Inéd

8a TRAITE

praticqueront se sont perdeus et perdront tousjours, et cela se pourroit justifier par mille et mille exemples.

Mais ce n'est pas mon dessein de le monstrer en ce lieu, et retiendrons que la vraye loy de nature est de ne faire à aultruy que ce que nous voulons qu'il nous soit faict à nous mesmes, qui estoit la devise de l'empereur Alexandre Sévère, qu'il avoit faict escrire en lettres d'or dedans son oratoire, afin de l'avoir tousjours engravée en sa mémoire, et disoit l'avoir apprise des chrestiens, comme il est vrav.

Je ne veulx pas pourtant condamner les armes ou forces guerrières et militaires d'ung estât. Je sçays bien qu'il n'y a point d'estat grand ou petit qui s'en puisse guères passer et se maintenir sans icelles , et que le dire de l'empereur Justinien est très véritable, qui est que la grandeur et manutention de toute républicque dépend de deux sources, sravoir, des armes et des loyx, et que par ces deux forces joinctes et bien unies ensemble , la grandeur de l'empire romain a surpassé tous les aultres estais du monde :

Istorum enim alterum alterius auxilio semper eguitj et tam militaris res legibus in tuto coUocata est, qiiam ipsœ leges arnioium pi œsidio firmatœ sunt.

Mais je dis, et n'y a rien plus vray, que les armes

et forces, quelque grandes qu'elles puissent estre, destituées de justice (soubs ce nom sont comprises toutes les vertus ), sont plustost propres à destruire, bouleverser et ruyner les princes et les républicques ou les monarchies, que les maintenir et conserver.

Je ne veulx poinct de plus grand argument que des quarante légions romaines qui estoient ordinairement entreteneues tant en Italie qu'ez provinces , sans comprendre les deux ou trois qui estoient ordinairement pour la garde des empereurs, ont elles empesché qu'il n'y ait eu jusques au nombre de vingt six empereurs, depuis Jules César jusques à Charlemagne, assassinés la pluspart par leurs gardes mesmes, sans comprendre en ce nombre quatre aultres qui se sont défaicts eulx mesmes par désespoir de se pouvoir sauver. C'est ung abus de penser qu'ung monarque se puisse garantir et saulver son estât par la force.

Enfin, ce grand empire feut premièrement osté au peuple romain, non à faulte de force et puissantes armes , il en regorgeoit de toutes parts, mais à cause de l'avarice des magistrats, l'oppression des petits par les grands , par la vénalité de la justice, et par les impunités de toutes sortes d'oultraiges, de concussions, de maléfices , et feut transmis aux empereurs , et

depuis, pour les mesmes causes, a esté desmembré, deschiré et mis en pièces, de manière que l'empire est aujourd'huy le jouet de la fortune, et les principaultés de la terre en ont esté basties et composées comme nous les veoyons maintenant, qui se peuvent asseurer d'une mesme secousse, si elles se gouvernent de mesme; car, comme j'ay dict au commencement, les affaires du monde ont tousjours mesme circuit, et, pour mesme cause, courent à mesmes fins, accidens et révolutions ; et que les grands y prennent garde , si bon leur semble , et qu'ilz croyent pour maxime certaine , que les vrayes chaisnes ou doux de diamans, pour bien retenir et asseurer une seigneurie , ne sont poinct la force ou la craincte, comme disoit Denys le Tyran à son tils, ny une grande multitude de soldats ou une garde de dix mille estrangers, mais au contraire, sont la grâce, bienveillance et l'amour des subjects , que le prince acquiert par vertu et justice; et ceste sorte de chaisnes , bien qu'elles soient plus lasches que celles là si rudes et si roidement tendeues, sont néantmoins plus fermes et plus fortes pour long temps garder et entretenir une principaulté.

Est remarquable que le fds de ce grand architecte de tyrannie , pour praticquer ceste leçon saincte et instruction magnifique de son père ,

feit ung magazin de toutes sortes d'armes et munitions de guerre, pour faire trembler tout le monde sous ces effroyables préparatifs ; avec ce , faict ung grand amas d'or et d'argent , pour , à ung besoing, souldoyer force genz de guerre contre ses propres subjects, desquelz il se deffioit, non par leur faulte, mais à cause de sa tyrannie envers eulx; et les serre dans son arcadine, ainsy appelloit il son arsenal.

Qu'en arriva il? Rien aultre chose qu'il s'en trouva spolié par ses propres subjects, lesquelz, assistez et secoureus des Corynthiens, qu'ilz avoient faict venir bien secrettement et à petit bruit, s'en servirent contre luy mesme pour le ruyner, le chasser honteusement, et réduire à estre simple maistre d'escole à Corynthe , où il feut confiné pour le reste de sa vie ; et par ung juste jugement de Dieu, il luy convient apprendre à gouverner et commander politicquement des enfans, puisqu'il n'avoit peu comprendre comme il falloit gouverner les hommes.

Je dis donc que la force sans la justice ne vault rien que pour les lions, pour les taureaux et aultres bestes farouches, et pour tout gaster, et que Pindare avoit raison d'appeller INIars, c'est à dire la force, ung tyran, et la justice ou la loy, royne de tout le monde.

Cestuy là est frère germain d'injustice , et le

père de désordre et confusion ; ceste cy nourrit , entretient et asseure la paix , si ce n'est que l'injustice, qui cause les mesmes effects et désastres que son frère, prenne sa place, qui est tout ce que les monarques doibvent le plus appréhender, et considérer que Dieu, duquel ilz sont les imaiges, pourveu qu'ilz vivent sous sa discipline et sous la craincte de ses saincls comnjandement, est le père de paix, amour et charité, qui ne se peult guères trouver entre les armes.

Agésilas, roy de Sparte, aultant magnanime que grand zélateur de justice, avoit donc raison de dire que le monde ne se peult passer non plus de justice que de la respiration de l'air et de l'usaige des aultres élémens, mais de la prouesse et vaillantise, on s'en pourroit bien passer si les hommes estoient justes; et à celuy qui magnifioit le roy de Perse, l'appelloit grand et triomphant: En quoy, dict il, plus grand que moy, si ce n'est qu'il soit plus juste? Brave response d'ung saige roy qui mesure la grandeur d'ung prince au pied de la justice, comme au poids du roy on a la mesure royalle.

Heureux et trois fois heureux les peuples qui vivent soubs tels princes, lesquelz portent tesmoignaige de vérité à l'oracle de Platon, qui dict que les villes seront à la fin de leurs misères quand, par quelque bonne et divine fortune.

grande prudence avec sapience et justice se remonstreront en ung mesme subject. Au contraire, tournez le revers de ceste médaille, vous trouverez qu'il n'y a rien de plus dangereux et plus intolérable que l'injustice armée , comme a esté touché cy dessus.

Et toutesfois et quantes que les vices extresmes se rencontrent avec une puissance et fortune soubveraine, on peult bien dire que tout est perdeu, et fault nécessairement, quand tel cas arrive, ou que le prince ou son estât soit destruit, et quelquefois les deux toyt ensemble.

Sénèque le tesmoigne élégamment quand il parle de la prodigieuse prodigalité de Caligula, et de ses furieux desportemens pendant son règne qui feut fort court. Caligulam, dict il, rerum natura edidit, ut ostenderet quid vitia in summa fortuna passent.

Tant y a que la puissance effrénée dégénère perpétuellement en tyrannie. Aussy tous les jours y prend elle fin. Nunquam enim fida potentia ubi nimia est.

L'empereur Trajan n'avoit garde de tomber en tel inconvénient, quand il ordonnoit à ses lieutenans et officiers d'exécuter de poinct en poinct et promptement ses justes commandemens, et n'espargner à cest effecl le glaive de la justice, et d'aultre costé leur deffendoit d'obéyr

à ses mandemens et lettres patentes, si elles contenoient quelque iniquité; leur enjoignoit précisément luy faire les reraonstrances convenables sur icelles, comme il se trouve luy en avoir esté faictes et bien prinses, et vouloit qu'on employast contre luy mesme le glaive de la justice, s'il abusoit de sa puissance par la transgression des loyx de l'empire.

Le plus expédient donc sera tousjours de praticquer le précepte de sainct Grégoire , de mesler la doulceur avec la sévérité, et d'en faire une agréable composition , afin de n'aigrir les cœurs des subjects par trop d'aspreté, et aussy de ne la rendre trop lasche et dissoleue par trop de doulceur. Miscenda est lenitas cum severitate , faciendumque quoddam ex utraque tempérament um ^ ut neque multa asperitate exulcerentur subjecti, neque nimia benignitate solvantur.

Les Antonins et bien peu d'aultres, vivant en ceste forme, ont esté grands, riches, redoutables et bien aimez, parce qu'ilz aimoient leurs peuples, leur faisoient rendre bonne et briefve justice, et les préser voient de l'oppression de qui que ce feust, en quoy consiste la béatitude de ceste courte vie,

11 fault donc, pour bien faire, joindre la force avec la justice, mais avec ceste différence que la force, comme le vassal, obéysse à la justice,

comme à la dame de fief et maîtresse soubveraine, et ne face rien que soubs son authorité , vouloir et commandement.

Je sçais bien que ceulx qui vivent de larcin, de chicanneries , d'exactions, de concussions et brigandaiges privez et publics, ceulx qui sont accoustiimez à violence, outraiges et oppressions, qui veulent incessamment gourmander les petits, et qui, comme ces anciens barbares, /wj in armis statuunt, jura negant sibi nata ^ mettent tous leurs droicts à la force, à la bienséance et à la poincte de leur espée (qui n'est guères maulvaise que contre les pauvres paysans , ou d'aultres qu'ilz prennent tousjours à leur advantaige ), et généralement tous ceulx qui ne demandent rien pour tout que le désordre, les troubles, les guerres et séditions, afin de pescher en l'eau trouble , ne seront jamais d'advis de faire régner la justice, et lui rendre son beau teint , sa force et son authorité , parce qu'ilz n'appréhendent rien tant au monde que la police , l'ordre et la paix, qui sont tous effects de justice. Aussy n'est ce pas d'eulx que nous sommes dans l'attente d'une saincte et heureuse réformation , et de qui il fault prendre conseil.

Ce sont ceulx qui, avec ung sourcil et parolles advantageuses , ne sonnent, pour estre caressez et bien veneus, aultre chose aux oreilles des

grands princes , que leur puissance est absoleue et soubveraine, et la vie de leurs subjects est à eulx ; qu'ilz ne tiennent leur couronne que de Dieu, de nature et de l'espée, et plusieurs aultres de mesme trempe, qu'ilz tiennent ou pour complaire, ou pour obtenir bien souvent des princes, ainsy maniez et charmez de ce doulx poison , les injustes demandes qu'ilz leur font ensuite de telz discours, desquelz sainement entendeus, et avec le tempéramment de la justice divine et humaine, de laquelle le chrestien, quelque grand ou petit qu'il soit, ne se doibt jamais despartir, les genz de bien demeurent d'accord, afin que les princes n'estiment pas recevoir moins de services, d'honneur et d'obéyssance des bons que des meschans, je dis mesme en parolles.

Car, en effect, il n'y a jamais rien d'asseuré en l'obéyssance des meschans : au moindre revers de forteune, ilz prennent party ailleurs, et sont les premiers à vous courir sus.

Les bons, quelque bonne ou maulvaise forteune qui vous arrive, demeurent fermes comme rochers, qu'aulcungs flots ne peulvent esbranler.

Mais nous, qui sçavons mieulx obéyr que flatter, disons cecy plus qu'eulx, et les bons princes ne s'en offenseront point , que, puisque les monarques ont et tiennent leur puissance de Dieu, ilz la doibvent exercer selon Dieu, qui la leur

a niise en main pour en bien user, s'ilz l'ont de nature , et considérer qu'ilz sont ordonnez pour commander des hommes faicts comme eulx à Fimaige de Dieu; s'ilz la tiennent de leur espée, il n'y en a poinct qui vaille que celle de justice, et s'ilz en prennent une aultre pour la praticquer contre leurs subjects, quelqu'ung prendra, par le vouloir de Dieu , celle qu'ilz auront quittée, pour en mieulx user, et avec icelle débeller le monstre d'injustice, et l'extirper de la face de la terre, au grand dommaige, honte et confusion de ceulx qui l'auroient sousteneu et toléré si longuement.

Le plus seur donc sera pour le prince qui desire son bien , sa grandeur et la continuation de son sceptre en sa lignée, de rendre, tant par luy que par ses officiers, la justice esgale à ses subjects, et les garder de toute oppression et violence, et croira pour milieu salutaire et sainct advertissement que rien de violent, de terrible, de fulminant et d'injuste n'est de longue durée, et que la seigneurie des cœurs, laquelle s'acquiert par la justice et bon traictement,est ung milUon de fois plus grande que celle qui est seulement sur les corps et sur les richesses.

Car quiconque a le cœur d'ung homme à sa dévotion, il peult asseu rément faire estât de ses richesses et des moyens, veoire de sa vie. A ce

propos est fort remarquable ce que porte l'histoire de Louis XII , qu'il estoit très heureux en toutes choses, mesme en ce qu'il vivoit en grand repos de conscience ; qu'il aimoit ses subjets , et estoit grandement aimé d'eulx.

Quiconque donnera aultre conseil aux princes , qu'ilz le tiennent pour ung imposteur, pour ung ennemy couvert de la peau d'ung regnard , pour ung esprit séducteur, pour ung traistre, pour ung Aduram (i), et qui sans doubte prendra pareille fin quand Dieu aura exaucé les clameurs de l'innocent trop de fois opprimé. Nous conclurons donc cet article avec notre Hésiode.

Applicque, dict il à son frère, ton esprit à la justice , et sois ennemy de toute violence et oppression.

Mais passons oultre, et considérons que les aultres vertus sans la justice sont manques et deffectueuses au possible. Premièrement qu'est ce aultre chose la magnanimité, la vaillantise et grandeur de couraige que l'homme injuste et meschant ? Toute ceste hardiesse dont il faict parade et monstre intérieure n'est qu'ung fard , une mine , une apparence , ou du moins une

(i) Intendant du roi Roboam, qui ne donnait à son maître que des conseils violents, et qui le trahissait. Il fut lapidé par les Juifs.

présomption , audace et téinérité qui rebouche aux périls apparents tout ainsy qu'une lame de plomb contre une pierre dure, et que la vraye générosité, valeur et prouesse ne peult estre qu'en ung homme de bien et craignant Dieu.

Adjoustoit que ceulx cy ne font pas tant de bruit que ces grands vantards , ces bravaches et japeurs, et qu'ilz se tiennent aux termes de la modestie et du vray honneur; mais ilz mordent bien plus serré, et aux bonnes occasions se font recognoistre et remarquer pour ce qu'ilz sont , c'est à dire pour vrays gens de bien , pour vaillans hommes, fermes, asseurez et intrépides , là où ces tranche montagnes font veoir ez hazards des batailles , assaults et périlleux combats , que leur valeur et générosité, tant vantée parmy les dames aux festins et mascarades, est descendeue de leur légère langue aux talons , beaucoup plus prompts , vistes et légers.

Qui peult imaginer ung plus grand couraige en apparence qu'au Scythe Tamerlan, terreur de l'univers ? Et néantmoins , parce qu'il n'y avoit poinct de justice en son faict, ceste hardiesse, ce hault couraige est plus tost imputé à une fureur bestiale qu'à une vraye générosité.

Aussy feut ce ung feu foudroyant que Dieu permit lors de passer sur la face de la terre pour chastier les tyrans, et ce feu disparut bientost

après sa naissance, non toutesfois sans bien grand ravaige.

Mais venons à la tempérance et continence. Geste vertu, qui sçait ranger Jes appétits sensuels et les cupidités à la raison , ne va jamais guères seule, ains a la magnanimité pour fidelle compaigne , et unies ensemble font bien souvent des merveilles, dont entre ung millier d'exemples, je me contenteray de deux ou trois bien signalez.

Le premier sera d'Aristide, lequel ayant esté par son intégrité recogneue commis par les Athéniens à la charge de thrésorier général de la chose publicque, descouvrit entièrement la cabale et les larcins des comptables, et mesnagea les deniers publics de telle sorte que le reveiieu et domaine de la respublicque en feut grandement augmenté, et qui, plus est, les charges diminuées.

Mais, d'aultre costé, il se suscita une merveilleuse haisne, mesmement des receveurs qui praticquèrent Thémistocle, homme prudent, preux et vaillant, mais qui n'avoit pas les mains nettes (chose qui rabattait grandement de sa vertu) , et feirent tant envers le peuple par leurs calomnies et faulx tesmoings , qu'Aristide rendant ses comptes feut condamné en une grosse amende. Toutesfois les plus grands , les plus gens de bien ne pouvant endurer cest affront et outraige, prirent sa cause en main; et non seulement luy

f'eirent remettre l'amende par le peuple; mais encore le feirent eslire pour la seconde fois en la mesme charge de thrésorier général pour l'année suivante.

Que faict Aristide? Il faict semblant de se repentir d'une si exacte administration en sa charge, et se monstre plus traictable à ceulx qui avoient affaire à luy, ne prend pas garde de si près, n'examine pas les affaires avec telle diligence et sincérité que la première fois; au moyen de quoy ceulx qui desroboient la chose publicque le louoient merveilleusement , publioient partout sa suffisance , son bel esprit et son bon mesnaige, et briguoient eulx mesmes pour le faire encore continuer en cest office, disant hault et clair que le reveneu public et le fisque s'en alloit perdeu, si cet homme de bien n'y eust mis les mains, et qu'il estoit expédient de le continuer, aultrement il y auroit danger d'entrer au premier désordre qui estoit auparavant aux finances.

Aristide laissoit dire tous ces brigands, ces mangeurs de peuple , ces harpies , ces loueurs à gaiges. Mais quand le jour de l'élection feut veneu, et veoyant que les Athéniens le vouloient eslire à la relation de ces bonnes gens, luy mesme les entreprit bien aigrement, leur disant avec ung grand courroux et véhémence :

« Quand j'ai bien fidellement administré la charge que vous m'avez commise , j'en ai receu de vous honte , outraige et vilenie ; et maintenant que j'ai faict semblant de ne veoir poinct beaucoup de larcins et pilleries que l'on commet en vos finances, vous me tenez pour ung homme de bien et bon citoyen ; mais je vous dis et vous desclare que j'ay plus de honte de l'honneur que vous me faictes que je n'eus de Tamende en laquelle vous me condamnastes l'année passée , et suis mary qu'il fault que je vous die que les meschans qui vous trompent et vous desrobent sont mieulx veneus envers vous que les gens de bien qui aiment le public et font leur charge en toute droicture et sincérité. »

En desduisant ces remonstrances et descouvrant les larcins ordinaires que commettoient les officiers de la ville, il ferma la bouche aux larrons, qui si haultement le louoient, lesquelz demeurèrent confus et descouverts, et pour son regard il remporta une juste et véritable louange des gens de bien et d'honneur.

Venons aux Romains, qui ont en grandeur et en belle police surpassé sans contredict tout le reste du monde. Entre les plus grands personnaiges qui ont esté en crédit et en réputation parmy eulx pour leur vertu et générosité , je vous veulx tirer entre tous les aultres le Ca-

DE LA RÉFORMATIOIV DE LA JISTICE. 97

ton d'Utique. Ce grand homme de bien, pour sa bien veneue et entrée aux honneurs de sa respubhcque, fut mis aux finances en estât de questeur ou thrésorier général , estât chatouilleux, et duquel peu de gens auparavant luy estoient sortis les mains nettes.

Le maniement estoit grand, parce qu'il estoit questeur des finances de tout l'empire , qui commandoit lors aux trois parties du monde, et parce qu'en telles charges ses prédécesseurs n'avoient eu aultre plus grand soing que de desrober et s'y enrichir : tout y estoit en confiision , et tous les officiers des finances avoient une certaine cabale qu'ilz cachoient à tous ceulx qui ne suyvoient ceste vocation, de manière qu'ilz estoient à couvert contre les recherches que l'on faisoit contre eulx , et personne n'y entendoit rien que ceulx du mestier.

Caton , impatient de ce désordre et de veoir ces larrons triompher si impunément des deniers publicqs,et au partir de là se mocquoient des gens de bien, demanda cest office, qui luy feut octroyé sur la promesse qu'il faisoit au peuple de chastier tous les brigands, comme il feit. Car il ne feut pas plustost entré en ceste charge , qu'il y introduisit ung grand changement. Quant aux clercs et aux commis de l'espargne, lesquelz ayant tousjours entre leurs mains leurs