I. Inéd. y

papiers et registres des comptes, et les édicts sur le faict des finances, et puis ayant à travailler ordinairement soiibs des jeunes hommes que l'on mettoit en ces offices de questeurs , qui avoient eulx mesmes pour leur ignorance et faulte d'expérience besoing d'instruction, au lieu d'avoir de la suffisance pour redresser aultruy.

Hz ne leur cédoient poinct en authorité , ains s'en faisoient accroire et estoient eulx mêmes les magistrats, jusqu'à ce que Caton, prenant à bon escient les matières à cœur, et ne se contentant pas d'avoir l'hoimeur en tiltre de magistrat , mais aussy le sens , le cœur et la parolle , vouleut premièrement que les clercs et greffiers se portassent pour tels qu'ilz estoient, c'est à sçavoir, ministres des magistrats seulement , leur vérifiant et monstrant les meschancetés qu'ilz commettoient en leurs estats, et leur enseignant les faultes qu'ilz y faisoient par ignorance , et veoyant aulcungs d'iceulx superbes et audacieux , qui alloient flattant et praticquanl les aultres questeurs pour luy résister, il en feit condamner le principal d'entre eulx , et conséquemment le feit desclarer incapable de tenir jamais aulcune charge de finances.

Ainsy, ayant de premier abord rabaissé le cacquet et l'audace des greffiers, clercs et commis

DE LA RlÉFORMATION DE LA JLSTICE. 99

des finances, et les ayant rangez à la raison, il eut tous les registres et papiers à sa volonté, dedans peu de temps, pour en disposer à son plaisir, et rendit la chambre des comptes, de laquelle on ne faisoit pas grande estime auparavant, plus vénérable et plus révérée que le sénat mesme, de manière que tout le monde estoit d'advis et disoit que Caton avoit adjousté à la questure la dignité de consulat.

Au surplus, il reigla Testât des finances avec une très grande facilité et d'une dextérité admirable. Par ceste cy, il descouvrit entièrement la cabale des finances, feit rendre gorge aux larrons , et reigla tout pour l'advenir, de sorte qu'il n'y avoit plus de moyen de desrober sans estre descouvert.

Par l'aultre, trouvant que plusieurs particuliers estoient du passé redevables à la chose publicque, et la chose publicque aussy à plusieurs particuliers , il donna ordre qu'elle ne feit tort à personne, et que personne aussi ne luy en peust plus faire, contraignant à toute rigueur les desbiteurs du fiscque de payer, et payant d'aultre part volontairement et sans se faire chaperonner ceulx à qui le fiscque debvoit : de manière que le peuple estoit étonné deveoir payer aulcungs qui ne s'attendoient pas de mettre jamais la main

lOO TRAITÉ

à la bourse; et àTopposite, rembourser d'aultres qui ne s'attendaient pas jamais de toucher rien de leurs debtes.

Et pour cela (ô admirable générosité romaine!) il ne s'augmenta jamais d'ung teston (i) ny les siens ; il ne vouleut oncques prendre aulcung présent, soubs prétexte d'estime , de pots de vin ou aultre couleur quelconque , et ne permit jamais qu'aulcung de ses amys ou domesticques en prissent non plus que luy^ disant que l'on ne trouve que trop de prétextes pour couvrir une corruption ou concussion, et que lorsqu'il ne tient plus qu'à trouver une palliation, ung nom et prétexte pour mal faire, c'en est faict, le marché est concleu : tesmoing quand il refusa si constamment les présents du roy Déjotarus, qui les luy offrit premièrement en sa maison, depuis les envoya après luy , et le conjuroit au nom du droict d'hospitalité et de l'amitié réciproque qui estoit entre eulx de les accepter, ou du moins permettre à ses amys, qui estoient gens d'honneur et de grande noblesse , qui l'accompai-

(i) Ancienne monnaie, ainsi appelée parce qu'elle représentait la teste du roi, nummus capitatus ^ fabriquée pour la première fois sous Louis XII, en iSi'i. Charles IX fit faire des demi testons. Les testons furent démonétisés sous Henri III. A l'époque où écrivait l'Hospital , le teston valait douze sous six deniers.

DE LA RÉFORMATION DE LA JUSTICE. lOï

gnoient , de les prendre , et que les moyens de Caton n'estoient pas si grands, qu'il peust faire de grandes libéralités à ceulx qui le suy voient, sans se faire tort à son mesnage et incommoder ses affaires. Nonobstant toutes ces belles raisons, il ne vouleut jamais consentir ny à l'ung ny à l'aultre, et dict à ses amys qu'il voyoit abbayer après ces présents , que le peu de bien qu'il avoit estoit à eulx comme à luy mesme; mais que de leur donner ou permettre prendre soubs sa faveur du bien d'aultruy, ce ne seroit ny son honneur ny la justice, et qu'il ne feroit jamais de libéralités aux dépens d'aultruy, mais de son propre bien, tant qu'il se pourroit estendre, et ne leur seroit poinct espargné.

Mais il est temps de nous approcher de nostre siècle, et veoir si l'antiquité a reteneu devers soy tous les exemples de vertus superlatives, et ne nous en a laissé aulcung pour en faire nostre profict.

A la vérité ilz sont plus rares aujourd'huy qu'ilz n'estoient parmy ces héros en natures excellentes douées de tant de beautez et perfections; mais néantmoins, si nous voulons bien feuilleter nos livres , nous en trouverons veoire de nostre temps, qui ne cèdent poinct à ceulx là, si, au judgement de plusieurs, ilz ne les surpassent.

Je VOUS ai faict veoir la tempérance du juste Aristide, la constance, suffisance et intégrité d'ung Caton romain , je vous mets en avant pour une sublime vertu , celle de Pierre Lagasca , Espaignol, docteur en droict, et président aux Indes l'an mil cinq cent quarante cinq.

En ce temps les Indes estoient toutes divisées en diverses parties , et prestes à se révolter contre l'empereur par les menées des vices roys, qui se vouloient faire seigneurs absoleus aux dépens de leur maistre et seigneur soubverain , et ne tenir plus que de Dieu et de l'espée : entre aultres ung nommé Gonzalve Pizarre , vaillant homme de sa personne, qui de fraische mémoire avoit défaict au champ de bataille Velasco Nunes Vêla, envoyé vice roy , et croyait par ses services avoir mérité des couronnes, assisté de plusieurs capitaines et seigneurs qui favorisoient son desseing et vouloient le faire roy.

L'empereur, qui considéroit quêtant de grands seigneurs et vaillans hommes qu'il avoit envoyez aux Indes pour gouverneurs, et ses vice roys, s'estudioient à combattre par ambition les ungs contre les aidtres, au lieu de faire son service, luy mangeoient son reveneu , et oultre cela ruynoient les pauvres Indiens par leurs tyrannies et cruautez barbares et insupportables, se résoult d'y en-

DE LA RÉFORMATION ^^ LA JUSTICE. Io3

voyer le docteur Lagasca, homme courtois et de bénigne nature, comme sont ordinairement les gens de lettres, au demeurant de peu d'apparence et de petite complexion, ayant ung petit corps foible et fluet au possible , mais là dedans ung esprit fort et vigoureux , une prudence admirable , et ung couraige merveilleux.

Il l'envoyé donc , non en qualité ny esquipage de vice roy, mais seulement de président des Indes, avec ample pouvoir toutesfois, tant sur les armes, sur les distributions des terres, des honneurs, des offices et dignités, que sur les finances, et générallement sur tout ce qui dépendoit du gouvernement des Indes.

Les vices roys et gouverneurs, estant advertis de l'adveneue de Lagasca , s'en mocquoient à pleine gorge; au commencement, ilzl'appelloient pédant, homme d'escritoire, et, parce qu'il estoit de petite stature, le nommoient Goliath par dérision: somme, faisoient leur compte d'en passer bien leur temps, sçachant mesmement le petit appareil avec lequel il venoit; de sorte que ce grand mespris leur ostoit tout soing de pourveoir à leurs affaires.

Mais Lagasca leur monstra bien qu'il ne fault pas mesurer les hommes à l'aulne (comme l'on dict), à la mine et à l'apparence, mais à la vertu

I o4 TRAITÉ

qui sort parfois de personne de peu de monstre avec ung si grand esclat , qu'elle se faict admirer par les plus grands du monde.

Et de faict, ce docteur, arrivé aux Indes, sans pompe, ny ostentation , faict les praticques à petit bruit, démet les gouverneurs, chefs de partys, les capitaines et gens de commandement. Enfin, exploicte si heureusement, qu'il assemble force gens de guerre; endure des travaulx et incommodités surpassant grandement, non son couraige, mais la constitution de sa personne; faict de nécessité vertu ; va trouver Pizarre , luy donne la bataille, le prend prisonnier avec plusieurs grands seigneurs et capitaines, et peu de jours après, leur ayant faict faire leur procez, leur faict trancher les testes; establit une nouvelle et plus doulce police parmy ces pauvres Indiens, que l'on avoit manié jusques alors comme bestes brutes; faict les départemens des fiefs et vassaulx, et donne plus de quinze mille ducats de reveneus annuelz en fonds de terre à gens de valeur, d'honneur, de mérite et de servyce; distribue des deniers aux aultres à la valeur de deux millions d'or; reigle les affaires de la justice; met ung ordre et police partout, mais principalement aux finances et à la levée des tributs du roy, sans foule ny oppression du peuple, et, pour le faire court, mit tous les grands pays en

DE LA RÉFORMATION DE LA. JUSTICE. lo5

repoz; rangea les gens de guerre, leur donna des chefs pour les contenir en bonne et forte discipline, et ne laissa rien à quoy il ne pourveut avec une grandeur de couraige et de prudence admirable.

Et pour ne laisser en arrière ce qui excède et surpasse mille et mille fois tout ce que je viens de dire du président Lagasca, c'est que, ayant eu moyen, parmy une si grande licence et si ample pouvoir, d'accommoder ses affaires à souhait, et acquérir des richesses innumérables et aultant d'or et d'argent qu'il eust vouleu, feit paroistre la grandeur de sa vertu, en ce qu'ayant faicl tant de bien à tous ceulx qu'il avoit estimez dignes de récompenses, tant distribué de deniers qu'il avoit en maniement, et ayant faict plus de bien par sa bonne justice, police et bons reiglemens en l'étendue de tant de provinces, que s'il eust donné et gaigné une douzaine de batailles avec toutes les forces de l'empereur, il s'en retourna au bout de quatre ou cinq ans, avec des navires chargés d'or et d'argent, levé sans exactions sur les tributs de l'empereur, et sans s'estre réservé pour son particulier, ny pour aulcung des siens, la valeur d'ung teston , veoire mesme reporta en Espaigne le mesme manteau qu'il avoit lorsqu'il s'embarqua pour aller aux Indes, et aima mieulx s'estre chargé d'honneur, qui ne sera jamais ef-

Io6 TRAITE

face de la mémoire des Iiommes, que de l'or et l'argent périssable qu'il ne pouvoit retenir que par voie déshonneste, illicite et contre sa conscience, quelque prétexte qu'il eust peu ou vouleu prendre, qui ne manquent jamais à ceulx qui veulent entrer en deffense de leur avarice, comme nous le veoyons par l'expérience journalière.

Considérez, je vous supplie, quel debvoit estre le courage de ce petit homme, petit, dis je, de stature et de corpulence, mais d'ung cœur héroïque et admirable , de distribuer libérallement par ses propres mains les grandeurs du monde, l'or et l'argent, pour raison de quoy les hommes hasardent leurs biens, leur honneur, leurs vies librement, et ne font aulcung scrupule de violer tous droicts divins et humains pour les amasser, et les mespriser pour son regard comme choses caducques, subjects à la fortune et périssables à tous momens; en somme, ne faire cas que du vray honneur et actes vertueux qui ne peuvent périr par aulcung accident humain.

Bel exemple pour les grands prhices, qui doibvent croire qu'il n'y a jamais de siècle si stérile de probité, d'intégrité, de fidéhté, qu'il ne produise toujours quelque rare et éminente vertu quand ilz se vouldront donner le soing de la

DE LA RÉFORIMATION DE LA Jl'STICE. 1 O7

rechercher, de laquelle ilz pourront tirer plus de servyce et de contentement en peu de temps, qu'ilz ne sçauroient faire toute leur vie par l'entremise de ces esprits turbulens, violens, ambitieux , avaricieux , qui n'ont d'aultre but que de s'aggrandir, faire leurs affaires aux despens du public, advancer gens de nulle valeur, pour trompetter leurs faulses louanges, et pour estre supportez en leurs méchancetés, rapines, violences et injustices, rendre leur maistre odieux, et enfin, avec leur prétendeu bon mesnaige, qui tourne tout à leur profict particulier, ruyner ses affaires, hiy suscitant la haine publicque, qui est le plus grand desservyce qu'ilz sçauroient jamais faire à ung grand prince.

Cet argument sera traicté plus au long; et, selon sa dignité, en occasion plus propre, je me contenteray de ce petit ad vertissem en t pour monstrer, en passant, quelz advantages apportent aux grands estats les saiges élections des personnes de hault mérite et d'excellente vertu, qui, bien souvent, demeurent comme mortes, faulte d'estre employées et mises en œuvres.

Mais venons au troisiesme exemple, qui sera de François Sforze, le duc de Milan, lequel, du temps de nos ayeulx, a esté en réputation d'ung des plus grands capitaines de son siècle, et soubs

Io8 TRAITÉ

ses prouesses presque incroyables descriptes par le pape iEneas Sylvius, SabelUque et plusieurs aultres, qui en ont enrichy leurs histoires.

Et néantmoins, il n'a jamais acquis tant d'honneurs par les armes que luy en a donné la modestie, clémence, justice et continence dont il usa envers une jeune dame mariée, d'admirable beaulté , prinse au sac du chasteau et forteresse de la Villette de Casenove, sur les Lucquois, luy estant général de l'armée des Florentins.

Lorsque ceste pauvre jeune femme, se veoyant traisnée par quelques soldats, leur dict qu'elle se donnoit à François Sforze, leiu* général, non à aultre; tellement que, de craincte, les soldats la luy menèrent à l'instant. Cestuy cy, qui, pour la complexion et disposition de sa personne, estoit fort enclin aux dames, se trouva quand et quand surpris d'une si rare et exquise beaulté ; néantmoins luy demanda si elle aimoit mieulx consentir à sa volonté que demeurer en la puissance de ceulx qui l'avoient prinse.

A quoy la jeune dame respondit estre disposée à luy obéyr, poiu'veu qu'il luy pleust de la tirer des mains des soldats, dont Sforze, d'autant plus esmeu , la feit conduire en sa tente , et, la nuict veneue auparavant que de se mestre au lict, luy réitéra ceste demande , tant que l'ayant trouvée en mesme opinion que devant, la feit

despouiller et mestre dans le lict auprès de Itiy. Aiissy tost qu'elle y feut entrée , veoyant l'image de la vierge Marie au pied du lict de Sforze, fondant en larmes, pleine de honte et vergogne, supplia très humblement ce furieux guerrier, en l'honneur de la sacrée vierge, de luy préserver sa pudicité, et de la rendre impollue à son mary, qui estoit parmy les prisonniers en l'armée, luy représentant , avec sanglots et pleurs , que si elle s'estoit soubmise à sa volonté, c'estoit pour se rachepter de l'insolence et barbarie des soldats, s'asseurant qu'elle ne seroit pas frustrée de l'opinion qu'elle avoit eue de la piété et justice que l'on disoit estre en luy pour la garantir de mal et déshonneur.

Desquelz propos ce généreux enfant de Mars feut si picqué, veoyant descouler des larmes des beaulx yeux de sa jeune et excellente proye, que, surmontant, par une grande victoire qu'il acquit à l'instant sur soy mesme, les appétits sensuelz, et esteignanttout à coup ses amoureuses flammes, sortit du lict furtivement, la feit lever et rhabiller, et, le lendemain matin, envoya quérir son mary parmy les prisonniers, le rachepta de ses propres deniers , et luy rendit sa femme chaste et impollue.

Cet acte acquit une réputation à Sforze, qui le survivra éternellement, et sera judgée surpas-

I lO TRAITÉ

ser toutes les aultres prouesses et victoires par luy obteneues sur les ennemys , n'y ^y^nt poinct de victoire plus grande que celle que Ton acquiert sur soy mesme.

Quant à l'homme prudent, que nous appelions le saige mondain, si vous luy ostez la justice, la candeur et l'intégrité, n'est il pas cent fois plus dangereux qu'ung sot, qu'ung estourdy, qu'ung mal habile qui faict toute chose sans judgement, sans raison, sans considération.

C'est ce que dict Cicéron, que tant plus ung homme est puissant, fin, sçavant, subtil, industrieux et expérimenté, et tant plus le fault il craindre, et avoir pour suspect, s'il est hypocrite et meschant. Quani ob rem intelUgentiœ justitia conjuncta quantum valet hahehit adjaciendamjidem; verumjustitia sine prudentia multum poterit, sine jus titia nihil v aie bit prudentia.

Tant y a qu'il fault croire que l'homme ne peult estre juste, qu'il ne soit magnanime et couraigeux, tempérant et plein de prudence. La raison est, parce que la justice est l'harmonie de tontes les aultres vertus; c'est elle qui leur donne le lustre et la grâce en toute perfection , et qui les accomplit.

Les académiciens l'ont recogneu mieulx qu'aulcungs aultres; car, veoyant que les poètes faisoient l'Harmonie fille de Mars et de Vénus pour

DE LA RÉFORMATION Di; LA JUSTICE. III

l'accord qu'elle produict entre l'irascible et concupiscible faculté de la partye inférieure de l'ame, eulx passant oultre, rapportent l'octave entre la raison et l'ire, et la quarte entre l'ire et la cupidité, qu'ilz appellent Xoyou 6u[jlou £7rt6Dp.y|Ti)t7l . . .

quand les partyes de l'ame

sont si bien reiglées et composées, qu'elles produisent en nous la prudence, la tempérance, la magnanimité : de ces trois mots se forme et s'establit une très belle et harmonieuse justice en l'homme, qui le faict approcher de la nature divine, quand chascune partye de l'ame a ce qui luy appartient.

Cherchons donc premièrement cest accord , ceste consonnance et ceste harmonie en nous njesmes, puisqu'elle est cause d'ung si grand bien et tranquillité en la conscience, et qu'elle nous unit et conjoinct avec Dieu, en quoy consiste le soubverain bien de Thomme; et puis, si nous avons quelque pouvoir, employons le tout à faict pour faire que ceste mesme harmonie se trouve au corps de la cité, de la respublicque ou de Testât, afin que chascung venant en repos, content du sien, et n'entreprenant rien sur son prochain que pour luy bien faire , Dieu soit servy selon sa volonté et pureté de sa parolle ; le roy soit plus fidellement obéy qu'il n'est pendant les troubles , guerres et divisions , causés par nos

impiétés et injustices; les magistrats se veoyent révérez, en faisant ce que le debvoir de leurs charges leur commande; et les particuliers vivront mainteneus chascung selon leurs conditions, rangs et mérites en leurs biens, en leurs vies, leurs honneurs, eulx et leurs familles; qui est la fin et le but de l'intention de la justice. Dieu le veuille par sa bonté et miséricorde.

DE

LA RÉFORMATION

DE LA JUSTICE