I 52 TRAITA

hardiment, dict il , que Dieu luy prépare sa ruyne et juste punition; ce qui, dis je, feut bientost vérifié en la personne d'Appius.

Car Dieu voulant deslivrer le peuple de ce tyran et ses compaignons, qui faisoient gloire de fouler aux pieds les loyx dont ilz avoient esté créez les protecteurs et comme dépositaires, et de renverser l'ordre de la police et de la justice, permet qu'il s'aheurta au faict de Virginia, et donna contre elle judgement de condamnation, par lequel il la déclaroit de servile condition, et l'adjugeoit à ung sien affranchy, homme par luy aposté, qui despendoit entièrement de luy; faisant, comme il a esté dict, office de judge et partye tout ensemble ; dont le père de la fille , nommé Virginius, citoyen romain de médiocre condition, mais d'ung coeur haultain et magnanime, estant oultré jusqu'au mourir, et veoyant que la force et la violence l'emportoit , que la porte de justice luy estoit fermée, et sa fille, soubs voile de justice, sur le poinct de perdre son honneur et sa liberté tout ensemble , se résoleut à une estrange et lamentable extresmité.

Car, comme il passoit par devant la boucherie, il se saisit d'ung grand couteau d'ung boucher, et faisant semblant de dire le dernier adieu à sa fille, il l'embrasse, et, au mesme instant, passe

le couteau au travers du cœur de ceste pauvre créature, le corps de laquelle feut promené par toute la ville, puis porté et arresté au milieu.de la grande place, accompaigné de parens et amys de la deffuncte, et d'une grande multitude de menu peuple , mutiné pour raison de ceste injustice là , et d'infinies aultres qu'ilz avoient receues de ce décemvirat.

Et pour le regard du père, sort de la ville tout forcené, avec ce couteau sanglant à la main, s'en va trouver l'armée qui n'estoit pas loing, met l'alarme au camp, et, malgré tous les chefs, la faict révolter ; amène toute la gendarmerie à Rome, sans néantmoins offenser aulcungs citoyens, excepté Appius et aulcungs de ses compaignons , qui n'attendirent pas leur condamnation , ains eulx mesmes advancèrent leur mort.

Leurs compaignons et complices s'enfuirent, et le procez faict et parfaict à tous , et leurs biens confisquez , tout Testât de la respublicque feut changé, et du décemvirat, duquel on avoit expérimenté la tyrannie , on retourna au gouvernement consulaire, souhs lequel l'empire romain monta au faiste d'une majesté et grandeur merveilleuse, ayant soubmis soubs le joug de ses loyx presque tout le rond de la terre; et continua en ceste prospérité et bonne fortune, jusqu'à ce qu'au lieu de la justice des Romains, qui

l54 TRAITÉ

estoit renommée dans tout l'univers, la respublicque feut changée en toutes sortes d'injustices, par le luxe et l'avarice qui se mesia parmy les ordres.

Au peuple, il n'y avoit rien si chaste, si sainct, si précieux , qui ne feust vénal et achepté , non par la vertu, sçavoir, intégrité, capacité, ny aulcunes belles qualitez, mais au prix d'argent, de sorte qu'il n'y avoit plus que grands larrons qui feussent advancez aux charges, honneurs, dignitez et gouvernemens des villes et provinces , où ilz faisoient des ravaiges , desgats et concussions, et mesnages admirables, et pour leurs injustices aliénoient les volontez et affections des peuples.

Les crimes demeuroient impunis, et par argent on se tiroit des mains des judges, et n'y avoit si grande meschanceté qui ne feust couverte; bref, la vertu, l'intégrité, le sçavoir sans argent estoient imputés à sottise, lascheté, niaiserie et vitupère.

Mais ceste vénalité leur cousta leur ruyne totale, et renversa ce grand empire, qui avoit triomphé de toutes les nations, comme sera desduict en son lieu.

Et, pour reprendre nostre thesme, nous dirons que l'injustice tost ou tard paye son maistre, quel qu'il soit; et tant plus il est puissant, tant plus est grand le danger qui le talonne. Il s'en

DE LA RÉFORMATION DE LA JLSTICE. l55

fault garder comme d'ung Scylle, d'ung Charybde, ou aultre écueil ou rocher, contre lequel l'on ne peull jamais choquer son vaisseau, qu'il ne soit fracassé et mis en pièces.

L'heureux Auguste le cognent bien ; et depuis qu'il se feut rendeu paisible en son estât , n'y eut jamais ung plus grand justicier. Ipsejus dixit assidue, et in noctem nonnunquam, si parum corpore valeret, lectica pro trihunali collocata vel etiam domi cubans. Dixit autem jus non diligentia modo siimma, sed et lenitate.

On remarque de luy une chose merveilleusement louable , et à quoy les princes soubverains, mesmement ceulx qui sont chrestiens, debvroient bien prendre garde et en faire leur profict ; c'est que ce grand prince , qui feut , peu s'en fallut , seigneur du rond de la terre , et régna cinquante six ans entiers en grande prospérité , ne tira jamais qu'ung seul homme d'entre les mains de la justice pour le sauver.

C*estoit ung nommé Castrucius, duquel ilavoit reçeu grandissimes services, et luy estoit fort obligé; encore ne le feit il pas de face, ni en brisant la prison ( comme a esté faict quelquefois par aulcungs princes mal conseillez, et qui doibvent estre asseurez que reddent animampro anima)^ mais avec une grande doulceur et modération, ayant prié fort instamment, finable-

ment obteneu de l'accusateur et partye civile, qu'il se désistoit de l'accusation.

Il ne fault poinct s'estonner si ung puissant empereur gouvernant son peuple avec tant de doulceur, et prenant ung si grand soing et travail à faire justice , a régné si longuement et heureusement.

Tous les princes qui feront comme luy auront ce mesme bonheur; comme, d'auitre part, je ne m'estonne pas si la vie des princes qui ont eu la justice en dérision, ont pris plaisir à toutes sortes d'oppressions, les ont tolérées et supportées, et avec ce ont eu des officiers et magistrats formez à leur patron , a esté, en ce peu de temps qu'ilz ont régné, agitée de troubles, de divisions, guerres civiles et conspirations contre leurs estats et contre leurs propres personnes, et si la pluspart ont eu la fin de leurs jours convenable à leur vie.

Ce sont les fruicts ordinaires qui procèdent des injustices, et ceulx qui ne les aimeront pas, qu'ilz se donnent garde d'en faire les œuvres, car l'ung est consécutif de l'aultre.

C'est une chose estrange, que les hommes s'entrepardonnent la pluspart de toutes les injures et aultres offenses qu'ilz reçoivent les ungs des aultres, ou qui leur sont faictes par leurs supérieurs, ou du moins ilz oublient, avec le temps et avec la douleur du mal qui est passé

long temps, et sortent comme insensiblement de la mémoire. Mais une injustice qui va fort avant aux biens ou à l'honneur de ceulx qui nous appartiennent ne se met jamais en oubly, non pas mesme après la mort de celuy qui Ta reçeue : elle passe de père en fils , elle est transmise à l'héritier pour se la faire réparer en temps et lieu. Tout ainsy que les tigres et les lions ne s'apprivoisent jamais à bon escient, et sans quelque retour et réflexion à leur naturel, tigres et leones nunquam hona fîde mansuescunt , il y a tousjours une garde derrière , ilz retiennent je ne sçays quoy de la sauvagerie, qui facilement leur faict reprendre leur naturel : autant en est il d'une notable injustice reçeue, jamais elle ne s'accoyse (i) tout à faict; celuy à qui elle est faicte ou son héritier s'attendent tousjours de la faire réparer en saison convenable; ilz espèrent que ceulx dont procède Tinjure, qui les ont à opprobre et dérision, et qui triomphent de leurs biens ou de leur honneur, seront finablement appréhendez de la justice divine, qui leur ouvrira les moyens de la venger et en tirer raison ; et verront par effect, qu'il n'y a rien si fluctuant , muable et incertain que l'estre et condition de l'heureux meschant.

(i) Rendre coi, apaiser.

l58 TRA.ITÉ

Raro antecedentem scelestum Deseruit pœna pede claudo.

Ce grand Joab , lieutenant général de l'armée de David, en eust bien sceu que dire, lequel, soubs prétexte de sa grandeur et authorité, avoit assassiné deux grands seigneurs , Abner et Amaza, par une grande lascbeté et trahison. David luy avoit pardonné le premier, et dissimulé le second.

Dieu, qui ne laisse rien impuny, permit qu'il tombast en une troisiesme faulte, ayant conspiré avec Adonias contre Salomon : ceste faulte cy renouvella les deux aultres, et ne les porta pas plus loing. Ains, par le juste commandement de Salomon, il feut tué tenant Tung des coings d'ung autel, auquel il s'estoit réfugié, pensant se sauver soubs la faveur de religion; mais Dieu ne favorise point les traistres, ny les assassinateurs, et, en quelque lieu qu'ilz seront appréhendez, il veult qu'ilz soient punis.

Le mesme arriva à Semey, qui avoit évité la punition des injures et imprécations par luy faictes à David pendant sa fuite, qui ne l'en punit point après son restablissement, parce qu'il luy avoit pardonné.

Mais Salomon, le surprenant en une aultre faulte, le fait mourir pour les deux, et plus grief-

DE LA RÉFORMATION DE LA JUSTICE. I Sq

vement que s'il n'y en eust eu qu'une; et lors Semey recogneut par expérience, dict Josèj)he parlant de luy, que celuy là n'est échappé qui traisne son lien, et de ceulx qui, à poinct nommé, ne sont pas puniz pour leurs iniquités, leurs peines augmentent toujours, s'ils ne s'amendent : et lorsqu'ilz y songent le moins et qu'ilz pensent estre en seureté; lors, dis je, qu'ils dorment sur le duvet d'Epicure, c'est alors qu'ilz sont attrappez <le la justice divine, qui les paye au double, et tarditatem supplicii gravitate compensât.

Nous n'avons pas faulte d'exemples domesticques, des ruynes arrivées à plusieurs familles et maints particuliers, qui ont consommé et consomment leurs biens en procez.

Nous en veoyons qui sont à l'aumosne ; d'aultres qui ne peuvent , à cause des insupportables fraix qui sont en justice, avoir raison de ceulx qui tiennent leurs biens sans aultres droict et tiltres que de bienséance, parce qu'ilz ont affaire à de pauvres vefves, orphelins, paysans, artisans et aultres gens de peu, lesquelz n'osent choquer contre ces milords, qui trouvent des supports, du crédict et de la faveur ez cours soubveraines et subalternes; et ne se rencontrent au siècle où nous vivons guères de personnes de si exemplaires vertus et charité, qui veuillent formaliser, espouser et entreprendre une querelle contre

l6o TRAITÉ

ung seigneur, ung puissant et riche gentilhomme, bourgeois , financier ou aultre , encore moins contre ung officier et personne de quaUté, grande ou médiocre, pour soubstenir ung pauvre malotru, destitué de tout support, aide et faveur, et qui, quelquefois, n'a pas le premier teston pour fournir aux fraix de la justice.

Que s'il se renconstre quelqu'ung d'entre ung cent de ces pauvres gens qui aye le couraige d'intenter une action contre l'ung de ceulx que je viens de dire et qu'à cest effect , il ait vendeu quelque pièce de ses aultres meilleurs héritaiges pour soustenir ce procez, il sera estonné, qu'il aura sué et labouré, et n'aura rien advancé; ou s'il a obteneu quelque judgement qu'il croit définitif, en naistront, comme d'une souche coupée à fleur de terre , une douzaine d'aultres petits procez, comme des rejettons, qui la remettront au beau commencement; et, en fin de compte, le bonhomme trouvera qu'il aura miz du bon argent, comme on dict, avec du mauvais, et qu'il eust beaucoup mieulx faict de se tenir à ce qui luy restoit, et se rédimer, oultre la perte du temps et d'argent, de tant de fatigues, indignités et vexations qu'il fault endurer à la poursuite et sollicitation des procez, qui est l'ung des plus grands fléaux et malédictions qui sçauroit guères arriver à ung homme qui a de l'hon-

DE LA. RÉFORMATION DE LA JUSTICE. iGl

neiir et du couraige, et le pis est quand, avec ce , Ton cuyde avoir reçeu quelque injustice notable.

Car lors, si c'est une personne qui ait la teste extresmement bien faicte , il se la laissera emporter à des passions desreiglées, lesquelles font quelquesfois entreprendre des choses pleines de fureur, de désespoir, dont nous n'avons que trop d'exemples de très fraische mémoire, qui vaillent mieulx teus que miz en lumière

Mais si , diray je bien franchement, qu'il y fault remédier, si nous voulons que Dieu soit pour ' nous; et le remède que nous desduirons cy après pourveoira encore à plusieurs aultres inconvéniens, malheurs et destructions, qui proviennent de l'injustice, veoire mesme en faveur et contemplation, desquels elle a esté faicte par les princes, magistrats et judges corrompeus et préveneus de quelque passion qui les a poussez et induicts à gratifier, favoriser, faire contre raison des advantaiges aux ungs aux despens des aultres.

Cecy semble de prime face ung paradoxe à ceulx qui ne se soucient pas comment^ou de quel costé leur vient ce qu'ilz appellent bien, à tort ou à droict, pourveu qu'ilz en ayent, et ne regardent pas plus loing que leur nez.

Hz laissent, dient ilz, aux philosophes et docteurs de Sorbonne la dispute de l'honneste et déshonneste, de ce qui est licite en bonne con-