I. Inéd. lo

ries à son secours, et finallement se tue au beau milieu de la ville.

Quelque temps après, les Lacédémoniens en payèrent la folle enchère; car estant si grands qu'ilz commandoient à toute la Grèce, et avoient mis des garnisons dans toutes les villes, Épaminondas , Thébain, tout le premier coupa la gorge à la garnison qui estoit à Thèbes; à raison de quoy les Lacédémoniens feirent la guerre aux Thébains, lesquelz leur allèrent au devant jusques au village de Leuctres, prenant le lieu à bon présaige, parce que là mesme ilz avoient aultresfois esté délivrés. Si advint que les Lacédémoniens feurent entièrement desconfits auprès de la sépulture de ces deux filles.

Et se dict que, devant la bataille, Scedasus apparent en songe à Pélopidas, l'un des chefs de l'armée, qui estoit tout découraigé, à cause de quelques signes et présaiges qu'il interprétoit en maulvaise part, et l'admonesta de prendre cœur, parce que les Lacédémoniens estoient conduicls par le vouloir des dieux, pour y payer la peine qu'ilz debvoient tant à luy qu'à ses deux filles; et luy commander , le jour de devant la bataille, d'immoler une jeune poule qu'ilz trouveroient toute presle sur la sépulture de ses deux filles.

Pélopidas, comme les ennemys estoient encore campez à Tégée, envoya devant à Leuctres en-

DE LA RÉFORMATION DE LA JUSTICE. l[\']

quérir de ceste sépulture ; et en estant deuement informé par ceulx du pays, il y mena son armée, et gaigna la bataille.

Notez par ces exemples que ce qui ne louchoit que deux ou trois particuliers, par la punition desquelz on pouvoit aller au devant de la justice divine , et expier tous ces horribles crimes, a esté faict public et commun à tous les Spartiates, à cause du desny de justice qui généralement a esté faict à ces pauvres et désolez pères; par ainsy, la punition a esté aussy généralle, suivant la sentence d'Hésiode, représentée au commencement de nostre second livre, qui mérite bien d'estre reteneue et soubvent remémorée.

Trente ans après la fondation de Rome , arriva pareil accident que celuy de Philippes de Macédoine, à Tatius, roy des Romains avec Romulus. Quelques genz de guerre , entre lesquelz y avoit des parens bien proches et amys de Tatius , avoient faict quelque butin sur les Laurentins, meurtry et blessé ceulx qui se seroient mis en deffense, non par voye d'hostilités, car ilz estoient alliez aux Romains , mais par vray brigandaige; pour réparation de quoy les Laurentins ayant envoyé leurs ambassadeurs , ces meurtriers voleurs eurent tant de faveur et de crédict , que ces pauvres genz feurent contraincts s'en

lO.

l4B TRAITÉ

retourner fort irritez pour raison de ce formel desny de justice. Mais ce feut bien pis tost après, car les coupables, non contens d'aveoir faict ces premiers meurtres et brigandaiges , vont après ces ambassadeurs, les volent pour la seconde fois , et leur coupent la gorge au lict.

Ces actes crioient vengeance devant Dieu et devant les hommes. Pour l'avoir, non seulement les Laurentins, mais tous les aullres alliez qui avoient intérest en ce faict, à cause que le droict des genz avoit esté si méchamment violé, envoyent à Rome leurs ambassadeurs demander justice ou dénoncer la guerre.

Les Romains, qui ne vouloient poinct soustenir la guerre fondée sur une meschante cause, pour leur regard condamnent les coupables à estre mis entre les mains des ambassadeurs laurentins, pour en faire eulx mesrhes la justice telle qu'ilz verront bon estre; et feut l'arrest prononcé par Romulus.

En exécution de cest arrest, les coupables, pris, liez et garottez , feurent mis entre les mains des ambassadeurs.

Mais Tatius se monstra si partial et passionné en ce faict , sous Tombre d'aulcungs siens propres parens et amys, comme j'ay dict, qui estoient du nombre , qu'il les feit retourner par les chemins ; mais telle injustice luy cousta la vie.

Pœnam illorum in se ipsum vertit^ dict Tite Live; car bienlost après, s'estant acheminé à Lavinium, pour y faire ung sacrifice solemnel, il feut assommé à coups de pierre devant l'autel , par les intéressez et par ceulx là mesmes qu'il avoit empesché recevoir justice; et ce qui est remarquable, les meurtriers feurent depuis absoulz par judgement mesme de Romulus, comme ayant eu juste cause de ce faire, pour n'avoir peu obtenir justice de celuy qui la leur debvoit.

Et afin de faire cognoistre à toute l'Italie qu'ilz estoient innocens des meurtres, torts et outraiges faicts aux Laurentins , et du droict des genz violé, il condamna par contumace tous les coupables, sans port, fabveur ni acceptation d'aulcungs, et feurent banniz à perpétuité.

Geste satisfaction , qui avoit grande apparence de justice, contenta les alliez si bien, qu'il n'y eut aulcung trouble ni remuement pour ce regard.

Environ deux cent soixante dix ans après, survient ung aultre faict à Rome, lamentable et prodigieux, qui feut l'origine d'ung merveilleux remuement de Testât romain; et toutesfois, comme il arrive presque tousjours, feut cause d'ung grand bien et d'une réformation publicque : ex malis morihus bonœ semper leges natœ sunt. Et fault quelquefois qu'ung grand désordre, scan-

IDO TRA.ITÉ

dale et désastre survienne, pour, sur les ruynes d'iceluy, establir ung bel ordre et quelque nécessaire et profictable police.

Mais c'est ordinairement aux dépens de ceulx dont procède le désordre, comme au faict présent , qui feut que la ville de Rome s'estant soubmise sous le gouvernement de dix hommes, et changé la police, qui se portoit beaucoup mieulx soubs les consuls, magistrats annuels, lesquelz, de vérité , ont esté cause de la grandeur des Romains ; ces dix hommes usèrent la première année fort modestement de leur authorité, afin d'estre encore continuez l'année suivante; mais comme ilz feurent affriandez à ceste authorité et puissance absoleue de commander, il n'y eut plus moyen de les réduire à l'ordinaire : ains se veoyant la force en main , se résoleurent de continuer en leur magistrature, encore avec une si effrénée licence, qu'Appius Clodius, le plus grand et noble de tous, renversoit toute discipline publicque, usoit tyranniquement de sa puissance, et faisoit des injustices innumérables.

Entre aultres, son malheur vouleut qu'il se passionast oultre mesure au faict de l'infortunée Virginie , et vouleust , contre toute raison et tout ordre de justice, estre judge et partye en ceste cause, sans qu'aulcunes remonstrances, conseil de ses amys, qui préveoyoient ce grand orage.

DE LA RÉFORMATION DK LA JUSTICE. l5l

lequel tomba sur sa teste et le perdict, luy et sa maison, ny raison quelconque qu'on luy pust alléguer pour le destourner de cest infâme dessein, l'en peust jamais desmouvoir. Adeo obcœcat animos fortuna , quurn vim suam ingruentem infriîiginon vult. «Tant la fortune, dict Tite Live, aveugle les esprits quand elle veoit son dessein estre destourné ou empesché. »

C'est l'opinion de Tite Live et des payens ; mais les chrestiens sont bien mieulx instruicts, qui ne recognoissent poinct d'aultre fortune que le Dieu tout puissant, lequel dispose des choses humaines selon sa sapience et bonté paternelle, et selon que les hommes mortels, ses créatures, se rangent ou se destournent de sa volonté et saincts commandemens.

Le sieur d'Argenton l'avoit appris à bonne escole, quond il dict qu'on ne sçauroit prendre plus certain argument de la prochaine ruyne d'ung prince ou d'aultre personne de marque, que lorsque Dieu luy diminue le sens et l'entendement, et faict qu'il abhorre et fuit le bon et profictable conseil que les genz de bien, saiges et expérimentez, luy donnent; et, au lieu de le suivre, croit sa folle fantaisie et opinion, ou le conseil des genz estourdys, virolens, desraisonnables et meschans.

Car quand vous veoyez cela advenir, concluez