I. Inéd

l30 TRAITÉ

vots sur lesquels tournent tous les estais du monde.

La seconde instruction est que tous les princes soubverains doibvent postposer toutes considérations humaines quand il est question de l'honneur de Dieu et de la réformation de la justice, parce que c'est la cause de Dieu; et pourveu que les princes soient poussez d'ung vray zèle, qu'ilz ne peuvent cacher à l'Eternel, sans double, il leur donnera la force , les moyens et les conseils propres et convenables pour faire sans peine réussir leurs desseings et sainctes intentions ; sinon il fault croire qu'ilz n'y marchent pas de bon pied , et ont des respects aux choses terrestres , au lieu de destourner leurs sens , leur zèle et leurs vœux au ciel.

Dieu veult tout nostre cœur ou rien; il ne veult poinct estre servy à demy, et faict selon qu'il nous trouve disposez envers luy ; mais pour le moins, le deffault vient tousjours de nous mesmes.

Pour troisiesme instruction, je dis qu'il ne tient jamais qu'aux princes soubverains qu'ilz ne soient riches , puissans , aimez et obéys de leurs subjects , et pour le comble de toutes félicités agréables à Dieu le créateur, à sçavoir, en praticquant eulx mesmes tous les premiers, et puis faisant fort aisément à leur exemple praticqiier

UE LA RÉFORMA.TION DE LA JUSTICE. l3l

par leurs subjects ces deux vertus , piété et justice, c'est à dire rendre à Dieu ce qui est à Dieu , et aux hommes ce qui leur appartient , en commençant aux plus grands, et de degré en degré descendant jusqu'aux plus petits, qui sont, à vray dire, les liens de la société publicque.

Quand le monarque faict le debvoir de bon prince en commandant en équité et justice, et les subjects obéyssant avec humilité et en toute fidélité, et iceulx rompeus,il faut, par nécessité, que tout aille pesle mesle, en désordre, ruyne et confusion universelle.

Ces disgressions , qui, certes, méritoient ung volume entier si mon intention principale tendoit là , ne seront poinct mal receues ny estimées hors de propos par les esprits sains et enclins aux biens, qui trouveront en tous ces exemples la suite de l'histoire sacrée que j'ai fort succinctement touchée, selon la nécessité de mon argument, de la consolation pour les exciter de tant plus aimer la justice , ne se lasser jamais de bien faire et de vivre le plus innocemment qu'ilz pourront; car tost ou tard, de façon ou d'aultre, ilz auront leur rétribution.

Pour les malins, les orgueilleux, les meschans, c'est ma gloire de leur desplaire, et me veulx passer de leur faveur , grâce et recommandation ,

l32 TRAITÉ

quels qu'ilz soient , tant qu'ils demeureront en leur injustice, orgueil et présomption.

Si Dieu leur touche tellement le cœur, qu ilz soient redressez et en bon chemin, ilz seront les premiers pour se joindre à mes vœux en ce sainct œuvre, et il arrivera qu'ilz entonneront bien plus que moy les louanges, grandeur, pouvoir et utilité de la justice , qui est l'ung de mes plus grands souhaits. Dieu sçayt si j'ay aultre chose au cœur qu'à la langue.

Or, puisqu'il demeure pour constant et chose véritable que la piété et la justice ne s'abandonnent jamais , et que par leur présence elles causent toutes sortes de prospérités et bénédictions où elles sont, d'où vient que les hommes sont si ennemys d'eulx mesmes de se priver de si grands biens , et de courir à bride abatteue aux impiétés et injustices, qui tost ou tard les précipitent dans ung abysme de misères et confusions ?

La raison est parce que la pluspart des hommes destituez de craindre Dieu, et despouillez de tout amour envers le prochain, sont possédez d'ung si grand aveuglement par l'amour d'eulx mesmes, sont si brutaulx et sensuels, qu'au lieu de suyvre la raison qui doibt estre le guide et le flambeau de toutes les actions humaines, commander et dompter vertueusement leurs cupi-

DE LA RÉFORMATION DE LA JUSTICE. l33

dites et appétits déraisonnables, au contraire leur laschent la bride , et se laissent emporter comme vrayes bestes brutes à leurs passions et volontés effrénées , de manière qu'au lieu de protéger l'innocent et d'aimer leur prochain, c'est à dire l'homme créé comme eulx à l'imaige de Dieu , ainsy que la justice divine leur commande , ilz luy font mille et mille outraiges, luy ravissent ou son bien ou son honneur et bonne renommée , ou la vie, ou quelque chose à luy appartenant, par avarice, par envie, par orgueil , par ambition, par cruaulté, vengeance ou aultre mal façon; et tant plus les meschans ont de pouvoir et ne sont reteneus par les resnes des loyx et Tauthorité des magistrats et de la discipline publicque, tant plus font ilz de maulx, d'injustices, d'oppressions et de violences.

Et il arrive que sur les plainctes de telles oppressions, ceulx qui font rendre le droict à ung chascung dissimulent l'injure par craincte , par faveur, par corruption, et qui pis est dédaignent d'ouyr des complaignans , ou s'ilz les escoutent, c'est bien souvent pour leur faire quelque affront, pour les baffouer et se mocquer d'eulx, de sorte que l'innocence opprimée qui bien souvent se veoit despouillée de son ancien patrimoine, ou aultrement offensée et outragée par la grandeur d'une puissante, riche t:l forte partie favorisée

par les judges et magistrats soubverains ou aultrès, qui pour le deu de leurs charges, et s'ilz estoient gens de bien luy en debvoient faire la raison, ne sçayt plus à qui avoir recours; et comme les âmes innocentes se veoient destituées des moyens ordinaires et de tout secours humain , elles ont leur recours à Dieu, lequel finablement exauce les prières de la veufve, de l'orphelin et aultres personnes misérables injurieusement traictées par les puissances de luy çà bas ordonnées.

Les aultres, qui n'ont pas de reteneue, tant de raison ny de craincte de Dieu, se jettent bien souvent en d'estranges désespoirs; et en ceulx cy se vérifie le commun proverbe, que Qui perd le sien, perd le sens. Au demeurant, quand on est veneu à ce poinct, il ne fault plus parler de pudeur ny de respect de loyx , de magistrats , ny supplices quelconques.

Toutes considérations cessent pour leur regard, et comme ung torrent qui descend impétueusement d'une roide montaigne renverse tout ce qui luy faict obstacle, jusqu'à ce qu'il ait pris son cours dans quelque fondrière où il se perd , tout de mesme les particuliers, ou ung peuple désespéré, se précipite dans les périls sans appréhension quelconque, et ne cesse jamais qu'il

ne soit vengé, et bien souvent de ceulx qui n'en peuvent mais, ou qu'il ne soit perdeu.

Il ne fault poinct doubter que l'injure et Tinjustice ne soient les messagères et avant coureuses très certaines de la perte et ruyne des villes , respublicques et royaulmes; car tout aussy tost que la justice en est deschassée, il se fault attendre aux destructions et changeraens tout prochains, comme quand l'œil ou la veue défaillent aux malades, le reste se meurt bientost après.

Et de faict, tant et si longuement que les magistrats qui sont appeliez fort à propos par l'empereur Léon, philosophe, 696a>.jjLol tt; izolireicL^ (les yeulx de la cité), veilleront en leurs charges, et s'acquitteront de leurs debvoirs en l'administration de la justice, on peult bien s'asseurer que les royaulmes et respublicques se soustiendront.

Lorsque nous les verrons corrompeus, concussionnaires, et n'avoir plus de vergoygne à faire justice, concluons hardiment qu'ilz sont bien proches de leur fin.

Le divin Platon, au huictiesme livre de la respublicque, et son sectateur Ptolomée, en son Tripartite,font judgement, par leur supputation et par la révolution du ciel et des astres, de la dis-

l36 TRAITÉ

position, aage et durée des grands estats, cités et respublicques.

Le mesme Platon prend aussy son fondement sur les membres ez quels il imagine une grande force et efficace pour les altérations, conservations ou conversions de mœurs, des polices et des principaultés, et les interprestes de Platon nous ont laissé par escript que le définiment et ruyne de la respublicque ne peult manquer lorsque l'harmonie des membres sera pervertie.

D'aullres ont basty des horoscopes des plus illustres cités, et par icelles faict judgement de la grandeur, succès , bonne ou mauvaise fortune d'icelles; et chascung, comme à l'envi et par une généreuse émulation , s'est efforcé, selon la félicité de son génie , de transmettre à la postérité les marques de ses plus belles et relevées conceptions.

Pour moy, j'honore, comme je doibs, la mémoire, le judgement et les escripts de ces excellens hommes dignes de loz (louanges) immortels ; mais l'on prendra en bonne part si je vise à ung plan plus asseuré, et si je prends de plus véritables théoresmes pour fonder de plus certaines conclusions et déterminations.

Je dis donc que l'histoire sacrée est ma seule et fidelle guide , mon vray but et mon étoile polaire, à laquelle je vise perpétuellement et pour

DE LA RÉFORMATIOW DE LA JUSTICE. l3j

prendre mes mesures bien plus justes que sur les nombres de Platon et aultres conceptions des astrologues.

Or est il que l'Éternel nous a tant de fois advertys et faict à sçavoir par sa propre bouche et aussy par l'organe de ses prophètes , que les principaultés de la terre luy appartiennent , et non à aultres, et qu'il les distribuera à qui il luy plaira, veoire les donnera aux petits et moins estimez d'entre les hommes pour confondre et abattre l'orgueil et punir les impiétés et injustices des grands du monde; qu'il n'y a plus lieu d'en doubter, et mesme d'en disputer après tant d'arrests soubverains, tant de sacrez et divins oracles , Regnurn a gente in gentem transferetur, propter injustilias , contumelias et diversos dolos. Et en sainct Mathieu, notre divin Rédempteur dict aux Juifs : Auferetur a vobis regnum Dei, et dabitur genti facienti fructus ejus.

Tant y a qu'il fault croire que l'injustice et la perfidie sont signes infaillibles ou que Dieu ostera l'empire au prince ou le prince à l'empire, comme on veoit pour les princes Pharaon, Shennacherib , Hieroboam , Sédéchias , et pour les royaulmes et estats monarchiques, Babylone donnée aux Perses, les Perses aux Grecs, et la Grèce aux Romains, et des Romains le dénombrement et dispersion de ce grand empire en

l38 TRAITÉ

plusieurs pièces et petits estats, respublicques et principaultés.

Je suis contrainct de trancher court et de toucher seulement aux principaulx chefs, afin de vérifier mon argument, lequel est en son propre lieu suffisamment esclaircy, tant par raisons que par exemples; et les studieulx trouveront de quoy y contenter et satisfaire à leurs honnestes curiosités, s'il plaist à la divine bonté adjouster encore à ma course quelques années, et me faire la grâce d'y mettre la dernière main.

Mais, puisque nous sommes sur le poinct des ruynes et bouleversemens des estats du monde pour punition des impiétés et injustices des hommes, il est bien certain que le plus grand qui feust jamais, c'a esté celuy du déluge universel.

Ce ne feut pas une ou deux parties, ce feut toute la terre qui porta la punition de l'ire du Tout Puissant. Et sur ce subject, je ne vous veulx cacher une belle conception, qui me semble bien à propos pour confirmer tousjours mon argument, et faire veoir que l'injustice est tellement odieuse à Dieu, et la justice, d'aultre part, luy est si agréable, qu'à l'occasion de celle là, il Ta des truicte, pour Tamour de celle cy, il répare et restaure tout.

Qu'ainsy ne soit , l'Histoire Saincte nous apprend que ce déluge effroyable vint sur la terre

et noya tout, à cause des impiétés et injustices des hommes; et puis, entre tous les hommes de ce temps là, c'est chose estrange qu'il ne s'en trouvast qu'ung seul digne de la grâce et miséricorde de l'Éternel, lequel il réserva pour la restauration du genre humain.

Le Tout Puissant pouvoit tout d'ung clin d'œil abymer tout l'univers, et conséquemment tous les hommes : il en vouleut sauver ung; mais quel, je vous prie? feut ce ung géant? feut ce ung homme de grande apparence, fort et puissant, vaillant de sa personne , tel que ce siècle le portoit? Rien moins. Ce feut ung homme de petite monstre, selon le monde, qu'il choisit; mais il estoit selon son cœur. Pour quoy cela? parce qu'il estoit juste. Soubs ce mot, vous assemblez en ung rond et comprenez toutes les vertus et bonnes conditions qui peuvent estre.en l'homme.

C'estoit pour monstrer aux successeurs et postérités du juste Noé deux choses grandement remarquables : la première, la plus propre et nécessaire vertu, pour donner pied et asseurer fondement à toutes nouvelles sociétés, estats et respublicques, c'est la justice; elle est l'ame de la cité, et ne peult, non plus que le corps sans ame, vivre ny subsister tant soit peu sans l'assistance d'icelle : la seconde, à ce que les hommes eussent tousjours devant les yeulx la mémoire du cour-

roux et indignation de Dieu, et qu'ilz eussent à se garder d'y retomber par leurs impiétés et injustices, lesquelles perpétuellement seront tost ou tard cause des ruynes de leurs maistres.

Voilà ce qui concerne les injustices en général, et les remuemens, bouleversemens et ruynes d'estats qui en procèdent.

Pour les injustices, outraiges et violences particulières, il ne s'en doibt jamais faire moins souffrir, et les laisser impunies en ung estât policé.

Car il n'y a rien qui mette plus tost aux champs ung homme de bien et de grand cœur, et qui ait l'honneur à la teste, que de se veoir réduict en ceste extresmité, d'estre injurié, outraigé et offensé en ses biens et surtout en son honneur; et si on pouvoit tirer raison par justice de ceulx qui tellement la luy doibvent, qu'ilz sont indignes du rang qu'ilz tiennent, s'ilz ne la luy rendent; si cest homme vit en une respublicque , il ne cessera jamais d'en poursuyvre la raison, quand bien il debvroit quand et quand attirer la ruyne d'icelle ; il n'a rien devant les yeulx que la vengeance, qui l'aveugle tellement, que le danger de sa personne, de sa femme, de ses enfans, de ses amys et de sa patrie, ne luy sont rien au. prix de l'injustice par luy receue, et de l'impunité qui est ce qui plus l'offense et qui luy donne la mort au cœur.

DE LA. RÉFORMATION DE LA JUSTICE. ll^l

Que s'il est soubs ung prince , et qu'il se veoie la porte de la justice fermée, et l'injustice, non seulement supportée et impunie, mais, qui plus est, triompher de sa despouille, du bien et de l'honneur d'aultruy, comme on veoit ez estats, où l'injustice domine, jamais il n'aura de repos qu'il ne soit vengé , se deust il perdre mille fois. Fitœ iuœ dominus est quisquis suam contempserit. On ne sçauroit représenter ung exemple phis formel que de Philippe de Macédoine, père du grand Alexandre.

Il y avoit en sa cour ^ung nommé Pausanias, jeune, beau et fort accomply, lequel avoit receu ung outraige et vilainie grandissime en sa personne par Atlalus, l'ung des plus grands et favorisez seigneurs de la cour; aussy estoit il beau frère du roy, et c'est ce qui le faisoit plus hardiment entreprendre des meschancetés.

Pausanias, outré de cest excez qui alloit tout à son honneur, en faict instance au roy, et luy en demande justice. Le roy l'entretient longtemps de paroles en espérance de luy en faire raison , mais ce n'estoit que mines et pour le beffler (baffouer), comme l'événement le monstra; car, au lieu de faire punir ce forfaict et luy rendre la justice, comme son debvoir et la couronne qu'il portoit sur la teste l'y obligeoient, il donna à cest Attalus, qu'il aimoit fort, le gou-

vernement d'une des meilleures provinces de la Grèce.

Ce jeune gentilhomme, veoyant son ennemy mortel eslevé en honneur et en grandeur, au lieu de la punition et supplice deus à ses vilainies et meschancetés, tourna dès lors contre le roy, qui luy avoit desnié la justice, toute l'indignation qu'il avoit conçeue contre celuy de qui procédoit l'injure ; tellement que le propre jour des nopces de la fille du roy avec Alexandre d'Epire, ainsy que Philippe alloit au temple pour les célébrer, appuyé des deux Alexandre, de son fils, d'un costé, et de son gendre, de l'aultre, le vint rencontrer, et le tua de sa main, et Dieu

scait si la feste feut troublée.

L'histoire de Scedasus vient icy fort à propos, et ne la puis obmettre. Scedasus estoit ung pauvre homme, demeurant à Leuctres, petit village du territoire de Thespies; il eut deux filles, appellées, l'une Hippo , et Taultre Meletia.

Ores, estoit ce pauvre homme de fort bénigne nature, courtois et libéral, mesmement aux passans estrangers; encore qu'il n'eust pas aultrement beaucoup de biens. Si récent, ung jour, humainement en sa maison deux jeunes hommes Spartiates, lesquels, espris de l'amour de ces deux jeunes filles, feurent pour l'heure reteneus de rien attenter contre leur pudicité, à cause de la

DE LA RKFORMATION DE LA JUSTICE. l43

bonté et courtoisie de leur père; et, le lendemain, ils prinrent leur chemin vers la ville de Delphes, à l'oracle d'Apollon Pythique; et, après avoir enquis l'oracle de ce qu'ilz vouloient, ilz s'en retournèrent en passant au travers de la Beoce (Réotie), s'en vont de rechef loger chez Scedasus, lequel n'estoit pas lors à Leuctres; mais les filles, pour l'accoustumance de ceste hospitalité, reçeurent ces deux hostes en leur logis.

Les jeunes hommes, veoyant ces créatures seulettes, les prindrent à force, et, après le faict, les trouvant si outrées dentelle injure, qu'il n'y avoit moyen de les appaiser, ilz les tuent et les jettent dans ung puits, et s'en vont après ce massacre.

Scedasus retourne, ne trouve poinct ses filles, mais bien trouve il, au reste, tout ce qu'il avoit laissé en sa maison sain et entier, et ne sçavoit plus que dire, jusques à ce que son chien se plaignant et saultant, accourant à luy, puis, le menant au puits, il commença à se doubter de ce qui estoit, et ainsy tira les corps de ses deux filles. Et ayant appris de ses voisins que, le jour précédent, ilz avoient veu entrer les deux jeunes hommes lacédémoniens, qui, quelques jours auparavant, avoient logé chez luy, il se doubta incontinent que ce massacre debvoit venir de leur

l44 TRAITÉ

part, mesmement qu il se soubvenoit qu'à la première fois, ilz ne se pouvoient lasser de louer ses filles, disant qu'ilz réputoient pour bien heureux ceulx qui les espouseroient.

Il s'en alla à Sparte pour en parler aux éphores, et comme il entra sur le territoire d'Argos, la nuict le surprenant, il se logea dans une hostellerie , où il rencontra ung aultre pauvre vieillard , natif de la ville d'Orée , lequel souspiroit et gémissoit, et mauldissoit incessament les Lacédémoniens. Scedasus luy demanda que luy avoient faict les Lacédémoniens, qu'il mauldissoit ainsy.

Le vieillard commence à luy raconter comme il estoit subject de Sparte, et qu'ayant esté ung Aristodemus envoyé gouverneur en la ville d'Orée, il y avoit usé d'une grande injustice et insigne outraige en son endroict; car estant, dict il, deveneu amoureux d'ung mien fils, et veoyant qu'il ne le pouvoit faire ployer à sa volonté, il essaya de le mener par force hors du lieu où il s'exerçoit avec ses compaignons à la lucte.

Le maistre de l'exercice empescha ceste violence à l'aide de plusieurs jeunes hommes, qui accoururent au secours, tellement que, pour l'heure, Aristodemus se retira avec sa courte honte; mais, le lendemain, ayant armé une galère, il s'y en revint, ravit mon enfant, et, traversant la mer jusques à l'aultre rive, il se mit

DE LA. RÉFOllMATTON Di: LA JUSTICE. I^^

en debvoir de le forcer, à quoy l'enfant ayant résisté de son pouvoir, il le tua, puis s'en retourna en Orée; là où il feit, après ce beau chef d'œuvre , ung banquet solemnel avec ses amys. Comme j'eus la nouvelle de ce massacre, je m'en allay faire les funérailles à mon fils.

De là je me mis en chemin vers Sparte, et feis ma plaincte aux éphores; mais ilz n'en ont teneu compte, de manière que je m'en retourne, outré de douleur jusques à la mort.

Scedasus oyant ces grandes et justes plainctes demeuroit fort perplex, se doubtant bien qu'il n'auroit pas plus de justice, et, de sa part, raconta pareillement le désastre adveneu en sa maison à ce bon vieillard, lequel luy conseilla de ne passer pas plus oultre, ains de s'en retourner en la Beoce, et là, faire dresser ung tombeau à ses deux filles.

Toutesfois Scedasus , après plusieurs agitations en son esprit, se résoult d'aller jusques à Sparte, faict sa plaincte aux éphores , lesquelz n'en feirent aultrement grand cas; puis s'adresse aux roys, de là aux particuliers bourgeois, en leur racontant le faict, et lamentant son malheur': enfin , veoyant qu'il n'y gaignoit rien , il se met à courir la ville, levant les mains devers le ciel , et frappant du pied contre terre, il invoque les Fu-