BOURGOGNE.— IP PART

comme à Dieu divins en terre ; et estes hommes,'et souvent moins que hommes , car raison vous est estaincte et ostée; lanternes sans clarté, ténèbres meismes, qui deussiez estre luminaires rayans, exemple de bien faire et de tout honneur , là où aujourd'hui en pluiseurs, élasl se trouve le rebours. Et congnoissez par cestuy exemple alleguié dessus*, comme moult povre misérable est la chose) de voslre vanité , de vostre eslevement et exattacion transitoire, que fortune meismes, quoyque par temps vous flatte, tient à desrision , et n'arresteà vos povoirs, fiertés ne gloire , ne à vos haults proposemens ne euvre prendre ; là où glorieux vous réputez par présumpcion, vous iaict souvent sentir vostre humanité esire bestiale , et recongnois* tre en ung servil , tout confus , humilis estât, la dignité de Testât perdu par faulte de recongnoissance. N'entendez vous que non pour vous , mes pour aultrui , vous devez régner; et que la dignité qui resplend en vous et vous est commise , en aultrui doibt transférer son effect. Dont , se vous estes en faulte , en qui cuidez vous en tourner la charge , si non en vos fronts, qui nés feussiez de meilleure heure ? Lors avoit esté bergier que tel roy ! Saiil fut roy par divine vocacion ; et extrait de commun peuple , fut eslevé en commandement sur les aultres princes des linaiges. Ne maintint pas toutesvoies la voye à luy enjoincte , destourna sesyeulx en aveuglement, perdit grâce et divine amour , et en fin vuydant d'espoir de salut, se procura fin de meismes , qui estoit dampnable.