I . Inèd. 2 l

'5l1 TRAITÉ

ny plus grand ny moins qu'anciennement la France, régi , policé et gouverné de peu de loyx, et en iceluy on judgeoit et appaisoit les différends du peuple tout simplement, soubs la faveur, adresse et condition des anciennes coustumes du pays non escriptes : estimant nos majeurs que le sens naturel, assisté de droicte science joincle avec l'expérience, est la vraye reigle et méthode pour bien judger.

Or, il arriva que Mathias print à femme Béatrix (i), fille de Ferdinand, roy de Naples, en la suite et compaignie de laquelle feurent envoyez des plus fameux et célèbres docteurs de toute l'Italie, qui faisoient grande profession de droict, lesquelz, arrivez dans ce pays, desdaignoient avec une haultesse et apparence de gravité magistrale ceste coustume, qu'ilz appelloient barbare; ilz persuadèrent fort aisément au roy, quil es estimoit fort, de dresser à leur appétit et prescrire au peuple quelques plus sublimes exquises (disoient ilz) formes d'actions et exceptions.

Ce qu'ilz feirent soubs le bon plaisir et permission du roy, instruisant par icelle le peuple à

(i) Mathias Corvin avait épousé en premières noces, en 14^8, Catherine Podebrach, décédée sans enfants, en 1464. Il épousa, en 1/470, Anne Béatrix d'Aragon, fille de Ferdinand 1*', roi de Naples et de Sicile, qu'il répudia.

playder, comme il debvoit intenter son action, bailler deffences , et fournir de réplicques et supplicques, quelz degrez et appoinctement il failloit demander selon la diverse nature de chascune action; monstrant aussy au judge, afin qu'il ne demeurast muet , la façon de prononcer sur les demandes et deffences respectives des partyes, ou en l'absence Tune de l'aultre après les forclussions légitimement acquises , et aussy des aultres moyens et subtilitez de praticque.

Qu'arriva il de ces belles instructions? Choses estranges, certes; car auparavant n'y a voit comme poinct de procez et disputes entre eulx. Tout en feut incontinent remply, et n'y avoit si malotru qui n'eust quelque chose à démesler contre son parent ou son voisin.

Tout, en fin de compte, brusloit de procez, et ce mal, comme ung cancère, s'espandoit et commençoit à gaigner les partyes nobles, quand le roy, par les conseils, instances et très humbles prières des grands seigneurs et plus sensez de son royaulme, renvoya fort honnestement ces grands en leur pays avec leurs subtilitez et formules cérémonieuses de praticque , et restablit en faveur de son peuple, nourry en simplicité et droicture de bonnes mœurs, les anciennes coustumes du pays, soubs la guide et instructions des-

quelles ilz avoienl longuement vescus en paix et concorde.

Je ne vouldrois pas pourtant conseiller cest exemple, et nous priver, soubs prétexte de quelque abus, d'ung riche thrésor, qui est la cognoissance des loyx romaines, et de la tant noble et saincte jurisprudence, aultrement appellée saigesse civile , qui est espuisée des plus beaulx secrets de philosophie, et les préceptes de laquelle sont dictez par Fesquité mesme et par la raison.

Et comme ainsy soit que des Romains nous ayons des exemples de justice plus remarquables que toutes les aultres nations du monde, par le moyen de laquelle ilz n'ont pas moins conquis de provinces et de royaulmes qu'avec leurs armes; aussy, ont ilz eu de plus sainctes et esquitables loyx que tous les aultres peuples.

Ce n'est donc pas de merveille si leur empire a duré si longuement : en tout ainsy que Dieu ne laisse jamais aulcung bien ou acte vertueux sans rescompense; cela faict, dict sainct x\ugustin, que Dieu a maintes fois rescompense les Romains (bien qu'ilz feussent payens), parce qu'ilz s estoient monstrez religieux observateurs des vertus morales, et surtout de la justice, soubs la faveur de laquelle non seulement ilz ont conservé, mais infiniment estendeu et dilaté les bornes de l'empire; et, à ce propos, rapporter l'exemple

DE LA RÉFORMATION DE LA JUSTICE. 3l5

des Falisques et de six roys qui, à cause de la grande justice du peuple romain, l'ont laissé par leurs testamens héritier de six grands et puissans royaulmes, à sçavoir : Ptolomée, roy de Cyrène; Attalus, roy d'Asie; Euménès, roy de Pergame; Nicomèdes, roy de Bithynie; Coétius, roy des Alpes; Polémon, roy de Pont; sans infinys aultres peuples, citez et respublicques , qui volontairement se sont donnez aux Romains, tandis qu'ilz ont exactement gardé leur foy et la justice.

Que s'il failloit rejetter la science des loyx, tant nécessaire pour la conduicte et adresse des actions humaines, soubs ombre qu'elle nous enseigne les moyens non de discerner, caviller (tromper), fuir et calomnier, mais bien de se deffendre contre les surprises, impostures et meschancetez des chicanneurs, fuyards, cavillateurs et calomniateurs ordinaires, qui ne seront plus, moyennant l'ordre présent, s'il plaist à Dieu qu'il soit estably, supportez, dissimulez, ny pardonnez en justice; il fauldroit, par mesme absurdité et conséquence, rejetter la théologie et les lettres sainctes , parce qu'elles nous enseignent plusieurs et diverses sectes d'hérésies, lesquelles, comme l'ivraye dans le bon bled , ont apporté maintes fois du trouble , du schisme , du scandale dans l'Esglise de Dieu.