SCÈNE PREMIERE
SIMO, Vieillard; SOSIA, Serviteur.
SIMO commence.
Çà, ho ! qu'on me porte cela Là dedans. Ostez vous de là!,.
Sosia , tien , je te veux dire Un petit mot.
J'enten bien, sire :
Qu'on appareille bien à point Ces viandes ici ^
Point, point ; C'est autre chose.
Est il servie*
196 B. Des Periers,
Autre, que faire je vous puisse, De mon estai ?
siMO. Je n'ay que faire
De ton service en cet affaire Que j'ay de présent ; mais très bien De ce dont tousjours assez bien J'ay trouvé proveu ' , Dieu mercy !
Que tu me sois fidèle icy ^
1. Pour pourvu; on trouvera plus loin provoir, provoi rai , etc.
2. On s'assurera de la supériorité de cette traduction en la comparant à celles qui parurent à la même époque; l'urt d'elles fait ainsi commencer cette scène :
SIMON
Allés , ostez ceste viande Et la portez à la cuisine, Sans revenir, se ne vous mande Ou se ne vous fais aucun signe.
Chascun de vous d'icy décline.
Hors toy, Sosia ; vien près moy, J'ay ung peu à parler à toy.
SOSIA.
Maistre, dy ce qu'il te plaira , Affin que voise appareiller La viande, car il sera Tantost saison de la rnangier.
SIMON
Ce n'est point ce que je requier.
Je pense bien à autre part.
SOSIA.
Si ne me sçauroys je applicquer A te servir que de mon art.
SIMON
A ton art ne ay point de regart, Rien ne me vauldroii ta science ; A cela que faire je pense, Baille moy ta foy seulement.
(Le grant Thérence en fniiiçoys, tant en ryme qut prose, nouvellement imprimé à Paris , par Guillaume de Bossozel , au Chasteau- Rouge , 1 s 39, in-fol.
L'Andrie. Acte I. 197
Et sobre.
Or, dictes donq, j'atteris.
Tu scai5 combien , depuis le temps Que bien petit je t'achetay, Bien chèrement traicté je t'ay En ton service humainement.
Et enfin aimé tellement , Que, de serf, libre je t'ay faict ; Et, cognoissant aussi, de faict, Que tu avois fait ton devoir, Tu scais aussi qu'à mon povoir Je t'en ay fait la récompense ?
J'en ay fort bonne souvenance. Eh bien ! je ne m'en repens pas.
Sire, si j'ay fait ou fais cas Qui vous ait plu , ou qui vous plaise ; Estimez que j'en suis très aise, Et me sens fort à vous tenu De ce que m'avez retenu Pour agréable. Toutefois, Ramentant le bien qu'autresfois Vous m'avez fait, cela approche D'une manière de reproche, Comme si j'en fusse ingrat !... Donq', Dictes moy, sans estre si long , Vostre volonté , de par Dieu !
Je le veux bien. En premier lieu , Tu dois entendre que ces nopces Que tu penses vrayes sont faulses.
Qu'est ce qui vous meut donq' de faire Tout cet aprest ?
Tout mon affaire Te diray, du commencement Jusques à la fm ; tellement
198 B. Des Periers.
Que tu sauras quelle est la vie De mon filz, et que j'ay envie De faire , et ce de quoy aussy Je veux que me serves icy.
En premier lieu , tu sais qu'alors Que mon tllz d'enfance fut hors, Que je luy donnay liberté De mieux vivre à sa volonté Qy'auparavant ; car qu'eust on peu En juger par le passé , veu Son aage , la crainte , le maistre , Qui empeschoient de le cognoistre ?
sosiA. Vous en dictes la vérité,
siMO. Tu voys que pqr honnesteté
Jeunes gens s'amusent, les uns A piquer chevaux, les aucuns A la chasse ou bien au gibier, Les autres à estudier En philosophie : jamais Mon filz n'y fut trop ardent, mais Usoit de tout par bon moyen.
J'en estois joyeux '
SOSIA. Jecroybien,
Car croyez que pour le jourd'huy Plus grand bien n'est point que cettuy Garder moyen '.
SIMO. " De mon filz telle
Estoit la vie sans querelle ; Mais, au contraire, supportoit Ceux avecq lesquelz fréquentoit ; De sorte qu'cstoit estimé Et de ses compaignons aymé ,
