I. Iriéd. i

'1^1 [\ THAITÉ

a patience qu'il soit esboiiilly, qu'il repose sur la lie, et soit bien rassis et purifié, alors il le penlt tenir clos et fermé, et s'en peult servyr avec plaisir et en toute asseurance, pourveu qu'il en use avec modestie et sobriété.

Natura vini et hominis est simillima ,

Necesse siquidem meiumque defervescere ,

Necesse despumare sordes plurimas

Et asperum esse post modum, ac vergente jani

.^tate defaecarit aliquis, si bene

Residere , et esse potui aptum , denique

Gratum reddi tempore reliquo omnibus.

Je vouldrois bien scavoir s'il est raisonnable, en façon du monde, que le public boive les fumiers, les fureurs, les ordures, les passions désordonnées qui sont en la jeunesse, laquelle nous veoyons, par expérience, que tant plus elle a de générosité, tant plus a elle aussy de fougues, de fumées et de caprices, et n'y a que l'aage, l'usage et la praticque qui luy puisse apporter la maturité pour bien judger et gouverner aultruy: et quiconque penseroit d'avancer ce que le temps,

Lequel coulant sans faire bruict, A son poinct justement conduict Toute chose qui est mortelle....

comme dit Pindare, nous apporte tout à loisir, il se trouveroit en fin de compte fi^ustré de son labeur ^\ de sa peine pour avoir entrepris une

chose contre l'ordre estably contre nature; et puisque ces dignitez sont affectées à l'aage meur, à la saigesse, la tempérance, la modestie, la suffisance, quelle raison y a de les priver de ce qui est justement deu à la vertu? et pourquoi les jeunes n'auroient ilz la patience d'attendre les grandes charges et dignitez à leur rang, et cependant se rendre instrumens propres pour, en saison convenable, se livrer au public comme les aultres?

Au lieu qu'avant leur mérite, capacité et expérience, on les met pour le prix de leur argent aux compaignies, pour y faire leur apprentissage et espurer leurs ferveurs et bouillons de leur plus ardente jeunesse, aux despends de la chose publicque; et Dieu sçait les maulx, les corruptions, les injustices qui arrivent de telz dé sordres à ceulx qui, par quelques malheurs, tombent en telles mains et soubs la censure d'esprits peu calmes et sereins.

Les anciens avoient une belle discipline pour l'occupation des jeunes gens qui sentoient leur cœur, et avoient envie de bien faire et acquérir de la resputation : car ilz employoient les ungs aux charges militaires, après en avoir premièrement appris le mestier soubs de bons chefs et capitaines; les aultres, qui aymoient les lettres et aspiroient aux magistrats et plus grandes dignitez

piiblicques, suivoient les barreaux et juridictions inférieures, et, quand ilz se sentoient assez forts, se présentoient à la face de ce grand sénat, où ne se plaidoient que causes importantes et exemplaires, et là faisoient cognoistre de quelle marchandise ilz s'estoient chargez pendant le cours de plusieurs années. Les aultres étoient miz aux finances , et s'ilz s'y gouvernoient bien et en sortoient les mains nettes, ilz ne manquoient jamais plus des honneurs de la respublicque; mais, pour le moins, cest ordre estoit gardé de les faire commencer par les charges les moins importantes, afin de recognoistre leur portée, leur esprit , leur conscience , bonne ou maulvaise , et que sy, par l'ardeur et l'impétuosité de la jeunesse, ilz se laissoient aller à quelque vice et corruption, elle n'apportast au pis aller tant de préjudice, que les faultes de ceulx qui ont les fortunes et la vie des hommes entre les mains.

Les potiers de terre font bien mieulx que nous: la chose néantmoins, ou la fauhe qui s'y peult faire n'est pas de grande conséquence ; car, à ceulx qui commencent leur mestier, ilz leur baillent à former ung petit pot, et s'ilz font mal, il n'y a pas grand intérest; mais ilz se donnent bien garde de leur donner ung grand vaisseau à faire : ce n'est pas par là qu'il fault commencer.

Monter tout du premier coup en court soub-

veraine, nullis prias instauratls stipendiis ^ et y judger en dernier ressort de ce que les partyes ont de plus cher au monde , n'est ce pas contre tout ordre, toute discipline, toute raison?

L'on dict que Cynéas, tant qu'il feut à Rome pour traicter l'appoinctement entre les Romains et Pyrrhus, roy d'Epire, prit peine de sçavoir considérer les moeurs des Romains, leur manière de vivre et leur police, en divisant avec les principaulx hommes de la ville, dont il feit après son rapport à Pyrrhus bien au long, et luy dict, entre aultres choses, que le sénat romain luy auroit proprement semblé ung consistoire de plusieurs roys.

S'il y feust veneu ou aultre pour luy cent ans plus tard, il eut bien changé de langaige; car, pendant ceste centaine d'années , la corruption , causée d'avarice , se mesla si avant par tous les ordres de la respublicque , que personne ne pouvoit plus estre ny sénateur, ny chevalier, ny judge de quelconque juridiction, qui n'eust ung certain reveneu.

Senatoriiim ad gradum censas ascenderefacit ^ census Romanum eqaitem a plèbe discernit, censas in castris ordinem promovet, censu in foro judex eligitur.

Ceste ouverture faicte, n'y eust plus de reigle, de pudeur, d'intégrité; elles feurent dès lors

j - TRAITE

foulées aux pieds par les richesses : chascung s'efforça d'amasser de Tor, de l'argent, et n'y avoit si grande meschanceté qui ne feust, pourveu que le profict en vinst.

Les gens de bien, qui pendant les oraiges se tenoient clos et couverts, sans faire tort à personne, non seulement estoient vilipendez, mais encore estoient exposez à l'injure soubs l'ombre de leur probité et modestie; et, s'ilz avoient quelques moyens, ilz ne failloient d'avoir ung calomniateur en teste, et, par l'entremise des judges, qui participoient à ceste injure, les plus innocens se trouvoient opprimez : par ainsy, le public premièrement, puis les particuliers estoient au pillaige et ravaigez impunément.

En somme tout feut miz en vente, la justice rendeue en proportion de l'argent et du crédict que chascung pouvoit avoir; et quiconque vouloit avoir des estats, des gouvernemens et honneurs de la respublicque , il falloit mettre les mains à la bourse; aussy, toutes les plus grandes dignitez estoient lors entre les mains des plus détestables et meschans hommes de ce temps là, qui ne faisoient point de difficulté d'y mettre leurs deniers, parce qu'ilz s'asseuroient bien de s'en récompenser largement aux despens de tous ceulx qui passeroient par leurs mains.

Salluste qui, plus fidèlement et nettement

qu'aulcuiig aultre, descript l'histoire de ce temps là, et prédict la ruyne de l'empire romain par Tiujustice et l'avarice, n'en faict point la petite bouche.

Omiiis potestas et auctoritas reîpublicœ , dict il, est pênes scelestissirnos et flagitiosos ; non facinus^ non probrum^ non flagitium ullum obstat quo minus magistratus captant : quod commodiun est^ trahunt^ rapiunt : postrerno , tanquam urbe capta , libidine ac licentia sua pro legibus utuntur.

Il adjouste après une chose qui n'est pas de petite considération ; c'est que les bons , se veoyant non seulement mal recogneus, mais encore indignement traictez et injuriez, et que les plus vicieux et meschans l'emportent par dessus la vertu , se changent à la parfin et deviennent maulvais, soit par despit, soit par infirmité, et font comme les aultres, de manière que tout est pesle mesle : c'est à pis faire, et à qui trompera son compaignon, pillera, rançonnera, trahira le public ou les particuliers.

Nam ubi cupido divitiavum ùwasit, neque disciplina^ neque artes bonce , neque ingeniurn ullum satis pollet : quin animus magis aut minus mature , postremo tamen succumbit.

Sœpe jam audivi, qui reges , quœ civitates et naliones y per opulentiain magna imperia ami-

serint ^ quœ per virtulem inopes ceperant: id adeo haud mirandum est. ISam ubi bonus deterioreni dwitiis niagis claruin magisque acceptiim videt, primo œstuat, miâtaque in pectbre voluit; sed ubi gloria honore m niagis in dies, virtutem opulentia vincit , anitnus ad voluptatem a vero déficit. Quippe gloria industria alitur : ubi eam demseris, ipsaperse virtus amara atque aspera est: postremo , ubi divitiœ clarœ habentur , ibi ornnia bonavilia sunt .^ fides ., probitas ., pudor, pudicitia.

Gardez donc bien, disoit Philippe en plein sénat, que les bons ne deviennent maulvais, veoyant qu'il n'y a que les meschans advancez en honneur, parce qu'en ces malheureux siècles, personne ne veult estre bon pour néant.

Ne patiamini licentiam scelerum, quasi rabiem ad integros procedere; nam ubi malos prœmia sequujîtur, haud facile quisquani gratuito bonus est.

Que pouvoit on donc attendre d'ung estât si corrompeu, où il n'y avoit que le vice en honneur et resputation , sinon qu'une ruyne universelle qui ne tarda guères d'arriver? Et, après infinis massacres, confiscations, assassinats, pilleries et ravaiges publics, ce grand empire feut, par la divine permission, oslé à ce peuple, qui en avoit tant abusé par son avarice, par la vénalité de toutes les choses, par l'impunité des crimes et par toutes sortes d'injustices.

L'on demande si les choses se sont mieulx portées soubs les empereurs et la monarchie qu'en la respublicque : à cela on ne peult pas respondre en ung mot, parce que, selon les divers naturels des empereurs (i), les affaires de l'empire ont esté bien ou mal gouvernées; mais tant y a que la vérité est telle , que ceulx qui ont aimé le peuple, qui ont esté bons justiciers et ont suivy bon conseil, ont esté bien fidellement servys et obéys , ont esté riches et puissans , ont reigné longuement, et ont eu bonne et heureuse tin.

Au contraire, tous ceulx qui ont esté grands exacteurs , qui ont vilipendé les loyx et la justice, ont vouleu asser^^T leurs subjects, ont vendeu leurs offices au plus offrant , et ont advancé gens indignes aux estats, honneurs et gouvernemens, ont esté contemptibles (mesprisables) et perpétuellement affairez et nécessiteux , ont reigné peu de temps, et la pluspart ont eu fin convenable à leur meschante vie ; et c'est aussy par eulx que ce grand empire, qui s'estoit longuement conservé et mainteneu par le bon ordre des loyxetdelajustice,aesté deschiré,perdeuet ruyné par les injustices, oppressions et maulvais ordre , comme nous avons faict veoir cy dessus.

A quoy j'adjousteray ce qui sera pour la jus-

(i) Montesquieu a franchement résolu la question.

tification de mon dire, afin qu'ung chascung cogiioisse, comme dans ung tableau, Thistoire et les \Ta\ es causes , tant de la conservation que de la cheute de tous estais, et tousjours de mesmes causes mesmes eflects, qui n'est pas une petite instruction, que je ne me puis lasser de répéter, et Dieu veuille que les grands du monde, qui ont plus d'intérest que tous aultres, en puissent faire leur profict.

Nous commencerons par Auguste, qui feu t si accord, après l'usurpation de l'empire, et après avoir rangé par force ou par amour tous ceulx qui luy pouvoient nuire, de policer son grand estât par bonnes loyx , que luy mesme observa tout le premier, feit sur toutes choses reigner la justice, récompensa la vertu, punit lesmeschans; feut naturellement remply d'une grande clémence, laquelle il praticqua quelquefois fort à propos; establit ung bel ordre en toutes les affaires; choisit ung conseil de gens de bien, saiges, modestes, sçavans et suffisans; distribua les honneurs, gouvernemens et magistrats au mérite, tant seulement et avec tout cela, comme remarquent très bien Dion et les aultres historiens, faisoit de sa monarchie une desmocratie; c'est à dire que, comnjuniquant de toutes ses affaires avec le sénat romain et prenant son adviz, il faisoit ung doulx et agréable meslange de la monarchie avec

Testât de la respiiblicque , qui est le conseil de tous les plus grands et saiges politicques.

Ne se fault donc pas estonner si ce prince, vivant d'ung si bel ordre et avec tant de justice, bénignité et discrétion, se rendit si puissant, heureux et révéré par tout l'univers, et s'il reigna si longuement en une si grande et solide paix.

Tibère luy succédant, feut l'espace de neuf ans entiers si juste, si doulx, si modéré en son gouvernement, que tout chascung vivoit en grand repos et félicité.

Mais le malheur vouleut que, pour se soulaiger du fardeau des affaires publicques et prendre son plaisir, il feist le choix d'ung très meschant homme, nommé Séjan, et le prit en telle affection, que cest homme qui, de son naturel, estoit ambitieux, actif, audacieux, présomptueux, avaricieux oultre mesure, et à qui, à quelque prix que ce feust, en vouloit avoir et agrandir sa maison, le possédoit entièrement, et seul avoit trouvé le moyen de s'accommoder à l'humeur de ce prince, dont il sçeut tellement se prévaloir, que tout l'empire tournoit soubs son vouloir, et personne ne pouvoit aborder ce prince, ny recebvoir de luy aulcune gratification que soubs la faveur et le plaisir de Séjan.

Ut quisque Sejano intimus, ita ad Ccesatis ami-

citiam validas; contra, quitus infensus esset, inetu ac sordibus conflictabantur : libertis quoque ac janitoribus ejus notescere pro jnagni/ico accipiebatur. Qui feut cause que tout chascung commença dès lors à le caresser et rechercher ses bonnes grâces, phistost que celles de l'empereur.

Par ainsy, les charges, dignitez et gouvernemens estoient distribuez ou par argent ou aux confidens de cest homme, qui, par ce moyen, attiroit les plus meschans et factieux à sa cordelle pour s'en serv^T à ung besoing. Et n'y avoit plus ny reigle, ny police; tout estoit en désordre et confusion; les gens de bien et grands personnaiges estoient, comme l'oiseau sur la branche, exposez à l'injure, s'ilz n'estoient du nombre des idolastres de Séjan , ou s'ilz se trouvoient enveloppez en des accusations praticquées par cest homme, qui avoit des desnoncialeurs et des faulx tesmoings autant qu'il en vouloit, et faisoit trouver criminels de leze majesté ceulx desquelz les confiscations l'accommodoient , ou les charges desquelz duisoient (agréoient) à ses satellites.

Frequentabantur accusationes majestatis , unicum crinien eoruin qui crimine vacabant.

Il faisoit plus; car, durant ces confusions, il faisoit tenir son maistre loing, dans sa spélonque (caverne) de Caprée, comme ung regnard dans son trou; et, par tels artifices, l'ayant rendeu fina-

blement odieux et contemptible, qui est le plus grand déservyce que l'on puisse faire à ung prince, quel qu'il puisse estre, comme ainsy soit que l'ambition n'a borne, ny mesure, ny raison, et que l'appétit de l'homme va tousjours en croissant , il ne se contenta pas d'estre associé en la puissance soubveraine; mais, comme s'il eust esté moins estimé d'avoir ung compaignon en l'empire, il luy print envie d'estre empereur tout à faict.

Pour y parvenir, ayant desja ruyné force grands hommes qui luy pouvoient faire obstacle , il feit mourir par le poison le fils de son maistre; et, comme Dieu vouleut le prévenir de fort peu, il finit sa malheureuse vie parles mains d'ung bourreau, et feut toute sa famille esteinte, au grand contentement des bons qui restoient et ruyne des meschans, lesquelz feurent poursuyvis à toute rigueur; et néantmoins ce misérable prince ne peult jamais se remettre en son bon sens.

Tout le reste de son reigne feut tumultueux; et , ne voulant prendre la peine de redresser tous les désordres qu'il veoyoil en son estât, il finit ses jours en langueur, craincte et appréhension perpétuelle, et laissa une misérable mémoire de soy, après avoir reigné vingt trois ans.

Le troisicsme des empereurs qui s'est présenté sur le théâtre de ce monde, c'est Caligula,

'iSÔ TRAITÉ

lequel, à moins de quatre années, y a joué sou personnaige bien différent.

Au premier, il a faict vrayment le roy, gouvernant ses subjects avec tant de doulceur, de prudence et de justice, ne prenant le conseil que des saiges, et faisant la guerre aux meschants, resformant ce qui avoit esté gasté et corrompeu et altéré par son prédécesseur, ostant et abolissant les tailles aux villes et provinces qui avoient esté les plus foulées sous Tibère, et partout diminuant les aultres de plus de moitié, mesme remettant les gens de bien qui, par de faulses accusations, avoient esté opprimez en leurs hon neurs et biens , et chastiant les deslateurs et faulx tesmoings des peines légales, et donnant en tous ses desportemens ung si bel exemple de bien vivre, que c'estoit ung miroir de toutes vertus et perfections; feut environ deux ans en ceste saine disposition, aimé tellement et cher} de tout le peuple, qu'il cuydoit (croyoit) veoir ung Dieu terrestre soubs l'imaige de ce prince.

Mais ceste inaccoustumée prospérité feut bientost transmuée en uns: e^rand malheur et de l'empereur et de l'empire; car, comme s'il eust esté promptement saisy d'une fiebvre chaulde, ou surpris de quelque subite fureur ou alliénation d'entendement, il ne contrefeit poinct, mais feit tout à faict le tvraii.

Premièrement , en , moins (Fiing an , il consomma en folles et prodigieuses despenses tous les tlirésors que Tibère, pillant toute la terre, avoit amassez, montant à soixante millions d'or.

Après cela, il appliqua tout son soing, son industrie et son esprit à inventer de nouveaulx im posts et toutes sortes d'exactions, choses ordinaires à tous princes prodigues, qui per ambitiones et fastus exhaustuni œrarium per scelera replere consueverunt ; et toutes inventions leur sont courtes pour arracher argent de toutes parts; de manière que les peuples ne sçavent bonnement ce qu'il leur fault , quand, au lieu d'ung prince espargnant et bon mesnaiger, ilz demandent et souhaitent ung prince prodigue et despencier.

Exhaustus igitur atque egens ad rapinas convertit anirnum vario et exquisitissirno auctionwn^ caluniniarum et vectigalium génère^ nidlo rerum aut hominum génère oinisso ^ cui non aliquid tributi imponeret. Pro eduliis quœ tota urbe venirent certum statutumque vectigal exigebat; pro litibus et judiciis ubicumque conceptis quadragesirnani summœ de qua litigaretur exposcebat, nec sine pœna , si quis composuisse vel donasse negotiuni convincerelur.

En somme, il faisoit argent de tout, et n'y avoit chose si sacrée qui ne feust en vente , si

•aSS traité

sale ordure et vilainie dont il ne tirast profict.

Pour le regard de la justice et des ministres d'icelle, il n'y avoit rien qu'il eust à plus grand mespris; et, pour les charges et diguitez publicques, c'estoient ou pour ceulx qui auroient le plus d'argent, ou pour des escrimeurs, bouffons, coupe jarrets et telles aultres racailles, qu'il estimoit cent fois plus que les sénateurs et gens de bien.

Et, comme l'athéisme n'est jamais guères loing de l'injustice, il se faisoit adorer comme ung dieu; et, non content de ceste adoration parmy les payens, il vouleut faire mettre et adorer son imaige dans le sainct temple de Hiérusalem, et l'eiist faict, si Dieu n'eust permis ce monstre estre exterminé de la face de la terre, qui feut vingt deux mois après qu'il eust transformé son gouviernement royal en une bestiale et tyrannicque domination, qui lui cousta la vie.

C'est de luy, dont parlant Sénèque dict que nature l'avoit expressément miz sur la terre pour faire veoir aux hommes mortelz combien peuvent les vices supresmes, quand ilz se rencontrent avec ime soubveraine et sublime fortune, puissance et authorité, et pour vérifier de plus en plus le dire d'Aristote, qu'il n'y a rien pUis dangereux que l'injustice armée, comme a esté dict ailleurs.

La raison est par ce potestas militiœ juncta nervos affectibus addit.

A ce forcené et furieux succéda le plus lourd, stupide et hébesté de corps et d'esprit qui feust oncques, et qui a fourny d'argument et matière de risée aux beaulx esprits de ce temps là ; tesmoings l'Apocolocynthose, qui se veoit encore aujourd'hui à la fin des OEuvres de Sénèque, et le Sabellique dict qu'Anthonia à sa mère, parlant de luy comme de chose monstrueuse , disoit que c'estoit ung homme que nature avoit commencé et ne l'avoit poinct parachevé.

Mais la destinée , dict il , et révolution des choses humaines (notez, je vous supplie, ceste très belle conception, car elle le vault bien) portoit que l'orgueil insupportable de ce peuple romain, victorieux et triomphateur de l'univers, feut finablement, par la vengeance divine, abbattu de nouveau par une métamorphose digne de risée ou plustost de commisération , soubmi5i à la plus imparfaite et impertinente créature qui feust lors, afin, dict il, qu'aulcung, quelque puissant qu'il puisse estre, soit peuple, soit prince, ne se glorifie sottement, comme ung paon en son beau plumaige et en sa grandeur, ains se soubvienne de la fragilité et caducité des choses humaines.

Et sa propre sœur Livia , comme quelque de- I. inéd, 19

vint liiy dict que son frère seroit quelque jour empereur : A Dieu ne plaise, dict elle, que la fortune du peuple romain soit jamais si rabaissée d'estre soubmise à ung si impertinent homme; et néantmoins les affaires publicques ne se portèrent pas si mal soubs cest empereur, qui n'avoit ny orgueil , ny présomption , ains se défioit de ses forces, que soubs les orgueilleux, ambitieux et insolens, qui n'avoient poinct d'aultre raison et justice que leur volonté, de loy que leurs passions désorganisées , de reigles que la force, l'audace et la violence : là où cestuy cy, se desfiant de son propre sens, laissoit faire son conseil et le sénat pour les affaires d'importance.

Oultre cela, prenoit luy mesme la peine de rendre la justice aux particuliers, sçachant pour le moins ceste doctrine, que c'estoit elle, et non ses beaulx yeulx, sa belle taille et bonne grâce, qui le feroient obéyr et recognoistre pour empereur; et, de faict reignant avec ce soing de rendre luy mesme et faire rendre la justice, il ne se trouva poinct de conspiration faicte contre sa personne; et, s'il peust se garder de ses plus proches, il estoit en seureté pour le regard de tout son peuple.

Mais Agrippine, sa femme, impatiente jusques au mourir, et qui, à quelque prix que ce feust, vouloit veoire son fils empereur, elle, de vérité,

luy feit la planche pour y monter; mais ce feut par la mort meschamment advancée de son propre mary, au bout de quatorze ans de reigne assez paisible.

Ce feut donc ce tant diffasmé Néron qui parvint à l'empire par l'empoisonnement de son père adoptif, empoisonnement néantmoins dont il estoit innocent; et fault noter que jamais prince ne feit plus belle entrée pour bien gouverner ung riche et puissant empire que feit cestuy cy.

Premièrement il luy print envie , pour sa bien veneue, d'abolir toutes les tailles, dont le sénat luy feit remontrances que c'estoit comme la dot que la respublicque luy apportoit pour soubtenir les charges d'icelle; de sorte que, ne les pouvant oster entièrement, il les retrancha et diminua de plus des deux tiers par tout son empire : i'authorité feut rendeue au sénat, et choses aulcunes d'importance ne se faisoient sans son adviz; les deslateurs, flatteurs, macquereaux, bouffons et aultres gens de néant tousjours, ez courts en suite des princes, gaigneront le hault.

La justice rendeue si esgalement, les honneurs, magistrats et gouvernemens si justement distribuez, les meschans si sévèrement punis, ung si bel ordre et police partout estably, que l'on cuydoit estre retourné ez anciens siècles de Saturne, tant renommez.

Et ce bonheur dura cinq ans entiers, et de là est veneu le proverbe, Quinquenniiun ISeronis, quand on veult signifier ung heureux et beau commencement; et peult on remarquer que, pendant ces cinq ans , Néron feut tellement favorisé du ciel, que de toutes les partyes du monde on le venoit congratuler, rendre et jurer obéyssance et fidélité.

Il estoit avec cela gardé, servy et protégé des yeulx, des mains et du cœur du peuple, veoire bien plus fidellement que de ses légions et grand nombre de soldats et mercenaires; et s'il eust tousjours suivy ce bon train , il eust esté plus heureux que ne feut jamais Auguste.

Mais, comme les grandes prospéritez enivrent, charment, corrompent et ruynent finablement la pluspart des hommes, s'ilz n'ont des grâces spéciales infuses d'en hault, et surtout la craincte de Dieu vivement empreinte dedans leur ame (ce qui est la vraye bride de l'homme de bien, et laquelle, plus que tout aultre, le retient en debvoir et aux termes de piété, de justice et de raison), ce jeune prince se laisse, du commencement, aborder par de beaulx diseurs à gaiges, des flatteurs qui l'eslèvent par dessus tous les hommes, par des baladins et aultres ministres de voluptez qui luy représentent les délices de la ville de Rome, luy font veoir les comédiens, bal-

DE LA RJÉFORMATION DE LA JUSTICE. '2g'5

teleurs , gladiateurs ; et , de l'ung à l'aultre , le plongent par leurs belles instructions si avant aux vices , que les beaulx préceptes et enseignemens du grand Sénèque , qui avoit si longuement cultivé ce bel esprit, feurent bientost miz en oubly; et, au lieu d'iceulx, il s'abandonna tout à faict à la discipline des plus desbordez, meschans et détestables hommes qui vesquissent de ce temps là, se laissa manier et gouverner par eulx, et enfin se monstra plus habile maistre que les plus grands docteurs du mestier, en toutes sortes de desbauches, inventions et meschancetez tyrannicques.

Et comme ainsy soit, qu'en tel degré que tient la chose en sa nature, elle le tient aussy en mal, s'il arrive qu'elle se corrompe, d'où vient que du meilleur et plus généreux vin se faict le vinaigre plus fort et plus corrosif; aussy les excellentes nations deviennent beaucoup plus meschantes que les aultres, lorsqu'elles se corrompent et desbordent, et quand encore, avec cela, elles se trouvent les forces en mains pour exécuter leurs violences , leurs appétits et passions desreiglées, elles se trouvent pesle mesle et en ruynes soubs les gouvernemens.

x\ussy, soubs Néron, pendant le reste de sa mestamorphose et naturel changé, qui dura neuf ans, la justice feut foulée aux pieds; les magis-

trats et gouverneniens, entre les mains des plus infasmes créatures de ce siècle là; les tailles et charges sur le peuple, multipliées pour fournir aux excessives despenses de ce prince et à ses insatiables satellites : de manière que les nations et provinces se révoltèrent de toutes parts, les Gaules ayant toutes les premières secoué le joug, et, à leur exemple, toutes les Espagnes, et tous les jours venoient nouvelles de peuples rebellez; et ce que je trouve de plus esmerveillable, c'est qu'estant abandonné de tant de gens de guerre qui estoient à sa solde, et de ses domesficques et plus proches , à peine luy resta il parmy tant de milliers d'hommes qu'il avoit extresmement enrichis, deux ou trois qui eussent le couraige de l'assister en sa cheute et adversité.

Seulement ung affranchy sien luy feit fidelle compaignie jusques au bout, et ne vouleut survivre au désastre de son maistre, en présence duquel, veoyant tous moyens de salut perdeus, il se donna le coup de la mort; et, à son imitation , ce misérable feut réduict à ce poinct de se tuer soy mesme pour ne pas tomber entre les mains du peuple, qu'il avoit si tyrannicquement traicté.

Par ceste mort, Rome, comme au sortir d'une pestilence universelle qui avoit saisy les plus saines et plus nobles partyes de Testât, reprit aulcune-

DE LA RÉFORMATION DE LA JUSTICE. SqS

ment ses esprits; mais néaiitmoins, tout ainsy qu'après une longue et fascheuse maladie on est long temps à se remettre, elle feut de mesme soubs Galba, Othon et Vitellius, qui tous passèrent comme ung esclair, et ne commença de • s'asseurer de la guérison et ressentir les forces naturelles que soubs Vespasien et Titus : cuyda recheoir soubs l'injuste Domitien.

Mais, soubs Trajan et les Anthonins, princes grands justiciers, la vérité est que l'empire feut renouvelle et remis en sa grandeur et ancienne majesté par le moyen du bon ordre, tant en la justice qu'en la police que ces bons empereurs y establirent; car certainement tout feut en si bon estât soubs ces vertueux princes, que le peuple vivoit sans oppression , la noblesse estoit honorée et recogneue selon son mérite, le sénat mainteneu en sa dignité, les magistrats distribuez à ceulx qui en estoient dignes, les gens de guerre vivoient en une forte discipline, les provinces estoient.soulaigées, et la justice, qui est le comble de toutes prospéritez, estoit esgallement distribuée aux grands comme aux petits, par judges qui estoient tellement sans tache et sans reproche, qu'au moindre soupçon et plaincte que l'on avoit d'eulx, il en failloit venir à la vérité, et s'il s'y trouvoit quelque ordure et mal façon, jamais elle ne devenoit impimie; comme aussy la calomnie ne

manquoit pas d'estre vengée, et l'innocent miz à couvert et en seureté.

Geste belle discipline estoit exactement gardée : il ne se trouvoit guères de concussions soubs telz gouvernemens (et ceste raison soit fidellement remarquée ) , parce que les offices estoient conférés non par or, argent, faveur, ny recommandation que celle de la vertu, suffisance et prud'hommie; et les hommes ainsy choisis par honneur, qui est le vray loyer et récompense des gens de bien, estoient si jaloux de le conserver, qu'ilz n'avoient rien au monde plus cher que l'entretenement et conservation.

Et tout ainsy que ce n'est pas assez que la femme de César soit pudique, mais encore est besoing quelle soit sans soupçon; aussy le bon judge ne veult pas que le moindre soupçon de corruption soit contre luy, et si la calomnie, qui talonne assez souvent la probité, la pudeur •et la prud'hommie, luy preste quelque charité, il n'a jamais de repos qu'il n'ait faict effacer ceste tache de son miroir.

Platon en rend une belle raison, lequel compare la justice à la rose, et aulcungs comparent la rose qui est encore en son bouton sur le rosier. Si donc celuy auquel l'administration de justice est commise ne garde en elle une pureté et chasteté inviolable, ains se laisse corrompre,

il sera monstre au doigt et desdaigné comme la fille volage et impudicque et la rose fannée.

Mais, d'aultre costé, quand les magistrats et offices de judicature sont distribuez à la bourse, et non au mérite ou à personnaiges choisis à mesure de leur prudence, suffisance et maturité , mais de leurs esceus , ô bon Dieu ! que peult on attendre de ceulx qui y entrent par telle porte! Çroyroit on pas qu'ilz seroient insensez, s'ilz portoient leur argent aux partyes casuelles (i) pour le perdre, et s'ilz n'avoieiit intention de s'en rembourser par le meneu?

Quant à moy, je trouve qu'en cela il y a quelque apparence de raison , parce que le droict des gens permet de revendre ce que l'on achepte; et le plus grand mal est que les personnes capables croyent (et ont raison) que les offices sont deus à leur mérite, et n'y veulent mettre leur argent où possible leurs facultez ne portent pas si avant; comme ainsy soit qu'il y a peu de riches

(i) On appelait ainsi les sommes provenant des offices ou emplois publics vénaux et casuels devenus vacants par la mort du titulaire, et les droits exigibles à chaque résignation d'offices, taxés au quart ou huitième denier, et cet autre impôt connu sous la dénomination de paulette , et enfin les droits payes annuellement pour les conserver. Ces droits du fisc sur les charges judiciaires n'étaient que la conséquence immorale de la vénalité des charges.

298 TRAJTÉ

qui soient studieux et laborieux, et les plus studieux pour la pluspart ne sont jamais guères aspres à l'argent et aux mesnaiges : ainsy passent leur aage privez du loyer deu à leur vertu, et le public intéressé, d'autant qu'il ne recueille pas le fruict du labeur de tant de grands personnaiges qui croupissent, non faulte de sçavoir et d'intégrité, mais faulte de cens, et voyent avec despit déjeunes gens tenir les rangs et places ez quelles ilz debvroient estre appeliez par honneur.

Il ne se fault donc pas estonner du desordre qui est en la justice, et des plainctes qui s'en font tous les jours, parce que l'on ne cherche pas les hommes pour les estats, mais leur argent; et proprement sommes aujourd'huy au temps de Salluste, où la capacité et le sçavoir estoient réputez à sottise et vanité, et l'or et l'argent en honneur et soubveraine authorité.

Mais aussy l'empire ne tarda guères à se ruyner après cela, et autant nous en pend à l'œil, puisque de mesrae cause vient tousjours mesme effect, si l'on n'y remesdie.

Hodie non probitate nec industria, sed dmtiis et sumptihus ^ homines novi cum clarissimis viris œquare se , et per latrocinia ad honores potius nituntui\ quœ inter vana jani reputantur.

A la vérité, c'est un des principaulx droicts

(le la soiibveraineté, de créer des magistrats pour rendre Ja justice; mais tout soubverain est obligé, en sa conscience , de ne la commettre qu'à personnes d'aage , de probité et d'expérience , et encore gratuitement.

Est notoire le dire d'Alexandre Sévère, qu'il est nécessaire de permettre à celuy qui achepte de revendre ; et seroit chose trop doubteuse de punir celuy qui revend ce qu'il achepte à beaulx deniers comptans.

Et Cicèron contre Verres : v En nostre respublicque, dict il, ceulx qui sont parveneus en quelque magistrature font ce qu'ilz peuvent pour remplir leur bourse, et réparer ceste bresche faicte à leur maison et mesnaigerie par tel achapt.»

In nostra republica soient, quiper largitionem magistratum adepti sunt , dare operarn ut illam lacunam rei familiaris expleant. ( Cicer. in Verrem Orat. )

Pour obvier à de telz inconvéniens, et empescher que la justice ne feust vendeue, l'empereur Théodose feit ceste saincte et louable ordonnance, de faire purger (i) tous magistrats avant que les recebvoir à l'exercice de leurs offices, s'ils ont payé, donné ou promis payer, ou don-

(i) Par serment.

3oO TRAITÉ

lier quelque chose par eulx ou par personnes interposées , pour l'impétration d'iceulx.

Et m'estonne de ce hardy serment qu'ont faict la pluspart de ceulx qui sont entrez par ceste porte dorée en la fonction de judges, encores la commencent par ung parjure tout manifeste.

Or, entre tous ceulx qui se sont grandement formalisez de ceste vénalité maudicte et ruyneuse, il n'y en a poinct qui l'ait plus absolument condamnée en peu de mots, et par une sentence qui debvroit estre gravée en la mémoire de tous les princes soubverains , que l'empereur Justinian en sa novelle huictiesme.

« Faire amas d'or et d'argent par la vente des offices et magistratures, c'est, dict il, le commencement et la fin de toutes sortes de malédictions et meschancetez. » Il ne pouvoit pas parler plus véritablement, et comprendre dadvantaige en peu de mots.

Tant y a que la plus dangereuse peste et la plus sordide et pernicieuse négociation qui puisse estre ez respublicques et monarchies, est le trafic et vente des offices, estats et bénéfices. Les peines estoient grandes contre tous ceulx qui estoient jadis montez ez estats par argent , présens, ou choses équipollentes à aulcung trafic.

La loy Calpurnia les regardoit incapables de tenir jamais estats, hormis celuy qui en avoit

DE LA RÉFORMATION DE LA JUSTICE. 3o I

accusé et convainceii iing aultre; car, en ce cas, il emportoit son estât, ny plus ny moins que celuy qui peult faire aujourd'huy condamner quelqu'ung de simonie doibt emporter son bénéfice.

Toutesfois les riches, qui sont tousjours les plus ambitieux, ne laissoient ils pas d'y contrevenir, et envoyoient leurs courretiers en l'assemblée des estais avec grande somme de desniers pour corrompre le peuple ; et ce qui est grandement remarquable, c'est que les grands ne faisoient pas seulement trafic pour eulx , mais encores pour leurs cliens, pour leurs amys, pour leurs confidens, auxquelz ilz fournissoient argent pour obtenir les plus grands offices, magistrats et gouvernemens des provinces et fortes places; et c'estoient autant de créatures obligées par telz advancemens à tenir leur party quand l'occasion s'en présentoit, pour faire quelque injustice, ravaige et entreprinse contre le repos public.

Jugurtha descouvrit bientost ce secret, comme il eut recogneu l'ambition et l'avarice desmesurée des Romains ; et sans la bonne fortune de Rome, qui, en ceste grandissime corruption, rencontra fort heureuseinent deux hommes extresmement généreux, inexpugnables par or et argent, sçavoir, Métellus et Marins, lesquelz

3o2 TRAITÉ

n*abandonnèrent jamais ce parricide qii'ilz ne l'eussent amené pieds et poings liez, comme a esté dict cy dessus , c'estoit dès lors faicl de l'empire : la vertu de ces deux grands hommes retarda sa cheute; mais à la veneue de Sylla, finablement surnommé l'Heureux , et puis de César, qui avoit l'ambition et les couronnes à la teste, ceste praticque feut renouvelée plus que jamais et avec plus beaucoup de force et de despense.

Car ce dernier ayant de longue main descouvert le secret , et qu'il ne falloit , pour parvenir à son desseing, que faire amas d'or et d'argent, il n'espargna rien pour avoir de grands gouvernemens; entre aultres feut celuy de toutes les Gaules, par l'expilation (pillage) desquelles il feit ung si grand amas de richesses, qu'il eut moyen d'achepter des hommes tout ce qu'il en vouleut, et les advancer aux plus grandes charges publicques, tant militaires qu'aultres; et par ces degrez monta peu à peu à la soubveraineté , ce qui luy eust esté impossible , si ceste détestable et très dangereuse vénalité d'offices n'eust poinct esté parmy eulx.

Ainsy le peuple, alléché de ce gain, mettoit les plus meschans hommes aux plus importantes charges, qui faisoient aussytost des ravaiges, des injustices et des extorsions admirables, et se remboursoient sur le peuple mesme, non seu-

UE LA RÉFORMATION DE LA JUSTICE. 3o3

lement au double ou au quadruple , mais au centuple.

Aussy fault il bien croire que tous ceiilx qui mettent en vente les estats et offices, mesmement ceulx de judicature, vendent la chose la plus sacrée du monde, qui est la justice.

Hz vendent la respublicque, le sang des subjects; ilz vendent les loyx, et ostant les loyers d'honneur , de vertu , de sçavoir , de piété , ilz ouvrent aux larcins, aux concussions, à l'avarice, à l'injustice, et, pour le faire court , à tous vices , ordures et meschancetez; et puis il est impossible de veoir jamais la distribution des peines et loyers, que Thaïes le Milésien disoit estre les deux colonnes qui soustiennent tous estats, tant que les princes mettent en vente les honneurs et dignitez; et ne fault poinct s'excuser sur la pauvreté et nécessité, car il n'y a excuse du monde véritable ny vraisemblable, de bazarder la ruyne d'ung estât soubs le voile de pauvreté , veu que le prince soubverain a tant de moyens pour y obvier, s'il y veult entendre, sans aller à des remesdes qui, tost ou tard, attirent la ruyne des estats et principaultez.

Et puis il n'y a rien de plus véritable ( et cela se justifie par l'histoire grecque, latine, ou la nostre mesme), que les princes mesmes qui ont le plus chargé leurs peuples d'imposts, exac-

3o4 TRAITÉ

tions , subsides , maletostes , ventes croffices et nouvelles inventions , et plus ilz ont eu de nécessité, parce que la facilité de recouvrer faict entrer en des profusions, entreprendre des despenses superfleues , et recourir à nouvelles inventions, si bien qu'il n'y a ny fond ny rive soubs telz gouvernemens.

Grande instruction pour les bons princes, qui sur toutes choses se doibvent garder de mettre en désordre leurs affaires, parce que sitost qu'une fois la porte y est ouverte , il n'y a plus de moyen de remonter à l'ordre : tout est desreiglé, chascung pesche en eau trouble, pille qui peult, se saulve qui peult.

Bref, c'est ung chaos, ung labyrinthe dont il est impossible de se développer tant que ce règne dure, parce que le maistre qui aime la confusion est servy à son goust despravé par genz de mesme humeur, qui ne demandent pas mieulx, et ne craignent rien tant que l'ordre; et lors chascung peult estimer comme tout se passe en tel désarroy.

Au demeurant. Dieu le permet aussy en haine de leurs exactions et vie dissoleue ; là où , au contraire , quand ilz sont reteneus ez termes de piété , de la justice et de la raison, ce qu'ilz ont de biens et de domaines acquiz à aultre tiltre leur proficte cinquante fois plus que ce qui vient à

DE LA RÉFORMATION DE LA JUSTICE. 3o5

leur fisc des larmes de leurs subjects vexez, affamez, opprimez de toutes façons.

Ce monstre de Caligula, après avoir, en moins d'une année, ruyné pour son plaisir ce thrésor immense que son prédécesseur, qui l'eust pas despendu ( dépensé ) en cinquante , luy avoit laissé , et Commodus /soubs lequel c'estoit (dient les historiens) crime irrémissible d'estre riche et homme de bien, après avoir, par confiscations et toutes sortes d'exactions, ruyné les plus grands personnaiges de leur empire, pour aggrandir les plus vicieux et meschans hommes de leur temps, n'avoient rien plus fréquent à la bouche que la nécessité publicque, et, sur ce fondement, bastissoient ung monde de nouvelles charges pour gehesner et accabler le peuple.

Néron feit il pas de mesme? et ce feut lorsqu'il se mocquoit de ses prédécesseurs, disant hault et clair que c'estoient de pauvres gens, et qui n'avoient jamais rien entendeu en matière de commandement , ny recogneu leurs forces , grandeur et authorité, adjoustoit, par ung extresme orgueil , que ses successeurs luy auroient beaucoup d'obligations, prenant de luy le vray modèle de régner à bon plaisir et discrétion , et faire toutes choses de puissance absoleue. Ah! peu saige et malheureux prince, tu esprouvas, bientost après ces magnifiques vanteries, ta mer-

1 I néd. 9.0

3oG TKAITÉ

veilleuse foiblesse, par l'inévitable justice du Tout Puissant, qui, d'une bouffée de son haleine, destruisit et anéantit toutes ces vaines forces, inspira les peuples et les provinces, les ungs après les aultres, toutes les légions des gardes ordinaires, jusques à tes domesticques, et mesme ce grand sénat , que tu avois si mal mesnaigé, à descharger le monde de l'insupportable fardeau de tyrannie, te faisant, pour ton dernier mets, avaler le breuvaige mortel de la hayne publicque, laquelle t'a miz, par tes propres mains, le poignard à la gorge, et faict encores aujourd'huy la guerre à tes misérables et parricides cendres.

Héliogabale pilloit et ruynoit l'univers , et rien ne luy profictoit ; il ouvrit la porte à toutes sortes de calomnie , pour avoir force confiscations. La bonté, Tinnocence et la vertu estoient comptées pour cas pendables soubs ce prince.

Qu'ainsy ne soit, nous apprenons d'Hérodian, lequel a naïvement descript son histoire, qu'il chassa tous les gouverneurs, précepteurs, gentilshommes et domesticques de son fils Alexandre, mesme en feit mourir quelques ungs des plus grands, et envoya les aultres en exil, parce, disoit il, qu'ilz gastoient ce jeune prince, luy enseignant la vertu et une manière de vivre modeste , laborieuse et virile, au lieu qu'ilz luy dcb-

DE LA RÉFORMATION DE LA JUSTICE. So^

voient seulement apprendre à saulter, danser, folastrer, ribler (i), et tous exercices de plaisir.

Et de faict, il mit en leur place toutes sortes de gens propres à ce mestier, pour façonner et composer à leur mode la jeunesse de son fils.

Au reste , toutes inventions pour recouvrer argent estoient bien veneues à sa court. 11 vendit les premières charges et offices de judicalure au plus offrant, et celuy qui en donnoit le plus estoit le plus capable et le plus homme de bien, à la mode de ce temps là. On siffloit et se mocquoit à gorge desployée de sçavoir, de justice et d'intégrité.

Tous ceulx qui en faisoient profession estoient réputez pédans , gens de peu de vertu , qui ne sçavoient pas vivre, s'accommoder au temps et faire leurs affaires: les bouffons, baladins, flatteurs, pipeurs , tueurs à journée, escrimeurs, macquereaux et aultres ministres de voluptez , estoient en crédict et promeus aux plus grandes dignitez , et emportoient mesme les gouvernemens des provinces et places fortes, avec les premières charges de la miUce.

Bref, il n'y a voit pour tout en honneur et recommandation, que l'or et l'argent, et, par une conséquence nécessaire, le vice , le larcin et l'in-

(i) Courir la nuit.

3o8 TRAITK

justice; et iiéantmoins, avec toutes ces exquises recherches et malheureuses inventions, ce prince ne se veit jamais à son aise , ains feut perpétuellement affairé; et au bout de six ans, qu'il feut massacré par ses propres gardes, il laissa son empire pauvre, engagé et en debte de toutes parts: et son successeur Alexandre Sévère, l'ung des plus saiges et vertueux princes qui ayent encores esté, lequel, dès le commencement de son règne, feit choix des plus gens de bien, saiges et expérimentez qui feurent lors, et en composa son conseil privé , chassa du sénat et de la préture et aultres courts et justices, ceulx qui s'y estoient indignement introduicts par argent, par la corruption du siècle et par leurs vices, mit en leur place les plus sçavans et renommez jurisconsultes, révoqua ces beaulx gouverneurs de provinces, les chefs d'armées, les capitaines, lieutenans et aultres, que son prédécesseur avoit fourrez ez légions et compaignies de gens de guerre , au grand déshonneur et dérision de la milice romaine ; faisant commandement à tous ceulx qui estoient sortis de la boutique d'y retourner et reprendre leur mestier , et à ceulx qui n'avoient d'aultres vacations que de bouffonner , flatter, piller, calomnier, ou faire quelque infâme servyce, il leur feit deffences, sur peine de la vie, de se trouver jamais à la suite de sa court; et.

DE LA RÉFORMATION DE LA JUSTICE. 3o9

au lieu d'iceulx, donna les gouvernemens des provinces et places fortes aux vieulx chevaliers, aux saiges et expérimentez capitaines , et les charges militaires aux vaillans hommes et bons soldats, qui, par leurs services rendeus au public, avoient faict preuve de leur valeur.

Après ung si heureux commencement , il bannit de tout son empire ce vilain trafic et négociation d'offices , et dict tout hault en plein sénat : ISon paiiar mercatores potestatum , « Je n'endureray jamais ceste infasme négociation d'offices et magistrats. »

Et néantmoins ce bon empereur ravala les charges et imposts, de telle sorte que celuy qui payoit trente et ung esceus soubs Héliogabale,ne paya plus qu'ung esceu soubs Alexandre , et encores avoit il délibéré de réduire cesl esceu au tiers, s'il eust plus long temps vesceu ; mais il ne régna que quatorze ans, dans lesquelz il acquitta les debtes de son prédécesseur, soubtint les efforts des Parthes et des peuples du septentrion, laissant l'empire florissant en armes et en loyx.

Vray est que sa maison estoit saigement réglée, les prodigalitez, les dons esgalement distribuez, les larrons esclairez de si près, qu'il n'en reschappoit jamais ung dont il eust cognoissance ; aussy les avoit il en telle horreur, qu'il ne les pou-

3lO TRAITÉ

voit veoir sans extresme colère et sans leur faire ung affront, comme il feit ung jour à ung certaui Arabinus (i), sénateur diffamé à cause de ses larcins et concussions, lequel l'estoit veneu saluer avec les aultres sénateurs.

Il le porta avec telle impatience, qu'il commença à s'écrier : «O Dieux immortels î eh quoy, Arabinus, non seulement estencores vivant, mais ose comparoistre devant moy, comme si j'estois capable de l'endurer, ou que je feusse consentant et complice de ses larcins. »

D'aultre costé , jamais ne manquoit de récompenser et salarier largement les magistrats qui estoient sçavans et gens de bien, et s'acquittoient fidellement du debvoir de leurs charfi^es: car il fault , disoit il , enrichir les bons magistrats, afin qu'ilz se puissent maintenir dignement; mais les meschans, il les fault appauvrir et chasser au loing.

Et oultre tout , il chérissoit grandement le gland jurisconsulte Ulpian , du conseil duquel il se servoit entre tous aultres, et conféroit souvent à luy seul, dont plusieurs de ses courtisans concevoient jalousie contre luy; et comme les capitaines et soldats de ses gardes se feussent ung

(i) Septimus Arabinus, sénateur très -décrié, accusé et absous sous Héliogaljale.

DE LA RÉFORMATION DE LA JL'STICE. 3ll

jour mutinez contre iceluy, le voulant oultraiger, ce vertueux prince couvrit son Ulpian de son manteau, et le préserva de ce danger.

Il estoit sévère , mais cela rendoit non seulement sa majesté de plus grande, ains faisoit encores que les flatteurs et rats de court n'osoient approcher de luy.

Il ne pardonnoit aulcune meschanceté à parent ou amy qu'il eust, ains les punissoit, ou du moins les chassoit, et leur deffendoit sa court et sa présence; et les chassant, souloit dire: «Je les ayme, mais j'ayme beaucoup plus la respublicque , de laquelle ilz se sont rendeus ennemys par leurs vices. »

Et afin que personne n'ignore quelz personnaiges il avoit choisis en son conseil, il est à propos d'en faire mention pour vérifier ce dire de tous les politicques, que le bon conseil d'ung prince suffict pour rendre son estât heureux et florissant , et le maulvais conseil est suffisant pour ruyner et le prince et son empire tout ensemble.

Premièrement il avoit ung Fabius Sabinus, appelle le Caton de son temps ; Domitius Ulpianns, grandissime jurisconsulte; iEtius Gordianus, excellent personnaige , père de ce Gordian qui depuis feut empereur; Julius Paulus, fort sçavant en droict ; Claudius Venatus , grand orateur ; Pomponius Alfenus, Africanus, Florentin us, Mar-

3l.i TRAITÉ

tianiis, Callistratus, Hermogenes, VenuIevis,Triphoniiis, Celsus, Proculus, Modestiniis, tous excellens hommes en toutes sortes de sciences, mesmement en îa jurisprudence: au demeurant, de vie sans reproche, et tous aymez uniquement de Tempereur; aussy Faymoient ilz comme leur propre vie.

Il avoit encores avec ceulx là Catilius Severus, son cousin, fort sçavant personnaige; ^tius Serenianus, homme en toute façon incorruptible; Quintilius Marcellus, homme de si grande intégrité, qu'il ne s'en trouve pas ung meilleur en toute l'histoire.

Le conseil de ce prince estant de ces grands et plus rares personnaiges de leur siècle, gens qui avoient la main nette, et qui n'avoient auUre ambition que de bien faire, et auxquelz l'empereur croyoit plus qu'à ses propres yeulx, que pouvoit il arriver de maulvais et de sinistre au gouvernement de l'empire? Aussy avoient ilz tous esté chassez à cause de leurs éminentes vertus par Héliogabale.

Mais avant esté tous mandez et honorez par Alexandre Sévère, ilz le gouvernèrent paisiblement; et, par leurs bonnes mœurs, ilz le confirmèrent de tant plus en sa probité naturelle et innocence de vie, et le rendirent le plus accomply et parfaict prince qui ayt guères esté.

DE LA RÉFORMATION DE LA JUSTICE. 3l3

Et (le faict, par la mort de ce prince, qui, plus que nul aultre de ses devanciers , et plus longuement, feut pleurée et regrettée, non seulement des Romains, qui sentoient leur perte irréparable, comme du vray père de la patrie, mais de toutes les nations, l'empire commença à s'affaiblir et décliner petit à petit, par la faulte des empereurs, qui suyvirent le conseil de gens de peu de vertu, et feurent la pluspart meschans, vicieux et tyrans, lesquelz , par leur injustice et maulvaise conduicte , ont à la fin finale perdeu le plus grand empire qui feut jamais.

Mais nous nous sommes assez pourmenez par l'empire romain , tant populaire que monarchique; et parce que le temps ne permet pas de poursuyvre et d'examiner pour ce coup la suite des aultres empereurs, il fault retourner chez nous, et veoir comme on y a gouverné nostre justice, mesmement depuis l'érection des parlemens, et par quel désordre on est veneu à ung si grand nombre de juridictions, si grande multitude de judges et aultres membres de justice.

Premièrement, il fault bien croire que le moindre exercice de nos ayeulx les anciens François estoit de playder : c'est ung tesmoignaige de leur franchise, rondeur et égalité. Hz avoient peu de loyx et d'ordonnances, mais ilz les observoient fort religieusement ; au demeurant ,

3l4 TRAITÉ

croy oient que les vrayes et meilleures loyx de toutes sont les bonnes mœurs.

Estant ainsy composez pour la pluspart , ilz se faisoient raison les ungs aux aultres sans beaucoup de cérémonies; les sièges de justice estoient si peu fréquentez, qu'ung seul judge suffisoit en une grande prévosté et viguerie (i); les plaideurs et hommes processifs estoient fuis comme excommuniez , et teneus pour gens infâmes et de rapine.

Le villageois n'avoit aultre soing que de son labouraige et mesnaige champestre; il cultivoit fidellement sa terre; aussy luy payoit elle et rapportoit l'usure de sa peine. Son peu de bien luy profictoit , parce qu'il ne faisoit tort à

(i) Juridiction subalterne dont le chef avait le titre de viguier. On appelait ainsi, dans le midi de la France, les fonctionnaires nommés ailleurs prévôt et échevin. Ils réunissaient les fonctions administrative et judiciaire. Telle était l'ancienne autorité municipale. On lit dans Pithou, Traité des Comtes de Champagne : « Les ducs ayant soubs eulx une province ou plusieurs et comtez, soit quatre, douze ou aultre nombre. Les comtez tenoient bien souvent le territoire d'une seule ville en leur gouvernement, qui estoit appelé comté, et eulx comtes d'icelles, et avoient des lieutenans particuliers, qu'ils appeloient vicaires ou viguiers.... » Ainsi, suivant Pithou, ces viguiers étaient les délégués des ducs et des comtes.

DE LA. IIÉFOKMATIOJV DE LA JUSTICE. 3l5

personne, et ne recevoit oppression de nulle part.

De chicannerie , elle n'estoit pas encores née , et se trouvoient lors plusieurs paysans qui ne cognoissoient aultre clocher que celuy de leur village.

Nec supplex turba timebat Judicis ora sui, sed erant sine judice tuti.

S'il survenoit quelque dispute entre eulx , ilz s'en accordoient de voisin à voisin, ou le gentilhomme du village, ou quelque aultre homme de bon sens les appaisoit pour la pluspart; ainsy le paysan vivoit content du sien, payoit ses droicts et debvoirs fort librement ; le pouvoit faire, parce qu'il n'estoit opprimé ny de tailles, ny de courvées, ny des soldats, ny des sergens, ny des procez, et n'estoit jamais guères distraict de sa charrue pour aller aux plaids.

Les gentilshommes (i) n'avoient pas le couraige si rabaissé de manger le bon homme, et n'avoient pas ceste sotte et furieuse ambition de se faire craindre par braveries, menaces, et à coups de bastons, mais desiroient d'estre aymez,

(i) On désignait ainsi les hommes libres. Tons ceux qui avaient droit de cité, gentilis^ gentls homo , homme de la nation. Ainsi , dans l'origine , les mots gentilhommes et citoyens, pris dans leur véritable acception, étaient synony-

3l6 ÏHAITÉ

servys et honorez par respect de leurs subjects, qu'ils traictoient comme leurs cliens,et aulcungs comme leurs propres enfans, et les préservoient de toute injustice , tort et violence.

Il n'y avoit lors guères de procez parmy la noblesse, et si aulcungs survenoient, ilz se rendoient par l'entremise de leurs amys ; ou s'il y avoit quelque opiniastre qui ne vouleust croire que sa fantaisie , comme il s'est trouvé de tout temps des hommes querelleux, riotteux (chicaneurs) et pleins de contradiction, on les appeloit par devant le baillif ou séneschal , lequel entendoit les partyes par leurs bouches , balançoit leurs demandes et deffences, oyoit leurs tesmoings, veoyoit leurs pièces décisives, bref , instruisoit pleinement sa conscience , puis donnoit sa sentence définitive , à laquelle acquiesçoit tant de part que d'aultre ; et lors estoit réputé à honte, et y alloit quelque chose de l'honneur de celuy qui appelloit de la sentence des judges ordinaires , et en estoit mésestimé parmy les gens de bien et d'honneur.

Cela faisoit que les palais des courts soubveraines estoient fort peu fréquentez desappellans;

mes. Cette question, controversée par l'ignorance ou l'orgueil, n'a jamais été pour l'homme sage et instruit qu'une dispute de mots.

et ceiilx qui témérairement soubtenoient une maulvaise cause, n'amendoient pas leur marché, y estoient tousjours condamnez.

Quant à la marchandise (le commerce), elle estoit lors en vogue et resputation , et les meilleures, plus riches et plus grandes familles estoient celles des marchands.

La raison est parce qu'ilz n'estoient pas distraicts de leur trafic et négotiation pour aller perdre leur temps et leur argent à une cohue ; et s'il survenoit entre marchands quelque dispute, elle estoit aussitost appoinctée de marchand à marchand, sans formalité ny figure de procez , et puis ( ce qui est grandement à remarquer ) ilz ne quittoient poinct leur trafic , qui estoit grand et questueux ( lucratif) à merveilles, pour entrer aux estats ou de finances ou de judicature , parce que en l'ung ny en l'aultre il n'y avoit rien à gaigner, à cause que l'on mettoit, soit aux finances, soit aux dignitez de judicature, que gens de grande intégrité, recogneus et réputez telz, et surtout sans aulcune tache d'avarice, qui faisoienl leurs charges avec honneur là où les marchands aymoient mieulx le gaing et le profict, lequel, à la façon que ce monde est faict, ne va jamais sans honneur, bien que ce ne soit pas le vray.

Mais le vulgaire n'y regarde pas de si près,

3l8 TRAITÉ

lequel ne faict cas que de ce qui paroist , qui est questueux et lucratif, et faict plus d'honneur aux richesses qu'à la vertu.

Ainsy chascung estoit purement occupé selon son sens et inclination naturels : ceulx qui aspiroient aux honneurs et dignitez publicques faisoient provision de sçavoir, de vertu, de preudhomie, et, par la sincérité de leurs bonnes mœurs et de vie sans reproche , acquéroient une resputatiod qui estoit la vraye monnoie de ce temps là, soubs la faveur de laquelle ilz estoient appelez et promeus aux charges sans brigues, ny se travailler et consommer en frais pour les demander, et jamais aulcung n'estoit miz en oubly ny fraude, mais tost ou tard recevoit le loyer (récompense) deu à son mérite.

Ceulx qui s'adonnoient à la dévotion , aux lettres sainctes, et avoient, pour leurs estudes et bonne vie, acquiz de la suffisance (capacité) et belles qualitez en la faculté de théologie, estoient pourveus des archeveschez , éveschez , abbayes et aultres bénéfices , selon l'ordre sainct et canonique institution ; et ne veoyoit on poinct de pauvres docteurs en théologie, mais surtout n'y avoit aulcung prestre mendiant.

Quant aux gens de guerre , les seigneurs , les gentilshommes , les capitaines, qui portoient sur le front les tesmoignaiges de leur vertu , et qui

DE LA RÉFORMATION DE LA JUSTICE. SlQ

n'estoient diffamez d'aiilcung vilain acte, les bons, vaillans et non picoreurs soldats, estoient employez au gouvernement et a la deffence des provinces, des frontières, des places fortes et des charges militaires, et le chemin leur estoit ouvert par la seule vertu , de manière que ce n'est pas de merveille si nostre histoire nous apprend des exemples admirables de la valeur , magnanimité et fidélité des gens de guerre de ce temps là.

Estant bien certain que partout, et feust ce parmy les Scythes, où seront semez les loyers et récompenses des faicts valeureux, là se lèveront tousjours de rares et excellentes vertus.

Surtout les saiges princes se donnoient garde de ne commettre charge d'importance à gens poilus et enclins à avarice, parce qu'ilz l'estimoient comme elle est, la porte enseigne de toutes sortes de vices et corruptions , et porte tesmoignaige de lascheté de couraige, de perfidie, de trahison, de desloyauté.

Pour le regard de tous les aultres citoyens qui estoient enclins au lucre et à l'argent, dont le nombre est ung million de fois plus grand que de ceulx qui ayment et chérissent la vertu, ilz s'employ oient tous aux arts méchaniques et à la marchandise, y faisoient des proficts inestimables; et se trou voient lors ung grand nombre de

maisons de marchands qui surpassoient en richesses les plus grandes et illustres familles de ce royaulme, de manière que tous les ordres estoient contens, et n'y avoit celuy qui, selon son sens naturel et condition, ne trouvoit occasion et lieu pour s'occuper en Testât composé, réglé et policé de ceste ville.

Mais bientost après l'érection des parlemens, tout ce bel ordre qui rendoit la police de ce royaulme recommandable parmy toutes les aultres nations , nos voisins mesme Font hault loué par leurs escripts, qui sont veneus jusqu'à nous, et sont assez cogneus par les studieux, feut bientost altéré par la malice des hommes, laquelle s'augmentant de plus en plus, et si, comme la facilité d'avoir bonne et briefve justice leur eust deu servyr d'appast et de subject pour se hasarder et quereller les ungs contre les aultres, ilz s'accoustumèrent peu à peu d'aymer et suy vre le mestier.

Le malheur feut qu'ung peu auparavant l'érection stable des parlemens , et pendant le schisme qui lors estoit en l'église, le siège de Rome feut transféré en Avignon par le pape Clément V (i), et y séjourna par le temps et espace de soixante onze ans; pendant lequel temps les

(i) Bertrand, né à Bordeaux, élu pape en i3o5.

François, qui à tout propos estoient assignez par devant les judges d'esglise, mesme au sainct siège, apprirent les délays, les fuites, les incidens, les formalitez, les subtilitez et toutes les chicanneries de la court d'esglise, et se feirent par le laps de temps aussy sçavans que les plus grands maistres du mestier.

C'est l'opinion de la pluspart des modernes historiens, tant François qu'Italiens, et mesme des doctes de ce temps, qui ont prins de la peine de rechercher curieusement l'origine de ceste chicannerie , laquelle cause tant de malheurs en ce royaulme ; les aultres la réfèrent à l'érection des escoles et universitez de droict , auxquelles (dient ilsj l'on enseigne ces moyens d'intenter et poursuyvre toutes sortes de demandes et actions, les exceptions déclinatoires , dilatoires, péremptoires , et générallement toutes les deffences du deffendeur , avec toutes les formalitez, questions et décisions du droict , qui sont en si grand nombre , qu'à peine grande partie de l'aage d'ung homme de bon entendement y peult il suffire pour s'en rendre bon maistre.

Et pour confirmation mettent en avant l'exemple de Mathias Corvin (i), roy de Pannonie, qui est de vérité, le royaulme de Pannonie estoit

(i) Élu roi de Hongrie, le 24 janvier i458.