I. Inéd
DE
LA RÉFORMATION
DE LA JUSTICE
TROSIEME PARTIE.
L'injustice feut la cause de la décadence et bouleversement de l'empire romain.
X OUT ainsy que l'œil est le guide, le conservateur et gardien de tous les corps, et cy dessus nous l'avons comparé à l'ame; aussy l'œil du corps politique , c'est la justice , laquelle est administrée par les roys et princes soubverains, comme aussy par leurs lieutenans, gouverneurs, officiers et magistrats , qui n'ont ou ne doibvent rien avoir en plus grande recommandation, que de garder les peuples que Dieu leur a commiz, les préserver de toute oppression, injustice ou violence, faire vivre soubs la discipline de leurs équitables loyx et ordonnances , et soubs l'heureuse protection de la justice, laquelle, en tant
Il6 TRAITÉ
qu'ilz sont jaloux et amateurs de leur vie et de leur couronne, leur doibt estre chère, précieuse et véritable, parce que la justice est ung don du ciel, iniz en dépost entre les mains du prince soubverain , qui la tient immédiatement, et conjoinctement avec sa couronne, du grand judge esternel, que Malachie, chap. i^ appelle Deum judicii, de qui toute puissance dérive; et soubs la divine grâce et majesté duquel les roys régnent et ont domination sur les hommes; et parce qu'ilz ne la peulvent pas exercer tout seuls, ilz commettent la simple administration à leurs magistrats, en retenant tousjours par devers eulx la propriété d'icelle.
Aussy est ce bien le plus beau fleuron de leur couronne, la principale, la plus haulte, veoire la plus divine partie de leur puissance , avec ceste justice qui leur attribue le droict de commandement, lequel est tellement important, qu'il estend sa force et vertu sur la vie, l'honneur et les biens de tous leurs subjects; pouvoir, dis je , non tyrannique, arbitraire et desreiglé, mais reiglé, conduict et borné par la justice.
C'est pourquoy, en tant de passaiges de la
saincte Escriture, les judges sont appelés dieux,
comme ayant la communication et participation
de l'une des grandes puissances de la Divinité.
De ce, faict foy ceste belle remonstrance que
DE LA RlîiORiMATION DE LA JUSTICE. II7
le bon Josaphat, roy de Juda, donne aux judges qu'il establit et commet pour judger son peuple.
« Prenez, dict il, bien garde à ce que vous ferez, car c'est le judgement du Seigneur, et non des hommes, que vous avez en maniement; et tout ce que vous judgerez, afin que vous l'entendiez redondera sur vos testes : la craincte de Dieu soit tousjours devant vos yeulx; faictes toutes choses avec soing et extresme diligence , et vous soubvienne que le Seigneur est au milieu de vous, lequel ne faict poinct de grâce aux iniquités, ni acception de personne , et ne reçoit aulcuug présent. »
Voilà, en peu de parolles, le debvoir des judges bien exactement desduict.
Si jamais prince en a compriz la conséquence, ça esté Salomon , lequel ayant fort jeune perdeu son père David, et ayant appriz de luy que le principal office des roys consiste à judger et à faire justice (chose fort difficile, et qui requiert, avec probité, constance et magnanimité, une rare et singulière prudence à l'homme ), et après s'estre bien préparé par le moyen d'une grande humilité, ferveur et dévotion, et de grands et solemnels sacrifices et prières publicques, Dieu exauça ses prières, luy apparent en songe, et luy donna le choix de demander ce qu'il vouldroit.
Ce jeune prince, qui, selon le désir de la
Tl8 TRAITÉ
chair et vœu coustumier de la jeunesse peu saige et expérimentée, pouveoit demander les richesses, les empires et principaultés du monde, une force et beaulté corporelle, une longue vie, des victoires sur ses ennemys , et aultres biens temporels, fragiles et périssables, néantmoins tant estimez par les saiges mondains, ne demande rien de tout cela, mais seulement ungbon et sain entendement, afin que luy, qui n'estoit encore qu'ung enfant, et qui avoit ung si grand peuple à gouverner, luy peust rendre la justice, le judger comme il appartient, discerner le bien et le mal, et le vray d'avec le faulx ; ce qui ne pouvoit estre que par le moyen de la sapience. Jnvocavi^ dict il, et venit in me spiritiis sapientiœ , et prœposui illam regnis et sedibus , et divitias nihil esse duxi in comparatione illius.
L'histoire sacrée nous apprend que ceste prière feut si agréable à Dieu, qu'il luy accorda non seulement sa requeste , qui estoit pleine de piété et d'ung bon zèle envers le peuple qui lui estoit commiz, mais y adjousta de plus ce que Salomon n'auroit pas demandé, sçavoir, les richesses avec une gloire et renommée telle qu'aulcung prince, de tous ceulx qui avoient esté devant luy et viendroient après, n'en auroit eu et n'auroit jamais rien de semblable. Le tout pourveu et à la charge qu'il marchast tousjours en saincteté du cœur.
et équité et justice, et qu'il suivyst ses commandemens comme son père David avoit faict ; et en cas de contravention, il adjousta des menaces épouvantables, qui feurent depuis effectuées en son fils Roboam, son successeur.
De vérité , Salomon ayant engravé en son cœur de si haultes promesses d'ung costé , et de si terribles menaces de Taultre , se gouverna assez long temps en la voye du Seigneur, et lors il feit des choses admirables, feut chéry et obéy de tout son peuple, vesquit pendant ce temps en une profonde paix, laquelle luy acquit des richesses inumérables.
Son alliance et amitié feut recherchée de tous les princes de son siècle, et n'y avoit court en toute la terre où ne feust mémoire de la grandeur, justice et sapience de Salomon.
Mais par succession de temps, ce prince, qui avoit tant faict de déclaration de l'humaine infirmité; qui s'estoit recogneu composé de chair, de sang, subject à maladies, corruption et à la mort, comme le moindre de ses subjects; bref, qui avoit par des escripts condamné les vanités du monde, se noya finallement dans la mer d'icelle.
Car se vaultrant parmy les délices et voluptés, quittant le servyce du vray Dieu, duquel il avoit reçeu tant de bénédictions, et forlignant
des mœurs de son père, et la fin de sa vie ne correspondant ny au commencement , ny au milieu, Tire de Dieu tomba dans sa teste, qui luy suscita de son vivant de grands ennemys dedans et dehors son royaulme.
Mais celuy qui luy feit le plus de mal feut ung qui avoit esté nourry, aggrandy et eslevé en sa maison, nommé Hiéroboam, qui estoit superintendant de toutes ses finances , homme puissant et courageux , auquel le prophète Ahias annonça qu'à cause des iniquités, impiétés, injustices de Salomon , qui avoit esté si ingrat que d'abandonner son servyce pour suyvre des dieux estrangers et faire injustice à son peuple, il le faisoit roy de dix lignées d'Israël, dont les douze faisaient le tout, et continueroit le sceptre en sa maison, pourveu qu'il suivist les traces de David son bon serviteur, qu'il aimast justice sur toutes choses , et qu'il ne transgressast poinct sa loy ny commandemens.
Car en cas de transgression, le Seigneur le destruiroit et extermineroit sa maison de la face de la terre, surseoiroit néantmoins l'exécution de l'ire esternelle jusqu'après la mort de Salomon, à cause de la promesse faicte à David son servyteur, qu'il n'auroit poinct d'aultre successeur; mais son fils en porteroit la pénitence , auquel seulement demeureroient deux lignées, et ce.
pour Tamour et en faveur de David son grand père, et de la ville de Hiérusalem, en laquelle Dieu avoit choisy son habitation.
Tout cela feut effectué: car Salomon estant mort , et Roboam prenant le conseil de jeunes estourdiz, et entre aultres d'ung Aduram, superintendant de ses finances, homme audacieux, violent, avaricieux et grand exacteur, qui au mesme temps feut lapidé par le peuple mutiné à cause de cruelles menaces de ce jeune prince ; dix lignées se révoltèrent de son obéyssance, et créèrent Hiéroboam pour leur roy, lequel eust eu ce grand royaulme sans coup férir, et d'une grâce spéciale du Tout Puissant, feut néantmoins si meschant, ingrat et détestable, que mesprisant les commandemens de Dieu, adorant les idoles que luy mesme avoit faict fabricquer , et avec ce contraignant ses subjecls à faire comme luy, le prophète Adon luy feut envoyé de la ville de Hiérusalem , qui luy dict qu'il seroit ruyné dans peu de temps, et ne demeureroit ung tout seul de sa race, pour avoir faict injustice, coureu aux idoles, et laissé le servyce du vray Dieu, son créateur et bienfaicteur, et que ses os mesmes ne demeureront en paix: ains viendroit en temps et en saison ung nommé Josias, de la race de David, lequel destruiroit tous les temples des faulx dieux , brusleroit les
OS des faulx prophètes sacrificateurs sur les os mesmes de Hiéroboam, et sur l'autel par luy dressé ; restaureroit le pur servyce de Dieu , et régneroit avec équité et justice , en grande paix.
Toutes ces menaces feurent depuis effectuées, comme nous dirons eu son lieu.
Quant à Roboam, qui veoyoit son grand royaulme réduict à deux douziesmes par son orgueil , présomption et violence, il feut quelque temps assez bon et modeste prince , s'estant faict saige à ses despens et propres dommaiges , gouverna son peuple avec justice , et le retint au servyce du vray Dieu; mais son mauvais naturel ( tout ainsy qu'une beste féroce eschappée des liens ) retourna bien viste , comme ce prince se veit en quelque prospérité :
Toile periclum, Jam vaga prosiliet fraenis natura remotis.
Car alors il s'abandonna à faire toutes sortes de meschancetés , injustices et tyrannies , et à mespriser la vraye religion, de sorte qu'il attiroit aussy le peuple à le suyvre : comme de faict telle est la condition des choses humaines , ainsy que nous l'avons déjà dict.
Que si les mœurs des princes et magistrats sont corrompeues , les subjects ne fauldront jamais devenir du tout despravez et dissoleus; au
lieu que la modestie, la piété, la justice des roys et des princes doibvent servyr de bride à leur peuple, pour le retenir en quelque sobriété, debvoir et honnesteté, et debvront estre ung modèle pour le corriger, duire et policer à une vie sans reproches.
Aultrement si les subjects, disent Josèphe et Lactance, ne font de mesme que les seigneurs et roys, il semble qu'ilz leur reprochent leurs vies, dissolutions et meschancetés, et réprouvent formellement ce que les princes font, ne les voulant pas imiter, comme il s'est veu manifestement durant le règne de Roboam, soubs lequel le peuple mesprisoit avec audace et présomption les loyx et ordonnances divines et la vraye religion , de peur d'offenser son roy en faisant ce qui estoit bon , juste et pieux.
C'est pourquoy Dieu , qui luy avoit déjà justement osté les dix lignées , luy suscita ung grand et puissant ennemy, Saces,roy des Egyptiens, qui le vint assiéger dans la ville de Hiérusalem, contre lequel il n'eut jamais l'asseurance de se deffendre, parce que Dieu le vouloit justement punir, et pour ce luy avoit et à son peuple abatteu le couraige, de manière que bien que la ville eust esté prinse par composition , néantmoins la foy ne feut pas gardée à celuy qui ne l'avoit pas gardée à son Dieu, et feut le temple pillé, et les
ia4 TRAITÉ
thrésors royaulx et du public gardez tant d'années, avec les vases sacrez qui y estoient, de prix inestimables, ravis et emportez; et depuis ce temps Roboam, que Josèphe appelle orgueilleux et sot (vices qui vont tousjours de compaignie), qui auroit deu, s'il eust esté bien saige, régner en ung grand et puissant royaulme , feut réduict au petit pied, et vesquit le reste de ses jours clos et couvert, et avec craincte perpétuelle, en ung foible et bien petit estât.
Les roys ses successeurs (peu exceptez) ont prévariqué, et n'ont eu la crainte de Dieu ny Tamour de leur peuple, se sont esloignez de toute piété et justice, et se sont plongez dans l'ordure de l'idolastrie , mesme y ont contrainct leurs subjects, les ungs par tourmens et divers supplices , et les moins maulvais par bannisseraens et confiscations de biens.
Aussy ont ilz esté en perpétuelle vexation, troubles et guerres, eulx et leurs peuples, jusques à l'heureux advènement de Josias , petit fils de Manassès , ce grand persécuteur des fidelles, et fils d'Amon, qui ne valoit guères mieulx.
Ce jeune prince n'avoit, de vérité , que huict ans quand il commença à régner ; mais il estoit de très bonne nature et né à la vertu, laquelle, en quelque aage que ce soit, produict tousjours de bons et délicieux fruicts , qui sont d'aultant
plus Utiles et profictables au genre humain, que ceulx dont ilz procèdent sont eslevés en plus grandes charges et dignités.
Josias donc succédant à tant de maulvais princes trouva toutes choses en confusion , tant pour la religion, justice, que police, les cœurs de ses subjects tout aliénez, et prests à se révolter, à cause des cruaultés et maulvais traictemens par eulx receus de ses grand père et père, dont les playes estoient encore ouvertes, leur monstra dès le commencement des traicts de sa bonté et bénignité si certains, qu'il leur amollit le couraige , et feit bien espérer de son gouvernement; et pour prendre une formulaire de bonne vie, il se proposa l'exemple de David pour l'imiter en tout et partout à son possible.
Et de faict , comme il eut atteint l'aage de douze ans, il rendit tesmoignaige en singulière espreuve de sa justice et vraye religion , et postposant toutes considérations humaines, et les remuemens dont on luy vouloit faire peur, se résoleut, enflammé de l'amour divin , et muny des armes d'innocence et de bonne conscience, bannir toute idolastrie de son estât, feut cause que le peuple rejeta les erreurs des faulx dieux, et embrassa le pur servyce etobéyssance du vray Dieu.
Ainsy rejettant les superstitions de ses prédécesseurs , il corrigeoit toutes les faultes qui
avoient par eulx esté faictes , en remesdiant avec autant de sagesse et maturité que s'il eust esté en soixante ans d'expérience.
Au reste , il ne troubla rien de ce qu'il trouva en bon estât, ains luy niesme l'observa tout le premier, comme il faisoit de toutes ses loyx; et afin que personne ne peust prendre aulcune excuse, qui seroit accusé de la transgression d'iceiles.
Dadvantaisre il se conduisoit en toutes choses non pas tant par sa prudence naturelle que par les admonitions et conseils des aultres, mesmement quand il estoit question d'ordonner du servyce de Dieu et des affaires publics , de manière qu'il ne pouvoit faillir; comme au contraire ses prédécesseurs se destournant des ordonnances de Dieu s'estoient ruynez eulx mesmes et leurs subjects.
Et pour ne rien laisser en arrière de ce qui appartient au debvoir d'ung bon roy, il constitua par toutes les villes de son obéyssance certains judges pour la correction des moeurs et sincère distribution de la justice, et leur commandoit expressément qu'ilz n'eussent moins d'esgard et de soing d'exercer la justice qu'à conserver la vie du roy.
Après tout cela, pour ne laisser aulcune marque de l'idolastrie , il feit destruire les temples
et les autels des idoles , brusier les bois sacrez , les os des prestres et sacrificateurs, et mesme ceux d'Hieroboam , qui feurent avec les aultres bruslez sur l'autel dressé trois cent soixante ans auparavant par son commandement.
En somme il restitua le vray et pur servyce de Dieu par tout son royaulme, et feit avec ce rendre la justice en toute intégrité à ses subjects. Par ce moyen feut appaisée l'ire de Dieu , et feut accomplie en Josias la prophétie qui trois cent soixante ans auparavant avoit esté faicte, qu'il naistroit ung prince de la lignée de David, portant ce nom , qui restitueroit le servyce du vray Dieu selon la pureté de sa parolle.
Est considérable que pendant le règne de Josias, qui feut de trente et un ans, Dieu feut bien servy, le roy bien obéy , son royaulme paisible, luy et son peuple riches. Avec la piété et la justice, toutes choses leur succédèrent à souhait : la raison , parce que fecit quod erat rectum in conspectu Domini, et ambulavit in viis David patris, nec declinavit ad dextram vel sinistram.
Après luy, son fils Joachim et Sédéchias, son petit fils, se destournant de la justice divine, ne la feirent longue , ains eulx et leur royaulme destruit, la ville de Hiérusalem et temples pillez, saccagez, bruslez; Sédéchias, après avoir pre-
mièrement les yeiilx crevez , feut avec ung grand nombre de peuple ignominieusement traduict et mené en la ville de Babylone , où il moureut en grande langueur; et dura ceste captivité soixante et dix ans, comme il avoit esté prédict par Jérémie, le livre duquel l'impie Joachim avoit faict brusler, et l'auteur auroit depuis esté cruellement traicté par la tolérance de Sédéchias, qui s'estoit laissé transporter aux passions de ses détestables courtisans pour assouvir sur luy leur raige, au lieu qu'il le debvoit récompenser et protéger envers et contre tous. Mais les dérisions, les injures et les supplices sont les récompenses ordinaires des tyrans envers ceulx qui leur donnent de bons et salutaires conseils, et ne feront jamais de bien qu'à leurs semblables, et le plus souvent à ceulx qui les trahissent.
De tout ce que dessus, nous, nous , dis je, qui sommes chrétiens, et conséquemment plus obligez que les infidelles et idolastres à l'observation des divines ordonnances, pouvons tirer deux ou trois belles instructions pchir nostre consolation et contentement.
La première, que l'impiété et l'injustice ne vont jamais l'une sans l'aultre : Ejusdem fontis et caiisœ impium esse erga Deum, et injustum erga homines. Et ne verrez jamais injuste qui ne soit contempteur de Dieu et absolument
DE LA RÉFORMATION DE LA JUSTICE. lîQ
meschant,qui ne soit injuste envers les hommes.
C'est pourquoy David instruisant son fils Salomon peu de jours avant son déceds, réduict tousjours sa remonstrance à ces deux articles, à sçavoir, qu'il se gouverne en son royaulme en toute piété et justice, et ne se lasse poinct de les luy répéter pour monstrer que tout ce que l'on pourroit donner d'enseignement pour bien gouverner ung peuple, revient et tombe tousjours sur ces deux vertus.
Aussy, de vérité, l'homme craignant Dieu, quelque grand, médiocre ou petit qu'il soit, ne veult jamais offenser ny faire tort à son prochain, à ses biens, sa vie ou son honneur, ny à chose quelconque appartenant à luy.
D'aultre part, l'homme juste sçait que le premier debvoir consiste à aimer, servyr son Dieu et suivre ses commandemens.
Le deuxiesme , c'est d'aimer son prochain comme soy mesme, et praticquer envers luy ceste loy de nature, de laquelle il a esté suffisamment parlé au second livre. Le premier degré de justice, et qui luy appartient, s'appelle religion; le second se praticque envers l'homme , et s'appelle justice particulière.
Ce n'est donc pas sans cause si tous les anciens, et nous avec eulx, tenons pour maxime infaillible que la piété et la justice sont deux pi-
