

Gens sans conseil et sans intelligence, 0 s'ilz estoient sages , et bien prudentz Pour en cecy prévoir les accidentz Que cy après seroient de conséquence!

Comme d'iceulx un en poursuivroit mille , Et des milliers d'eux rendroit esperduz S'ilz ne sont point de leur pierre vendu?. Et le Seigneur ne le serre et estrille.

Comme la leur n'est nostre pierre seure; Nos ennemys, ce sont juges meschantz; De Sodomach est leur vigne , et leurs camps Sont d'Amorac, leur grange fiel de pure Et leurs raisins sont raisins d'amertume.

Leur grief venin , mortel et dangereux , Est de dragons le venin chalureux.

Le cruel fiel d'aspic que la vie hume.

N'est pas cela chez moy en abondance, En lieu obscur caché secrètement, Et enfermé dessoubz scel seurement En mes thresors, dont le drachme et despense

De tous meffaictz est mienne la vengeance, Et m'appartient la rétribution?

Leur pied fauldra, car de perdition Leur jour est près, et leur cheutte s'advance.

Or jugera le Seigneur, qui préside Le peuple sien, et se repentira

86 B. Des Periers.

Sur ses servans, car force à bas verra Et eulx defFaictz enserrez sans subside.

Et dira on : Où sont leurs dieux- propices, Leur pierre aussi où leur fiance estoit, Desquelz chacun mangeoit et grignottoit Les bons morceaulx , graisses des sacrifices ?

Le vin, desquelz beuvoient tout d'une traicte, Qu'estoit offert pour leurs aspersions.

Viennent telz dieux dont sans dilations Pour vous ayder et estre une retraicte.

Or voyez vous que moy, Dieu, seul fay vivre, Et n'y ha Dieu que moy qui faict mourir. Je puis navrer, je puis aussi guérir. Et n'y ha nul qui de ma main délivre.

Je leveray au ciel, maugré envie.

Ma forte main, et diray hautement :

Moy m.esme vy, voire éternellement.

Et sans mourir tousjours je suis en vie.

Si le taillant de mon glaive j'aguise.

Et qu'en ma main j'aye jugement mis, Vengeance lors à tous mes ennemis Retribueray et rendray à ma guise.

J'enyvreray mes traictz en sang rougeastre; Chair mangera le mien glaive à planté.

Pour les occis de la captivité.

Depuis le chef de l'ennemy follastre.

O gens! louez le sien peuple amyable, Car de ses serfz le sang il vengera, Des ennemys la vengeance fera.

Et à sa gent il sera favorable.