BOURGOGNE. — IP PART

reillement, saichans nostre innocence en ce cas , et accusés devers vous mensongièrement et à tort , nous , devant toute chose autre , nous desirons à parer de ceste charge. Et à ceste cause , monseigneur mon mary le roy m'a envoyé par deçà la mer pour venir devers vous , aflin de Tcxcuser et jusliflier sur ce que l'on a peu mettre sur ly à tort. Et m'a commandé et ordonné de jamès cesser d'errer pour aller jusques au bout du monde, et plustost à pied, que je ne vous treuve. Or vous ay-je trouvé , Dieu merci cl le vostre I et suis cy en vostre mercy, en vostre pays et seigneurie , povre déboutée royne en Testât de chamberière , qui ne quiers riens, fors ce qu'il vous plaise me oyr parler, pour et au nom de monseigneur mon mary, povre roy et moy à l'advenanl, qui quand je seroye en la haulte roe de fortune , comme je fus oncques plus , et comme de ce temps il a esté auUrefois délibéré , si feusse je faire ce meisme personnaige devers vous comme , orrez ; ou au moins eust envoyé monseigneur mon mary prince aulcun de son sang pour soy parer envers vous de toutes charges. Si vous prie que beau cousin le seneschal puisse dire le surplus, et à vous plaise de l'oyr. » Lors respondit le duc et dist : « Madame , c'est bien peu de chose de ceci. Ne fault pas qu'en soyez en seing , car je ne m'arresle point à tout ce que j'oys. On rapporte et dist-on moult de choses; mes paroUes se vont et viennent; et quant à moy j*en , laisse beaucoup couler. Mes quand ainsy seroit je scay bien ce qu'on m'a voulu faire croire , si n'ay-je fait chose par quoy le roy vostre mary et vous doyez avoir eu cause do m'en estre ennemis. Mes lessons cela, vous prie, et tournons en aultre matière , car avec dames on ne doit parler que de joye. «